Filipi 2:2 - Vengo (Babungo)

² Nɨniŋ, viŋ ye laa mbɨꞌtə yiŋ lùu yimuꞌ. Viŋ kɨ kawnə yiŋwaa yiŋ, fàynə nùŋ fwi siŋ maa nu kəmuꞌ. Viŋ yɨ nɨniŋ, buu mə kìi məŋaytə yaŋ.

Filipi 2:2 Iomraidhean Croise

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:29

Wəndɔŋ faŋ ŋwə ndaa wəzwi, wəzwi məndaa lùu ŋgwii. Gə̀ fɨ maa wuumba wəndɔŋ məndaa ghɔ́, ŋwə tɨŋnə kɨ zɔ faŋ wəndɔŋ məndaa ghɔ́ gisə, ŋwə ŋaytə ŋkee dɨdɨꞌ faŋ ŋwə zɔ̀ gɨ wəndɔŋ məndaa ghɔ́. Nɨniŋ, mə luu sheꞌ yaa wuumba wəndɔŋ məndaa ghɔ́. Nu kɔ́ fàynə ndee, mə kìi məŋaytə nɨzi.

Akts 1:14

Vəŋ nə luu shɔ, fwi vəŋ luu yimuꞌ, vəŋ shɔꞌtə Nwi ghee nshə. Vəki vəmɔ́ꞌ nə Meri, nshu Yeso, nə vaŋ-nshwi Yeso nə luu taa ŋwaa vəŋ nɨzi.

Akts 2:1

Shi zwisə Pentekos kuꞌ, vɨɨ Yeso vɔ́ vənshə baa baytə shəŋ muꞌ.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Akts 5:12

Vɨɨ ntɔŋ Yeso Kristo baa yɨsə vənu və shuu yɔŋvə vəyaŋ taa ŋwaa vɨɨ. Vɨɨ məbiŋ Yeso Kristo vənshə baytə taa ndii Solomon fɨ taa ŋii Nwi yikwalə ghee ghee nə fwi vəŋ yimuꞌ.

Roma 12:16

Mbɨꞌtə yiŋ luu yimuꞌ. Kɨ viŋ kɨ bɨꞌtə nu məkoꞌsə ŋwaa me, bee kii suꞌsə yiŋwaa yiŋ nsi, kee tii yiŋwaa yiŋ nə vɨɨ yitɔfə me.

1 Kɔrintian 1:10

Vaŋ-nshwi vaŋ, mə tɨsə viŋ maa yizii Tɨta ŋwaa-nsiŋ Yeso Kristo, laa nu kiŋ luu kəmuꞌ, yigisə yiŋ luu yimuꞌ. Kɨ viŋ kɨ gaasə yiŋwaa vəway vəway me. Bàw mbɨꞌtə yiŋ luu yimuꞌ. Viŋ nuŋ fwi siŋ maa nu kəmuꞌ.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

2 Kɔrintian 2:3

Lùu nu ŋkɨə faŋ mə nə nyɔ̀ꞌ taa ŋwaꞌlə ŋwaa, ŋgwə yiba, tɨ́ kaꞌ viŋ lòotə vənu, buu mə jwi. Nɨniŋ laa yighee njyə faŋ mə jwi, kaꞌ fwi nyaa kee kìi məluŋ fɨ ghɔ vɨɨ mbɨə faŋ kaꞌ vəŋ kɔ məŋaytə shee me. Mə nùŋ fwi nyaa maa viŋ laa mə kɨ luu kìi məŋaytə, buu viŋ baa luu kìi məŋaytə vənshə.

2 Kɔrintian 7:7

Nə kee lùu sheꞌ buꞌ məjwi wi me, laa fwi sia zutə; yia baa luu ŋàytə buꞌ faŋ yia zɔ̀ fɨ ghɔ ŋwə laa fwi yi nə zùtə buꞌ viŋ. Ŋwə nə nàysə tɨ́ yia kɔ̀ŋ jɨŋ njyə faŋ nyə zasə viŋ kɔ̀ŋ mə laa mə jwi, baa nə kəŋ gəŋsə nsɨə faŋ viŋ kii kɔ̀ŋ nu ŋkɨə faŋ ŋkə nə gày nə, baa nə laa viŋ kɨɨtə buꞌ mə. Nɨniŋ, mə ŋaytə maa vənu vɔ́ dɨdɨꞌ.

Filipi 1:4

Ghee nshə faŋ mə shɔꞌtə Nwi tɔ viŋ, mə shɔꞌtə ŋwə tɔ viŋ vənshə nə məŋaytə,

Filipi 2:16

Viŋ nuŋsə yigisə Nwi taa fwisə viŋ, yigi njyə faŋ nyə də jɨɨ məbwey vəlwaŋ tɨ́ vɨɨ. Viŋ kɨ luu kɨ yɨ nɨniŋ, buu vɨ ndɔ biŋ mə maa shi ŋkɨə faŋ Kristo ndɔ bəŋ jwi, laa yitoꞌ nyaa faŋ mə nəə toꞌ buꞌ nu Nwi, nə faꞌ ŋgwə faŋ mə nəə faꞌ shɔ nə, kee fùu dayday me.

Filipi 2:20

Mə kee baa kìi wə mɔ́ꞌ, tɨ̀ lɨꞌ Timoti, faŋ ŋwə bɨꞌtə vənu yaa mə me, ŋwə kɨsə gaŋtə viŋ nə fwi yijəə.

Filipi 4:2

Mə kìi nu maa mənaysə tɨ́ Yiodia nə Sintayki. Ŋkə lùu laa, mə gì tɨ́ viŋ ŋkee nəŋay laa, viŋ luu nə fa kəmuꞌ maa yizii tɨta Yeso.

Kɔlɔsii 2:5

Nɨniŋ, faŋ mə kɔlə lùu ntaŋ fɨ yɨ viŋ nə, fwi nyaa lùu ghɔ viŋ taa ŋwaa viŋ. Mə kìi məŋaytə ŋkee dɨdɨꞌ, buꞌ laa mə kɔꞌ kɨɨ laa viŋ dùꞌ jəə, baa nùŋ fwi siŋ maa Kristo, tɨ̀ŋnə weꞌ maa nu Kristo.

2 Tesalonika 2:13

Vaŋ-nshwi via, fwi sia dɔŋsə yia laa yia kɨ bwaŋ Nwi ghee nshə buꞌ viŋ, faŋ Mɔꞌmbi kàw viŋ nə, buꞌ laa Nwi nə shòꞌ viŋ shù fɨshi, laa viŋ ndɔ baw shɨlə, gə̀ nə vɨsɨ. Yɨsə Zwitə Nwi laa viŋ baw, gə̀ nə vɨsɨ nə, baa nùŋ fwi maa nu yinsəŋ.

2 Timoti 1:4

Jɨŋ maa məye ghɔ zasə mə, buꞌ laa mə lumə faŋ a nə gwia, mənsɨ shəŋkə fɨ sɨ ghɔ (faŋ sɨ nə gaasə). Nɨniŋ, mə kəə baa ye ghɔ, tɨ́ kaꞌ mə baa ŋàytə nə fwi nyaa yinshə.

Filemon 1:20

Yinsəŋ, weenshu ŋwaa, mə kàw maa məkii ŋgaŋtə fɨ ghɔ ghɔ fɨ yiba tɨta Kristo. Bàw a yɨ nu ŋkɨə faŋ fwi nyaa kàw buꞌ Yeso Kristo.

2 Jɔn 1:4

Mə ŋaytə dɨdɨꞌ buꞌ faŋ mə ye laa vɨɨ vəmɔ́ꞌ fɨ taa nshəŋtə yiŋ bìŋ nu Nwi yinsəŋ, toꞌ yitoꞌ vəŋ maa jɨɨ njyə faŋ nyə lùu yiloomə, sheꞌ faŋ tɨta Nwi nə tɨ̀ nsiŋ shɔ nə.

3 Jɔn 1:4

Nu məŋaytə kee lùu shɔ faŋ ŋkə shɔ̀ɔ yiŋkii me, laa mə zɔ laa vaŋ vaŋ toꞌ yitoꞌ yivəŋ fɨ yiba nu ŋkɨə faŋ ŋkə lùu nu yinsəŋ.