Filipi 2:5 - Vengo (Babungo)

⁵ Bàw mbɨꞌtə yiŋ fɨ taa fwisə viŋ lùu yaa njyə Yeso Kristo:

Filipi 2:5 Iomraidhean Croise

Matiu 11:29

Viŋ shaꞌ fəŋkɔꞌ fə kaalə nyàa faŋ maa viŋ, kɨ zwetə nu kaŋ, buꞌ laa mə lùu wuu bwaŋnə, ndɔ bwasə ŋwaa nsi fɨ taa fwi mə, buu fwi yiŋ duꞌ bwaŋnə.

Lukas 22:27

Sii kwalə ndə? Kwalə wə ntɨə faŋ ŋwə duꞌ nsi, kɨ zɨ mu, mu lùu wə ntɨə faŋ ŋwə faꞌ tɨ́ vɨɨ? Maa lùu wə ntɨə faŋ ŋwə duꞌ nsi, kɨ zɨ. Lùu faŋ ŋkə lùu taa mbi. Gə fɨ maa nsiŋ, ŋkə kee lùu nɨniŋ me. Mə lùu taa ŋwaa viŋ yaa wuu faꞌ tɨ́ viŋ.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 20:35

Nɨniŋ, mə nə də̀ tɨ́ viŋ ghee nshə, laa ŋkə bàw laa wə faꞌ nə wutə ki, gàŋtə vɨɨ mbɨə faŋ vəŋ kee kìi wutə me. Viŋ lumə yigi njyə faŋ tɨta Yeso nə gì laa, «Nu məkɔ luu nu məŋaytə shɔ̀ɔ nu məfi.»

Roma 14:15

Luu nə, a zɨ fa faŋ weenshu wə taa luŋ buꞌ faŋ ŋwə bɨꞌtə laa lùu fa bwə, buu a kee yɨ̀ jəə me, toꞌ ghuu yitoꞌ kə, kee kàw vɨɨ me. Kaa bɨsə fwi wə ntɨə faŋ Kristo nə kù tɔ ŋwə nə, buꞌ fazɨ kɔ́ me.

Roma 15:3

Nshɨ-tɔ Kristo nə kee bàwsə sheꞌ too wi me. Ŋwə nə tòꞌ yuu ŋkə lùu taa ŋwaꞌlə Nwi kɔ̀ŋ ŋwə laa, «Ndisə faŋ vɨɨ ndasə ghɔ shɔ nə, gù maa mə.»

Roma 15:5

Nshɨ-tɔ Nwi faŋ ŋwə yɨsə vɨɨ jia fwisə vəŋ taa ŋɨꞌ, baa zwìsə fwisə vəŋ nɨzi, yɨsə viŋ bɨꞌtə vənu viŋ shəŋ muꞌ, faŋ mbə kùꞌnə maa nu Yeso Kristo.

1 Kɔrintian 10:33

Nshɨ-tɔ ŋwaa kəə laa mə kɨ bawsə fwisə vɨɨ vənshə maa vənu vənshə faŋ mə yɨsə. Mə kee bɨꞌtə sheꞌ nu faŋ ŋkə taa gaŋtə mə nɨnɔŋ me; mə bɨꞌtə nu faŋ ŋkə taa gaŋtə vɨɨ vəyaŋ, tɨ́ kaꞌ mə ndɨ vəŋ, jwì nə vəŋ tɨ́ Nwi, tɨ́ vɨ kɔ Nwi bwèysə vəŋ.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

1 Pita 2:21

Nwi tìi viŋ laa viŋ biŋ ŋɨꞌ nɨniŋ, buꞌ laa nshɨ-tɔ Kristo nə bìŋ ŋɨꞌ buꞌ viŋ, meꞌtə shwenə tɨ́ viŋ, laa viŋ beꞌsə ghuu ghi.

1 Pita 4:1

Faŋ Kristo nə bìŋ ŋɨꞌ nə ŋwaa wi nə, bàw viŋ ndi njyoꞌ yijəə yi yɔ́, tɨ́ kaꞌ viŋ biŋ ŋɨꞌ nɨzi, buꞌ laa wə ntɨə faŋ ŋwə bìŋ ŋɨꞌ mbɨɨ ŋwaa ŋwə, mèꞌ vənu vəbwəvə,

1 Jɔn 2:6

Wə ntɨə faŋ ŋwə toꞌ ghuu yitoꞌ ki sheꞌ faŋ Yeso Kristo nəə toꞌ, buu kaꞌ wə ghɔ́ gì laa yi shi ghɔ Nwi.