Filemon 1:22 - Vengo (Babungo)

²² Bàw a naysə shəŋ shi shee! Mbɨꞌtə nyaa lùu laa Nwi ndɔ bəŋsə mə tɨ́ viŋ, mə jwi yɨ viŋ, buꞌ faŋ viŋ bùꞌ ghɔ tɨ́ Nwi nə.

Filemon 1:22 Iomraidhean Croise

Akts 27:24

Ŋwə gì shee laa kɨ mə fee me, buꞌ laa mə ndɔ ghaa tɨŋnə vɨsɨ fwàŋ kwalə Kaysa, baa nə laa Nwi bìŋ məshɔꞌtə ŋwaa, ndɔ bwèysə vɨɨ vənshə faŋ nsiŋ lùu taa bay mɔ́ꞌ nə.

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Roma 15:24

Nɨniŋ, mə ndɔ jwi yɨ viŋ maa yighee njyə faŋ mə ndɔ kɨ gə shɨ Speyn, buꞌ laa mbɨꞌtə nyaa lùu laa mə ndɔ kɨ shɔɔ, jwi ye viŋ ŋkəə, zɔ̀ zwitə kiŋ tɨtiꞌ, buu viŋ gə twèy mə shɔ.

2 Kɔrintian 1:11

Viŋ taa kɨ gaŋtə yia nɨzi, faŋ viŋ shɔꞌtə Nwi tɔ yia. Nɨniŋ laa vɨɨ vəyaŋ kɨ bwaŋ Nwi tɨ́ yia, buꞌ laa ŋwə bwèysə yia faŋ vɨɨ vəyaŋ bùꞌ ghɔ tɨ́ ŋwə nə.

Filipi 1:19

buꞌ laa mə kɔꞌ kɨɨ laa məshɔꞌtə wiŋ, faŋ viŋ shɔꞌtə Nwi tɔ mə nə, baa nə ŋgaŋtə njyə faŋ Zwitə Yeso Kristo kɔ shee, taa yɨ laa nsɔꞌ nyaa fuu sheꞌ yijəə tɨ́ mə.

Filipi 2:24

Gə fɨ maa mə, mə nùŋ fwi nyaa maa tɨta Yeso laa fɨkɨꞌ nee, mə jwi yɨ viŋ nɨzi.

Hibru 13:19

Mə baa kɨsə buꞌ ghɔ tɨ́ viŋ laa, viŋ kɨ shɔꞌtə Nwi tɔ mə, tɨ́ kaꞌ mə baa kìi jɨɨ, bə̀ŋ jwì yɨ viŋ.

Hibru 13:23

Mə kəə laa viŋ kɨɨ laa vɨ fuusə weenshu ŋwaa-nsiŋ Timoti fɨ mfiŋ. Ŋwə taa jwi, kee betə me, yia ŋwə ndɔ jwi yɨ viŋ mɔ́ꞌ.

Jeyms 5:16

Bàw viŋ biŋ nu bwə kiŋ, viŋ viŋ, kɨ buꞌ ghɔ tɨ́ Nwi, viŋ viŋ, tɔ viŋ, laa viŋ bwey fɨ maa vəza viŋ. Wə ntɨə faŋ vənu vi lùu vəloomə, kɨ luu bùꞌ ghɔ tɨ́ Nwi, buu kaꞌ ŋkee nu kwalə fùu fɨ fuŋ.

2 Jɔn 1:12

Vənu ghɔ mə vəyaŋ maa mənaysə tɨ́ viŋ. Luu nə, mə kee kaw nyɔ̀ꞌ sheꞌ taa ŋwaꞌlə me. Mbɨꞌtə nyaa lùu laa mə taa jwi yɨ viŋ, tɨ́ kɨ kaꞌ nsiŋ yenə, baa gì vənu nə shuu, yuu məŋaytə ŋwaa-nsiŋ luu yaŋ.

3 Jɔn 1:14

Mbɨꞌtə nyaa lùu laa, fɨkɨꞌ mə taa jwi ye ghɔ, sɨ gi vənu vɔ́ nə shuu.