Filipi 1:6 - Vengo (Babungo)

⁶ Mə kɔꞌ kɨɨ ŋkee maa yinsəŋ laa Nwi, faŋ ŋwə duꞌtə ŋwə tey kɨ faꞌ faꞌ wi taa fwisə viŋ, ndɔ kɨ faꞌ taa fwisə viŋ, gə kɔ tɨ́ shi ŋkɨə faŋ Yeso Kristo ndɔ bəŋ jwi.

Filipi 1:6 Iomraidhean Croise

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:29

Yeso bəŋsə tɨ́ vəŋ laa, «Faꞌ ŋgwə faŋ kaꞌ viŋ fàꞌ, ŋwə bàw tɨ́ Nwi, lùu laa viŋ nuŋ fwi siŋ maa mə, faŋ nə tɔ̀ŋ Nwi tɔ̀ŋ mə taa mbi.»

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

2 Kɔrintian 1:15

Faŋ mə nùŋsə fwi nyaa maa viŋ nɨniŋ nə, mə nəə kəə jwì ye viŋ, laa viŋ baa kɨ fi nu jəə kəmɔ́ꞌ.

2 Kɔrintian 2:3

Lùu nu ŋkɨə faŋ mə nə nyɔ̀ꞌ taa ŋwaꞌlə ŋwaa, ŋgwə yiba, tɨ́ kaꞌ viŋ lòotə vənu, buu mə jwi. Nɨniŋ laa yighee njyə faŋ mə jwi, kaꞌ fwi nyaa kee kìi məluŋ fɨ ghɔ vɨɨ mbɨə faŋ kaꞌ vəŋ kɔ məŋaytə shee me. Mə nùŋ fwi nyaa maa viŋ laa mə kɨ luu kìi məŋaytə, buu viŋ baa luu kìi məŋaytə vənshə.

2 Kɔrintian 7:16

Mə ŋaytə buꞌ laa kaꞌ mə nùŋ fwi nyaa maa viŋ maa vənu vənshə.

2 Kɔrintian 9:4

Kee bàw laa yighee njyə faŋ yia vɨɨ Makedonia vəmɔ́ꞌ jwì, vəŋ ye laa viŋ kee ta bàytə mbiŋ vətɔ me, buu tɔ kia taa dɨɨ, buꞌ laa yia nə nùŋ fwi sia maa viŋ. Kaꞌ ŋkee tɔ kiŋ taa dɨɨ shɔ nɨzi.

Galatia 5:10

Maa yizii Nwi mə kɨɨ nə viŋ, kɨɨ laa viŋ kee ndɔ kwiinə me, laa viŋ vɨ Kristo gòꞌ fa kəmuꞌ. Luu nə, Nwi ndɔ kwaŋ wə ntɨə faŋ ŋwə bwèꞌsə viŋ nə, taa nsɔꞌ. Ŋwə kɔlə luu ndə, Nwi ndɔ kwaŋ ŋwə taa nsɔꞌ.

Efesɔs 4:12

Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ.

Filipi 1:10

Mə shɔꞌtə Nwi tɔ viŋ nɨniŋ, tɨ́ kaꞌ viŋ shòꞌ nu ŋkɨə faŋ luu nu jəə fɨ maa vənu vənshə. Nɨniŋ, viŋ ndɔ luu ŋkee vɨɨ ley faŋ vənu vəvəŋ lùu vəloomə maa shi ŋkɨə faŋ Kristo ndɔ baa bəŋ jwi taa mbi nə.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Filipi 2:16

Viŋ nuŋsə yigisə Nwi taa fwisə viŋ, yigi njyə faŋ nyə də jɨɨ məbwey vəlwaŋ tɨ́ vɨɨ. Viŋ kɨ luu kɨ yɨ nɨniŋ, buu vɨ ndɔ biŋ mə maa shi ŋkɨə faŋ Kristo ndɔ bəŋ jwi, laa yitoꞌ nyaa faŋ mə nəə toꞌ buꞌ nu Nwi, nə faꞌ ŋgwə faŋ mə nəə faꞌ shɔ nə, kee fùu dayday me.

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

2 Tesalonika 1:11

Nɨniŋ, yia buꞌ ghɔ tɨ́ Nwi tɔ viŋ ghee nshə, laa ŋwə yɨsə viŋ kuꞌnə maa məndɔ zɨ məbwey vəlwaŋ faŋ ŋwə nə tìi viŋ shɔ nə, baa nə laa ŋwə ndɔ gaŋtə viŋ maa məmetə vənu vəjəəvə vənshə faŋ viŋ kàw maa məyɨsə, nə vəfaꞌ vənshə faŋ viŋ faꞌ nə wutə ki, buꞌ faŋ viŋ nùŋ fwi siŋ maa Kristo nə.

2 Tesalonika 3:4

Yia nùŋ fwi sia maa viŋ buꞌ tɨta Kristo laa viŋ kɨ yɨsə nu ŋkɨə faŋ yia nàysə tɨ́ viŋ nə, viŋ kɨ yɨyɨsə, taa baa kɔꞌ yɨyɨsə nɨniŋ.

Filemon 1:21

Mə nyɔ̀ꞌ nu kɔ́ tɨ́ ghɔ buꞌ laa mə nùŋ fwi nyaa maa ghɔ laa a kɨ zɔnə mə. Mə bee kii kɨ̀ɨ laa a taa yɨsə nu faŋ ŋkə shɔ̀ɔ yiŋkii.

Hibru 10:35

Nɨniŋ, kɨ fwi yiŋ bwa me, buꞌ laa vɨɨ mbɨə faŋ vəŋ nùŋ fwi vəŋ maa Nwi, gə ziꞌ maa vəndwə, ndɔ kii vəkeynə vəkwalə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

2 Pita 3:10

Viŋ kɔꞌ kɨɨ laa, yighee ndɔ kɨ kuꞌ, faŋ tɨta Yeso ndɔ bəŋ jwì, ŋwə ndɔ gwəkə jwi yaa ndɔꞌ, faŋ ndɔꞌ yaa kɨ jwi faŋ vɨɨ kee yikɨɨ me. Maa yighee yɔ́, vɨ ndɔ zɔ gɨ yikwalə yimɔ́ꞌ laa «kwaŋ», yizɔ kee baa lùu shɔ me. Vətɔ fɨ yizɔ nə fɨ nsi yey taa wi vənshə, mè laylay. Nsi nɨzi, ghɔ vətɔ vənshə faŋ mbə lùu shɔ, me vənshə.