Filemon 1:1 - Vengo (Babungo)

¹ Lùu mə, Pɔɔl, wuu ŋii mfiŋ buꞌ yizii Yeso Kristo, nə weenshu ŋwaa-nsiŋ Timoti, faŋ yia tɔ̀ŋ ŋwaꞌlə ŋwə̀ tɨ́ ghɔ, Filemon, wə faŋ yia kàw. A baa lùu wuu faꞌ Yeso Kristo sheꞌ yaa yia nɨzi.

Filemon 1:1 Iomraidhean Croise

Akts 16:1

Nɨniŋ, Pɔɔl ghɔ Silas gə ziꞌ Derbi nə Listra. Wuu məzwetə nu Kristo mɔ́ꞌ nə luu shɔ, yizii yi lùu Timoti. Nshu wi nə luu wuu Jus faŋ ŋwə nə nùŋ fwi yi maa Yeso. Tii wi nə luu wuu Griik.

1 Kɔrintian 3:9

Yia vəbɔɔ fàynə ghɔ ghia maa məfaꞌ faꞌ Nwi. Gə fɨ maa viŋ, viŋ lùu faŋ yindɨɨ Nwi yɔ́, baa lùu yaa ŋii faŋ Nwi fìa nə.

2 Kɔrintian 1:1

Lùu mə, Pɔɔl, faŋ Nwi nə shòꞌ mə laa mə luu wuu faꞌ Yeso Kristo, baa nə weenshu ŋwaa-nsiŋ Timoti, faŋ yia nyɔ̀ꞌ ŋwaꞌlə ŋwə̀ tɨ́ viŋ. Yia nyɔ̀ꞌ tɨ́ viŋ, vɨɨ ley Nwi vənshə fɨ shɨ Kɔrint nə fɨ nsi Akaya yinshə.

Galatia 3:26

Viŋ lumə laa, viŋ faŋ viŋ kìi nu kəmuꞌ, viŋ vɨ Yeso Kristo, viŋ lùu vaŋ Nwi, buꞌ laa viŋ nùŋ fwi siŋ maa ŋwə.

Efesɔs 3:1

Lùu ŋiꞌ nu ŋkɨə faŋ mə, Pɔɔl, lùu wuu ŋii mfiŋ buꞌ Yeso Kristo ndwə, buꞌ laa mə nə fɨꞌtə ntɔŋ yijəə Nwi tɨ́ vɨɨ tətɔŋ fu.

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Efesɔs 6:20

Mə lùu wuu ntɔŋ nu Nwi kɔ́, faŋ mə kɔlə lùu taa ŋii mfiŋ, vəsumə və bwey luu maa mə nə. Bàw mə kɨ gisə nə məka fwi, faŋ ŋkə kùꞌnə laa mə gi nə.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

Filipi 2:25

Gə fɨ maa Epafroditɔs, weenshu ŋwaa-nsiŋ, faŋ yia ŋwə nəə faꞌ mɔ́ꞌ nə, ŋɨɨlə buꞌ nu Nwi mɔ́ꞌ nə. Ŋwə baa lùu wuu ntɔŋ wiŋ, faŋ ŋwə nə jwì ndèynə mə, gàŋtə mə. Luu nə, ŋkə bàw laa mə baa tɔŋ ŋwə, ŋwə bəŋ jwi yɨ viŋ.

Filipi 4:3

Mə buꞌ ghɔ tɨ́ Sisigɔs, faŋ yia ŋwə nə fàꞌ mɔ́ꞌ nə, laa ŋwə gaŋtə vəki vɔ́, tɨ́ kaꞌ vəŋ baa kɨ duꞌ bwaŋnə, buꞌ laa yia vɨ vəŋ nə kɨ̀ɨtə mɔ́ꞌ yighee vɨsɨ buꞌ nu Nwi nə, sheꞌ yuu Klement nə vɨɨ mɔ́ꞌ faŋ vəŋ beꞌsə yia nə. Nwi nyɔ̀ꞌ təzii təvəŋ taa ŋwaꞌlə məbwey vəlwaŋ.

Kɔlɔsii 1:1

Lùu mə, Pɔɔl, wuu ntɔŋ Yeso Kristo, faŋ Nwi shòꞌ, nə weenshu ŋwaa-nsiŋ Timoti,

Kɔlɔsii 4:11

Yeso ŋgwə faŋ vɨ tii ŋwə nə Justɔs nə, shɔꞌtə viŋ nɨzi. Luu sheꞌ vɨɨ vɔ́ vətia nə, yɨ mə, faŋ vəŋ lùu vɨɨ Jus, faŋ yia vɨ vəŋ faꞌ nu Kristo mɔ́ꞌ, fɨꞌtə nu yifwàŋ Nwi tɨ́ vɨɨ. Fwi nyaa zutə buꞌ vəŋ maa yinsəŋ.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

2 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia tɔŋ ŋwaꞌlə ŋwə̀ tɨ́ məshəŋtə vɨɨ Kristo fɨ ntɨꞌ Tesalonika, faŋ viŋ shə̀ŋtə maa yizii Nwi, tii ŋwaa-nsiŋ, nə tɨta ŋwaa-nsiŋ Yeso Kristo.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

Filemon 1:23

Epafras faŋ yia ŋwə lùu taa ŋii mfiŋ buꞌ nu Yeso Kristo mɔ́ꞌ nə, shɔꞌtə ghɔ.

Filemon 1:24

Mark nə Aristarkɔs nə Dimas, nə Lukas, faŋ yia vɨ vəŋ faꞌ mɔ́ꞌ nə, shɔꞌtə viŋ nɨzi.

Filemon 1:9

Mə bee kii buꞌ ghɔ tɨ́ ghɔ, buꞌ laa mə kàw ghɔ. Mə buꞌ ghɔ tɨ́ ghɔ yaa wuu taa, yuu mə luu wuu taa nə. Mə baa luu wə taa ŋii mfiŋ buꞌ nu Yeso Kristo maa yighee ndwə.