Filipi 2:12 - Vengo (Babungo)

¹² Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filipi 2:12 Iomraidhean Croise

Matiu 11:12

Shu fɨ maa shi ŋkɨə faŋ Jɔn, wuu məkɔ muu mə Nwi, nə fùu, jwi kɔ tɔ və-ndee, vɨ nywenə nu yifwàŋ yizɔ. Vɨɨ kəə bɨsə nu yifwàŋ yizɔ yɔ́ nə wutə.

Matiu 11:29

Viŋ shaꞌ fəŋkɔꞌ fə kaalə nyàa faŋ maa viŋ, kɨ zwetə nu kaŋ, buꞌ laa mə lùu wuu bwaŋnə, ndɔ bwasə ŋwaa nsi fɨ taa fwi mə, buu fwi yiŋ duꞌ bwaŋnə.

Akts 16:29

Wuu məndeynə ŋii mfiŋ, bitə kiꞌ, nyɨŋ ŋìi taa ŋii mfiŋ, ŋwaa wi nə laꞌ, ŋwə shɔɔ gə̀ gù vɨsɨ Pɔɔl ghɔ Silas,

Akts 9:6

Ndɔ yizɔ, ŋìi taa ntɨꞌ nyə̀, buu vɨ taa naysə nu ŋkɨə faŋ a taa yɨsə tɨ́ ghɔ.»

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

1 Kɔrintian 2:3

Mə nə kee jwì taa ŋwaa viŋ yaa wuu kwalə me. Mə nə jwì yaa mbəə ŋay, tɨ̀ŋ taa ŋwaa viŋ nə məfee, baa nə məlaꞌ.

1 Kɔrintian 4:14

Mə kee nyɔ̀ꞌ vənu və̀ tɨ́ viŋ laa tɔ kiŋ dɨɨ me. Mə kəə tɨ viŋ, buꞌ laa viŋ lùu vaŋ vaŋ faŋ mə kàw.

2 Kɔrintian 7:15

Nɨniŋ, ŋkawnə yi maa viŋ lùu yiweꞌ. Ŋwə lumə viŋ faŋ viŋ nə lòotə ŋwaa maa məzɔnə ŋwə, faŋ viŋ nə kɔ̀ bwaŋnə tɨ́ ŋwə nə feenə.

Efesɔs 6:5

Gə fɨ maa viŋ, vəbuꞌ, viŋ kɨ zɔnə vətɨɨ viŋ fɨ shɨ nsi nə feenə nə məlɔꞌ, baa nə fwi yijəə, yɨ nɨniŋ sheꞌ faŋ viŋ yɨsə tɨ́ tɨta Kristo.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Filipi 1:5

buꞌ laa viŋ nəə beꞌsə mə maa faꞌ yigisə Nwi, shù fɨ́ maa yighee njyə faŋ viŋ nə fɔŋ zɔ ntɔŋ yijəə Nwi, jwi kɔ tɔ və-ndee.

Filipi 1:6

Mə kɔꞌ kɨɨ ŋkee maa yinsəŋ laa Nwi, faŋ ŋwə duꞌtə ŋwə tey kɨ faꞌ faꞌ wi taa fwisə viŋ, ndɔ kɨ faꞌ taa fwisə viŋ, gə kɔ tɨ́ shi ŋkɨə faŋ Yeso Kristo ndɔ bəŋ jwi.

Filipi 2:19

Tɨta Yeso taa biŋ, buu fɨkɨꞌ nee, mə tɔŋ Timoti, ŋwə jwi yɨ viŋ, baa bə̀ŋ jwì nàysə faŋ viŋ dùꞌ tɨ́ mə, tɨ́ kaꞌ fwi nyaa zutə.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

Filipi 4:15

Vɨɨ Nwi fɨ ntɨꞌ Filipi, viŋ kɔꞌ kɨɨ laa, shù fɨ faŋ mə nə bɨ tey kɨ fɨꞌtə nu Nwi tɨ́ vɨɨ fɨ shɨ Makedonia, nə gaŋtə sheꞌ viŋ gàŋtə mə. Məshəŋtə vɨɨ Nwi mɔ́ꞌ kee baa lùu shɔ, faŋ ŋwə nə fàynə ghɔ, yia vɨ vəŋ maa məshɔɔ nə vətɔ me.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Hibru 4:1

Nwi nə kɔ̀ꞌnə tɨ́ vɨɨ laa vəŋ ndɔ ŋii maa shəŋ jəə ki faŋ kaꞌ vəŋ shə̀ŋ ŋwaa shɔ. Maa ŋkɔꞌnə yɔ́ kee ta yifaynə me; nyə lùu tɨ́ nsiŋ. Nɨniŋ, bàw nsiŋ kɨ faꞌ nə məfee, laa kɨ wə fɨ wiŋ kee ndɔ ndi me.

Hibru 4:11

Faŋ ŋkə lùu nɨniŋ nə, nsiŋ tweꞌ nə wutə, laa nsiŋ ndɔ gə shəŋ Nwi kɔ́, shə̀ŋ ŋwaa shɔ. Kɨ wə luu taa ŋwaa nsiŋ faŋ ŋwə kee zɨzɔnə me, yuu ndɔ ndi me, yaa vətɨɨ vaŋ-nsiŋ faŋ vəŋ nə kee zɔ̀nə me, kee ŋìi taa shəŋ Nwi me.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.