Filipi 1:10 - Vengo (Babungo)

¹⁰ Mə shɔꞌtə Nwi tɔ viŋ nɨniŋ, tɨ́ kaꞌ viŋ shòꞌ nu ŋkɨə faŋ luu nu jəə fɨ maa vənu vənshə. Nɨniŋ, viŋ ndɔ luu ŋkee vɨɨ ley faŋ vənu vəvəŋ lùu vəloomə maa shi ŋkɨə faŋ Kristo ndɔ baa bəŋ jwi taa mbi nə.

Filipi 1:10 Iomraidhean Croise

Matiu 16:23

Ŋwə kiasə ŋwaa wi, gì tɨ́ Pita laa, «Suꞌtə fɨ yiba jɨŋ mə, Satan, a kɔꞌsə mə taa mbwəə, buꞌ laa a kee bɨꞌtə nu Nwi me, a bɨꞌtə luu sheꞌ nu wə mənsaw.»

Matiu 26:33

Pita bəŋsə tɨ́ ŋwə laa, «Vɨɨ vənshə kɔlə taa suꞌtə ghuu vəŋ fɨ yiba jɨŋ ghɔ, mə kee sùꞌtə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:47

Nataniel jwi yɨ Yeso. Yeso ye ŋwə, gì tɨ́ ŋwə laa, «A luu wuu Isirayl yinsəŋ, nu məbweꞌsə wə kee lùu taa fwi ghɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:20

Wə tɨ̀ me wə faŋ ŋwə yɨ vənu vəbwəvə, yaa kɨ bee məley, kee kàw shəŋ məley me, buꞌ vənu vəbwəvə vi fuu ntee, vɨ sɔꞌ ŋwə.

Akts 24:16

Lùu ŋiꞌ nu ŋkɨə faŋ mə faꞌ ŋkee nə wutə ghee nshə, laa vənu vaŋ vənshə luu sheꞌ vəloomə vəloomə vɨsɨ Nwi nə vɨsɨ vɨɨ vənshə.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Roma 12:9

Viŋ kɨ kaw vɨɨ, kee kaw nə njyoꞌ səbɔɔ me. Viŋ bee nu bwə, jìa luu nu faŋ lùu nu jəə.

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

Roma 2:18

baa kɨ̀ɨ nə nu ŋkɨə faŋ Nwi kəə laa vɨɨ kɨ yɨsə. A baa luu zwetə fɨ taa ntɨsə Nwi maa məkɨɨ nə nu ŋkɨə faŋ ŋkə kùꞌnə.

Roma 7:16

Faŋ ŋkə lùu nɨniŋ, laa mə yɨ nu faŋ mə kee kaw yɨ̀ me, buu mə biŋ laa ntɨsə Nwi lùu səjəə.

Roma 7:22

Mə biŋ ntɨsə Nwi nə məŋaytə fɨ taa fwi mə.

Roma 8:7

Wə ntɨə faŋ ŋwə tə̀ sɨ maa vətɔ və mbasə ŋwaa, gù wuu mbeenə Nwi, buꞌ laa ŋwə kee zɔnə ntɨsə Nwi me. Yinsəŋ, kaꞌ ŋwə kee zɔ̀nə me.

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 8:13

Nɨniŋ, mə naysə tɨ́ viŋ laa, mə kɨ luu kɨ ye laa fazɨ ŋkɨə faŋ mə zɨ ŋkə, laa ŋkə lùu nu bwə tɨ́ weenshu ŋwaa, buu mə taa meꞌtə fazɨ kɔ́ yighee muꞌ, kee baa kɨ zɨ me, tɨ́ kaꞌ mə kee yɨ laa weenshu ŋwaa gu nu me.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 6:3

Yia kee yɨ tuu nu, faŋ kaꞌ ŋkə yɨ̀sə wə gù me, laa kɨ tɔ dɨɨ fùu maa faꞌ wia me.

2 Kɔrintian 8:8

Mə kee gì nee maa məkɔ sɔꞌ tɨ́ viŋ me. Mə də̀ fwi njyə faŋ vɨɨ mɔ́ꞌ kìi maa məgaŋtə, tɨ́ kaꞌ mə ndɔ kɨɨ faŋ ŋkawnə yiŋ dùꞌ.

Galatia 5:11

Gə fɨ maa mə, vaŋ-nshwi vaŋ, ŋkə lùu kəley laa mə kee baa fɨꞌtə nu Nwi, gisə laa vɨ sɨɨtə wə ntɨə faŋ ŋwə bìŋ Kristo me. Ŋkə nii toꞌ lùu nɨniŋ, buu vɨɨ kee kɨ kəə mə nə nsɔꞌ me, faŋ vəŋ yɨsə ndwə nə. Nu ŋkɨə faŋ ŋkə yaa kɨ bɨ tɨ́ vɨɨ, lùu faŋ mə fɨꞌtə kɔ̀ŋ yiku Yeso fuu fəŋkɔꞌ fə ŋkɨꞌsə, faŋ ŋwə nə kù tɔ nsiŋ nə, kee naysə laa vɨ sɨɨtə vɨɨ me. Mə nəə toꞌ kɨ naysə laa vɨ sɨɨtə vɨɨ, buu vɨ kee baa kɨ kɔ ŋɨꞌ shee buꞌ fəŋkɔꞌ fə ŋkɨꞌsə fɔ́ me.

Efesɔs 4:15

Bàw nsiŋ kɨ toꞌ sheꞌ maa jɨɨ yinsəŋ, kàw Yeso Kristo faŋ ŋwə lùu tɔ taa ŋwaa nsiŋ nə. Nsiŋ kɨ weꞌ maa nu ki, gə̀ vɨsɨ vɨsɨ.

Efesɔs 5:10

Viŋ kɨ kwaꞌtə tɔ kiŋ maa nu ŋkɨə faŋ ŋkə bàw tɨ́ tɨta ŋwaa-nsiŋ.

Efesɔs 5:27

Nɨniŋ, ŋwə nuŋsə nwaa vɨɨ Nwi laa vəŋ baw tɨ́ ŋwə, laa tuu nu bwə, tɨꞌnə me tuu wee-ndoꞌ kee lùu maa vəŋ me, laa vəŋ luu ŋkee vɨɨ ley vɨsɨ Nwi.

Efesɔs 6:24

Mənɔŋ-bwaŋnə tɔ vɨɨ vənshə faŋ vəŋ kaw tɨta ŋwaa-nsiŋ, Yeso Kristo, kaw ŋwə nə ŋkawnə yiweꞌ faŋ kaꞌ nyə kee ndɔ mè me!

Filipi 1:16

fɨꞌtə nu Nwi buꞌ laa vəŋ kaw mə, kɨɨ laa vɨ kwàŋ mə taa nsɔꞌ buꞌ nu Kristo, laa mə twelə taa ŋii nsɔꞌsə laa ntɔŋ yijəə Nwi lùu nu yinsəŋ.

Filipi 1:6

Mə kɔꞌ kɨɨ ŋkee maa yinsəŋ laa Nwi, faŋ ŋwə duꞌtə ŋwə tey kɨ faꞌ faꞌ wi taa fwisə viŋ, ndɔ kɨ faꞌ taa fwisə viŋ, gə kɔ tɨ́ shi ŋkɨə faŋ Yeso Kristo ndɔ bəŋ jwi.

Filipi 2:16

Viŋ nuŋsə yigisə Nwi taa fwisə viŋ, yigi njyə faŋ nyə də jɨɨ məbwey vəlwaŋ tɨ́ vɨɨ. Viŋ kɨ luu kɨ yɨ nɨniŋ, buu vɨ ndɔ biŋ mə maa shi ŋkɨə faŋ Kristo ndɔ bəŋ jwi, laa yitoꞌ nyaa faŋ mə nəə toꞌ buꞌ nu Nwi, nə faꞌ ŋgwə faŋ mə nəə faꞌ shɔ nə, kee fùu dayday me.

1 Tesalonika 3:13

Tɨta ŋwaa-nsiŋ Yeso kɨ yɨsə nɨniŋ, kwàŋ wutə taa fwisə viŋ, laa yighee njyə faŋ ŋwə ndɔ bəŋ jwi ghɔ vɨ vɨɨ vi vənshə, faŋ vəŋ lùu vɨɨ ley vɨsɨ Nwi nə, viŋ baw shɨlə yikəꞌ Nwi, tɨta ŋwaa-nsiŋ.

1 Tesalonika 5:21

Viŋ kɨ kwaꞌtə vənu vənshə, jìa ŋkɨə faŋ ŋkə kùꞌnə.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

Reveleyshən 2:2

«Mə kɨɨ nə vənu və, nə vəfaꞌ faŋ a faꞌ tɨ́ Nwi nə wutə nə, baa kɨ̀ɨ faŋ a jìa fwi yə taa ŋɨꞌ, baa bèe vənu vəbwəvə, mɔ̀ŋ vɨɨ mbɨə faŋ vəŋ gi laa vəŋ lùu vɨɨ ntɔŋ Kristo, luu nə, kee lùu me. A mɔŋ vəŋ, ye laa vəŋ lùu vɨɨ təba mu.