Filipi 1:1 - Vengo (Babungo)

¹ Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

Filipi 1:1 Iomraidhean Croise

Mark 13:34

Ŋkə ndɔ luu yaa nu wə, faŋ ŋwə nə gə̀ tɔŋ, mèꞌtə ŋii yi, kɔ̀ vətɔ vi vənshə tɨ́ vɨɨ faꞌ vi laa vəŋ kɨ ndeynə. Ŋwə nə gaa faꞌ tɨ́ vəŋ tɔ tɔ, gì tɨ́ wuu məshii shuu ŋii laa ŋwə kɨ shi nə yikɨꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:26

Wə faŋ ŋwə kəə laa yi luu wuu faꞌ ŋwaa, ŋwə kɨ beꞌsə mə. Mə kɔlə gə dùꞌ fə, yia ŋwə dùꞌ mɔ́ꞌ. Wə faŋ ŋwə beꞌsə mə laa yi lùu wuu faꞌ ŋwaa, ŋwə ndɔ kii yizii yikwalə fɨ ghɔ Tii ŋwaa.

Akts 1:20

Ŋkə gay nɨniŋ sheꞌ faŋ vɨ nə nyɔ̀ꞌ taa ŋwaꞌlə Sam laa, «Ŋii yi ndɔ goꞌ day, wə kee ndɔ shi shɔ me.» Vɨ baa ŋwàꞌlə laa, «Wə dɨday ndɔ tɨŋ maa shuu faꞌ wi.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Akts 9:13

Ananias bəŋsə laa, «Tɨta, mə nə zɔ̀ fɨ ghɔ vɨɨ vəyaŋ laa wə ghɔ́ nəə yɨsə vənu vəbwəvə dɨdɨꞌ maa vɨɨ ley Nwi fɨ ntɨꞌ Jerusalem.

Roma 1:1

Lùu mə, Pɔɔl, wuu faꞌ Yeso Kristo, faŋ mə nyɔꞌ ŋwaꞌlə ŋwə̀ tɨ́ viŋ, vɨɨ Kristo fɨ shɨ Rom. Tɨta Yeso nə tìi mə, shòꞌ mə maa wuu ntɔŋ wi, shòꞌ mə laa mə kɨ toꞌ fɨꞌtə ntɔŋ yijəə Nwi.

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

1 Kɔrintian 16:10

Timoti taa kɨ jwi yɨ viŋ, kɨ viŋ shiasə ŋwə me. Viŋ jia ŋwə jəə, tɨ́ kaꞌ fwi yi bàw, ŋwə kee fee maa məfaꞌ faꞌ Nwi me, buꞌ laa ŋwə nɨzi faꞌ tɨ́ tɨta Yeso Kristo sheꞌ faŋ mə faꞌ nə.

2 Kɔrintian 1:1

Lùu mə, Pɔɔl, faŋ Nwi nə shòꞌ mə laa mə luu wuu faꞌ Yeso Kristo, baa nə weenshu ŋwaa-nsiŋ Timoti, faŋ yia nyɔ̀ꞌ ŋwaꞌlə ŋwə̀ tɨ́ viŋ. Yia nyɔ̀ꞌ tɨ́ viŋ, vɨɨ ley Nwi vənshə fɨ shɨ Kɔrint nə fɨ nsi Akaya yinshə.

Galatia 1:10

Viŋ bɨꞌtə laa mə fɨꞌtə nu Nwi laa vɨɨ kaw mə mu, mu laa ŋkə bàw tɨ́ Nwi? Mə nii toꞌ kɨ kəə jəə fɨ ghɔ vɨɨ, buu mə kee baa lùu wuu faꞌ Kristo me.

Galatia 3:26

Viŋ lumə laa, viŋ faŋ viŋ kìi nu kəmuꞌ, viŋ vɨ Yeso Kristo, viŋ lùu vaŋ Nwi, buꞌ laa viŋ nùŋ fwi siŋ maa ŋwə.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Efesɔs 1:1

Lùu mə, Pɔɔl, faŋ mə tɔ̀ŋ ŋwaꞌlə ŋwə̀ tɨ́ vɨɨ Kristo fɨ shɨ Efesɔs, faŋ vəŋ nùŋ fwisə vəŋ maa Yeso Kristo. Nə shòꞌ Nwi shòꞌ mə, yɨ̀ laa mə kiasə gù wuu ntɔŋ Kristo.

Efesɔs 1:15

Nɨniŋ, shù fɨ nə faŋ mə nə zɔ laa viŋ nùŋ fwi siŋ maa tɨta Yeso, baa nə laa viŋ kɨ kaw vaŋ-nshwi viŋ vɨɨ Nwi,

Efesɔs 6:24

Mənɔŋ-bwaŋnə tɔ vɨɨ vənshə faŋ vəŋ kaw tɨta ŋwaa-nsiŋ, Yeso Kristo, kaw ŋwə nə ŋkawnə yiweꞌ faŋ kaꞌ nyə kee ndɔ mè me!

Filipi 2:19

Tɨta Yeso taa biŋ, buu fɨkɨꞌ nee, mə tɔŋ Timoti, ŋwə jwi yɨ viŋ, baa bə̀ŋ jwì nàysə faŋ viŋ dùꞌ tɨ́ mə, tɨ́ kaꞌ fwi nyaa zutə.

Filipi 2:5

Bàw mbɨꞌtə yiŋ fɨ taa fwisə viŋ lùu yaa njyə Yeso Kristo:

Filipi 3:12

Kɨ mə kee gì laa mə duꞌtə mə kìi vətɔ mbɨə faŋ mə tə̀ sɨ shɔ nə me. Mə kee gì laa mə duꞌtə mə luu ŋkee wuu bɔŋsə me. Luu nə, mə gə nə vɨsɨ, ŋɨɨlə shɔ nəŋay, tɨ́ kaꞌ mə ndɔ kii vənu vɔ́ maa mə. Mə kəə kii vənu vɔ́, buꞌ laa Yeso Kristo, kìi mə taa ghɔ ŋwə.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Filipi 3:8

Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.

1 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia nyɔ̀ꞌ ŋwaꞌlə ŋwə̀ tɨ́ nshəŋtə vɨɨ Nwi fɨ ntɨꞌ Tesalonika maa yizii tɨta Nwi, baa nə tɨta Yeso Kristo. Nwi kɔ viŋ nə mənɔŋ-bwaŋnə, baa nə məduꞌ-nyɔŋ!

1 Tesalonika 2:2

Viŋ baa luu kɨɨ faŋ yia nə bɨ yè ŋɨꞌ ntɨꞌ Filipi, vɨɨ kɔ ŋɨꞌ tɨ́ yia dɨdɨꞌ. Luu nə, yia jia fwi buꞌ Nwi wia, jwi fɨ̀ꞌtə ntɔŋ yijəə Nwi tɨ́ viŋ, faŋ vɨ nə kɔlə nywènə yia nə.

2 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia tɔŋ ŋwaꞌlə ŋwə̀ tɨ́ məshəŋtə vɨɨ Kristo fɨ ntɨꞌ Tesalonika, faŋ viŋ shə̀ŋtə maa yizii Nwi, tii ŋwaa-nsiŋ, nə tɨta ŋwaa-nsiŋ Yeso Kristo.

2 Tesalonika 1:10

Nsɔꞌ yɔ́ ndɔ jia vəŋ maa yighee njyə faŋ tɨta Yeso ndɔ baa bəŋ jwi maa mədə yikwalə yi tɨ́ vɨɨ ley vi. Vɨɨ vənshə faŋ vəŋ nə nùŋ fwi vəŋ maa ŋwə, ndɔ bəŋsə ŋwə maa shi kɔ́. Maa viŋ nə bìŋ nu ŋkɨə faŋ yia nə gì tɨ́ viŋ ntee nə.

1 Timoti 1:2

Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

1 Timoti 3:8

Gə fɨ maa vɨɨ mbɨə faŋ vəŋ faꞌ taa ŋii Nwi, bàw vəŋ luu vɨɨ jəənə nɨzi, kee kɨ gisə təghaŋ təbɔɔ me, kee kɨ kaw maa mənu məluꞌ məyaŋ me, kee kəə ka ŋkuŋ me.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

Taytəs 1:7

Kee bàw laa wə faŋ lùu tɔ taa nshəŋtə vɨɨ Nwi kii nsɔꞌ maa ŋwə me, fɔnə ŋwə lùu wuu məndeynə vətɔ və Nwi. Kɨ ŋwə yɨsə vənu nə wutə ki me, kee kìi fwi yishəsə me, kee nu məluꞌ mbə shɔɔ sɨ ŋwə me, kee nywenə nywaŋsə me, kee kəə ka ŋkuŋ me.

Filemon 1:1

Lùu mə, Pɔɔl, wuu ŋii mfiŋ buꞌ yizii Yeso Kristo, nə weenshu ŋwaa-nsiŋ Timoti, faŋ yia tɔ̀ŋ ŋwaꞌlə ŋwə̀ tɨ́ ghɔ, Filemon, wə faŋ yia kàw. A baa lùu wuu faꞌ Yeso Kristo sheꞌ yaa yia nɨzi.

Hibru 13:23

Mə kəə laa viŋ kɨɨ laa vɨ fuusə weenshu ŋwaa-nsiŋ Timoti fɨ mfiŋ. Ŋwə taa jwi, kee betə me, yia ŋwə ndɔ jwi yɨ viŋ mɔ́ꞌ.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

1 Pita 2:25

Viŋ yaa luu yaa bisə-njɨɨ faŋ nsə ndì jɨɨ. Lùu ndwə, viŋ bə̀ŋ jwì kɨ beꞌsə wə ntɨə faŋ ŋwə shii viŋ, gaŋtə viŋ.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.

Reveleyshən 1:1

Ŋwaꞌlə ŋwə̀ lùu ŋwaꞌlə kɔ̀ŋ vənu faŋ mbə nə ndènə fɨ ghɔ vɨɨ, Nwi ndi kɔ̀ ghɔ Yeso Kristo laa ŋwə də nu ŋkɨə faŋ ŋkə taa ghaa yasə gay tɨ́ vɨɨ faꞌ vi. Yeso nə tɔ̀ŋ wuu ntɔŋ wi maa nu kɔ́, ŋwə gə də̀ shwenə ki tɨ́ wuu faꞌ wi Jɔn.

Reveleyshən 1:20

Zɔ ŋiꞌ məjwiŋ kwatia faŋ a yè ghɔ mə, nə ŋiꞌ təkiꞌ kwatia, faŋ lùu ntə goolə nə. Ŋiꞌ məjwiŋ mbɔ́ lùu nshiisə-ŋiisə Nwi kwatia faŋ nsə ndeynə vəməshəŋtə və vɨɨ Nwi vì kwatia nə. Təkiꞌ tɔ́ kwatia lùu vəməshəŋtə vɔ́ kwatia.»

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.

Reveleyshən 2:12

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Pergamum, nyɔꞌ laa lee, «Wə ntɨə faŋ ŋwə kìi baꞌ yighaw shəsə nə, gì laa lee,

Reveleyshən 2:8

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Smirna, nyɔꞌ laa lee, «Wə ntɨə faŋ ŋwə nə luu vɨsɨ, baa lùu yiba nə, ŋwə faŋ ŋwə nə kù, baa ywèy fɨ shɨ yiku, gì laa,

Reveleyshən 22:9

Luu nə, ŋwə gi shee laa, kɨ mə yɨ me, baa nə laa yi lùu wuu faꞌ Nwi yaa mə, nə yaa vaŋ-nshwi vaŋ, faŋ vəŋ luu nshiisə-ŋii sɔghɔ, nə vɨɨ vənshə faŋ vəŋ nùŋsə yigi nyə̀ fɨ taa ŋwaꞌlə ŋwə̀, baa nə laa, bàw mə kɨ bəŋsə luu Nwi.