Efesɔs 2:2 - Vengo (Babungo)

² Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Efesɔs 2:2 Iomraidhean Croise

Matiu 11:19

Gə fɨ maa Wuu yinsəŋ Nwi, ŋwə jwi kɨ zɨ, ndɔ nu, vɨ gi laa ŋwə luu waa-mfii-ndaa, baa lùu wuu mənu məluꞌ, baa nə laa ŋwə lùu wuumba vɨɨ məsa vətɔ nə vɨɨ məyɨ vənu vəbwəvə. Luu nə, vɨ ye yitɔfə Nwi fɨ maa faꞌ wi.»

Matiu 13:22

Gə fɨ maa say faŋ vɨ mɔ̀ꞌ taa nyawsə nə, lùu yaa wə faŋ ŋwə zɔ̀ yigisə Nwi, luu nə, ywìitə sheꞌ vətɔ və shɨ nsi, vənu və ka bweꞌsə ŋwə nɨzi, kà nu Nwi kɔ́ fɨ taa fwi ŋwə, ŋkə ku, kee yə̀əsə ŋgwisə yi me.

Matiu 13:38

Yindɨɨ yɔ́ faŋ ŋwə mɔ̀ꞌ say ghɔ́ shɔ nə, lùu taa mbi. Say jəənə ghɔ́ lùu vɨɨ mbɨə faŋ vəŋ ndɔ ŋii nu yifwàŋ yizɔ. Ŋwa ghɔ́ lùu vaŋ tɨɨ vəzwitə vəbwəvə.

Mark 4:19

vəŋ kɨkɔŋ ŋwaa vəŋ buꞌ nu vətɔ və shɨ nsi, kaw ka, mwə̀sə vətɔ vəmɔ́ꞌ. Mbə jia fwisə vəŋ, ndɔ̀ kà yigisə Nwi laa kɨ nyə see ŋgwisə yi me.

Lukas 16:8

Ŋwə nə yɨ̀ nɨniŋ, tɨɨ faꞌ wi bəŋsə yitɔfə yi, faŋ ŋwə kɔlə kee lùu wuu yinsəŋ nə me. Maa vɨɨ fɨ taa mbi yibwə nyə̀ kɨɨ yɨsə nu nə yitɔfə ghɔ vəliŋ vəvəŋ, shɔ̀ɔ vɨɨ mbɨə faŋ vəŋ toꞌ fɨ taa məley Nwi.

Lukas 22:31

Yeso kɨ nii gì tɨ́ Pita laa, «Saymon, Saymon, tɨɨ vəzwitə vəbwəvə kəə mɔŋ viŋ, sheꞌ yaa wə faŋ ŋwə səə bee, fuusə vəghɔ fɨ taa tey yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:31

Yighee kuꞌ faŋ Nwi taa sɔꞌ nsɔꞌsə vɨɨ taa mbi nyə̀. Yighee kuꞌ faŋ vɨ taa jɔŋ tɨɨ mbi, Satan, fɨ taa mbi nyə̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:2

Vəŋ kii zɨ fa laynəfu, tɨ́ tɨɨ vəzwitə vəbwəvə yaa duꞌtə ŋwə kwaŋ nu bwə taa fwi Judas, wee Saymon Iskariot, laa ŋwə fiŋ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:27

Sheꞌ yighee muꞌ faŋ Saymon fi bee kɔ́, zwitə bwə Satan ŋii taa fwi ŋwə. Yeso gi tɨ́ ŋwə laa, «Nu ŋkɨə faŋ a kəə yɨ̀, yasə kɔ̀ꞌlə gə̀ yɨ̀sə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:30

Mə kee baa gisə vənu vəyaŋ tɨ́ viŋ me, buꞌ laa Satan faŋ ŋwə sɔꞌ mbi nyə̀, lùu nshənə maa məjwi. Luu nə, kaꞌ Satan kee ghɔ̀ꞌ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:19

Viŋ nii toꞌ lùu vaŋ taa mbi, buu mbi kàw vaŋ vi. Luu nə, viŋ kee lùu vaŋ mbi nyə̀ me, buꞌ laa mə nə shòꞌ viŋ fɨ taa mbi laa viŋ luu vaŋ vaŋ. Mbi kɨ nii bee viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:11

Nu nsɔꞌ kɔ́ lùu laa vɨ kwàŋ Satan, faŋ ŋwə sɔꞌ mbi nyə̀ nə, taa nsɔꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:7

Kaꞌ mbi kee bèe viŋ me. Mbi bee sheꞌ mə, buꞌ faŋ mə gisə ntee laa vəŋ yɨ vənu vəbwəvə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:23

Yeso gi tɨ́ vəŋ laa, «Viŋ lùu vɨɨ shɨ nsi. Gə̀ fɨ maa mə, mə kee lùu wə fɨ shɨ nsi me, mə ndɔ̀ fɨ yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Akts 19:35

Vɨɨ vənshə yumə sheꞌ nu kɔ́ maa vəawa vəbɔɔ. Wuu məŋwaꞌlə vənu və shɨ kɨ nii bwàsə vɨɨ vɔ́, gì laa, «Vɨɨ Efesɔs, viŋ zɔ! Wə mɔ́ꞌ shɔ taa mbi faŋ ŋwə kee ta kɨɨ laa kìi shɨ Efesɔs kìi ŋii Artimis, nwi kwalə ŋwaa-nsiŋ nə, nə fənyia fə Artimis faŋ mfə nə fìŋ fɨ yizɔ nə yimu?

Akts 5:3

Ŋwə jwi nɨniŋ, Pita gi tɨ́ ŋwə laa, «Ananias, sii yɨ̀ kə laa tɨɨ vəzwitə vəbwəvə bweꞌsə ghɔ laa a fiŋ yindɨɨ yə, ndɨ̀ə way ka, jwì kɨ dəsə way laa lùu faŋ a fìŋ yindɨɨ yɔ́? A sɨ̀ɨ ba lùu tɨ́ Zwitə Ley Nwi.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

1 Kɔrintian 5:10

Mə nəə kee gisə kɔ̀ŋ vɨɨ faŋ kee lùu vɨɨ Nwi me. Vɨɨ mbɨə faŋ vəŋ kee lùu vɨɨ Nwi me, faŋ vəŋ yɨsə vənu vəbwəvə nə, lùu taa mbi, nsiŋ vɨ vəŋ. Vəŋ tii vəki, səsə vətɔ, shaw vətɔ, baa fèꞌ vənwi vədayday. Nɨniŋ, faŋ vəŋ lùu taa mbi nyə̀ nə, jɨɨ kee lùu shɔ viŋ gaasə yiŋwaa fɨ ghɔ vəŋ me, maa tɨ̀ lɨꞌ laa viŋ fùusə yiŋwaa yiŋ fɨ taa ŋwaa wə mənsaw me.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Efesɔs 1:21

Ŋwə shɔɔ vɨɨ məsɔꞌ mbi vənshə, nə vəwutə vənshə, nə vətɨɨ və vəwutə vənshə. Yizii yi kwalə shɔ̀ɔ təzii tənshə fɨ mbi nyə̀, nə fɨ mbi yifi faŋ nyə ndɔ jwi.

Efesɔs 2:11

Nɨniŋ, viŋ lumə laa viŋ yaa luu vɨɨ məmanə Nwi shù fɨ taa njyoꞌsə vənshwi viŋ. Vɨɨ mbɨə faŋ vɨ tii vəŋ nə vɨɨ faŋ vɨ nə nàysə, buꞌ faŋ vɨ nàysə ŋwaa vəŋ nə ghɔ nə, vəŋ nə tìi viŋ nə tənswia.

Efesɔs 2:13

Luu nə, ndwə faŋ viŋ gù fa kəmuꞌ, viŋ vɨ Kristo nə, viŋ faŋ viŋ nə luu ntaŋ fɨ yɨ Nwi yighee vɨsɨ, viŋ shə̀ŋtə jwi yɨ Nwi buꞌ nu mənshi mə Yeso Kristo, faŋ ŋwə nə kù tɔ nsiŋ nə.

Efesɔs 2:3

Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ.

Efesɔs 4:17

Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə.

Efesɔs 4:22

faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə.

Efesɔs 5:6

Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.

Efesɔs 5:8

Nə luu maa yighee vɨsɨ, viŋ luu vɨɨ taa mfiŋsə. Luu ndwə, viŋ lùu vɨɨ taa məley buꞌ tɨta Yeso. Nɨniŋ, viŋ kɨ toꞌ yaa vaŋ taa məley.

Efesɔs 6:12

Yighaw njyə faŋ nsiŋ tuŋ maa yizii Nwi nə, kee lùu yighaw faŋ nsiŋ tuŋ nsiŋ vɨ vɨɨ fɨ shɨ nsi me. Nsiŋ tuŋ yighaw nsiŋ vɨ vəwutə fɨ taa yizɔ, nsiŋ vɨ vəzwitə vəbwəvə faŋ mbə sɔꞌ mbi yibwə nyə̀, nsiŋ vɨ vəzwitə vəbwəvə faŋ mbə lùu yizɔ nə.

Kɔlɔsii 1:21

Viŋ nɨzi nə fɔŋ dùꞌ ŋgaasə viŋ Nwi, buꞌ faŋ viŋ nə luu vɨɨ mbeenə vi fɨ taa mbɨꞌtə yiŋ, yɨsə vənu vəbwəvə.

2 Timoti 4:10

buꞌ laa Dimas nyɨ̀ŋ fɨ yɨ mə, kaw maa məshi taa mbi nyə̀, ndɔ gə shɨ Tesalonika. Kresens gə̀ shɨ Galatia, Titɔs gə̀ shɨ Dalmatia.

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.

Jeyms 1:7

Kaꞌ kəŋ wə ghɔ́ kee kɨ kɨꞌ fa maa məkii fɨ ghɔ Nwi me,

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.

1 Pita 1:14

Faŋ viŋ lùu vaŋ Nwi, zɔnə ŋwə nə, kɨ viŋ baa kɨ yɨsə vənu vəbwəvə mbɨə faŋ viŋ nəə yɨsə yighee vɨsɨ, faŋ viŋ nə kee ta kɨ̀ɨ nə nu Nwi me.

1 Pita 4:3

Maa viŋ yaa kɨ yɨsə vənu vəbwəvə tay, sheꞌ yaa vɨɨ tətɔŋ fu faŋ vəŋ kee kɨɨ nə Nwi me, yɨsə nə. Viŋ nə kàw maa mətoꞌ zɨ shɨ, toꞌ səsə vətɔ, nu məluꞌ, mbə shɔɔ sɨ viŋ. Viŋ nə toꞌ tia yiŋwaa yiŋ, toꞌ fɨ maa vəshəŋ faŋ vɨ nu məluꞌ məyaŋ, biŋ vənwi vədayday, faŋ Nwi nə lɨ̀ꞌtə nu vəŋ nə. Ŋkə kuꞌ nɨniŋ.

2 Pita 2:14

Vəŋ bɨꞌtə sheꞌ vənu və vəki maa mətii vəŋ ghee nshə. Kaꞌ vəŋ kee bwà fɨ maa məyɨ vənu vəbwəvə me. Vəŋ bweꞌsə vɨɨ mbɨə faŋ vəŋ kee luu vəweꞌ maa nu Nwi me, laa vəŋ yɨ vənu vəbwəvə nɨzi. Vəŋ kəə sheꞌ sey ka nə vətɔ. Kəŋ vɨɨ vɔ́ lùu taa nsɔꞌ Nwi.

1 Jɔn 3:10

Nu ŋkɨə faŋ vɨ yaa kɨ kɨɨ nə vaŋ Nwi nə vaŋ Satan fuŋ, lùu laa, wə tɨ̀ me wə faŋ ŋwə kee yɨ nu loomə me, nə wə ntɨə faŋ ŋwə kee kàw weenshu wi me, kee ndɔ̀ fɨ ghɔ Nwi me.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.

1 Jɔn 4:4

Gə fɨ maa viŋ, vaŋ vaŋ, viŋ luu vɨɨ Nwi. Nɨniŋ, viŋ ghɔ̀ꞌ vɨɨ təba vɔ́, buꞌ faŋ Nwi lùu taa fwisə viŋ. Ŋwə kwàlə shɔ̀ɔ tɨɨ vəzwitə vəbwəvə faŋ ŋwə lùu taa fwisə vɨɨ təba vɔ́ fɨ mbi nə.

1 Jɔn 5:19

Nsiŋ kɔꞌ kɨɨ laa nsiŋ lùu vɨɨ Nwi. Gə fɨ maa vɨɨ mbi, mbi yinshə lùu ghɔ tɨɨ vəzwitə vəbwəvə.

1 Jɔn 5:4

buꞌ laa wə ntɨə faŋ bì Nwi bì ŋwə, yaa kɨ ghɔꞌ vənu vəbwəvə fɨ taa mbi. Nsiŋ ghɔ̀ꞌ vənu vəbwəvə fɨ taa mbi, buꞌ faŋ nsiŋ nùŋ fwi saŋ-nsiŋ maa Yeso Kristo.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 13:14

Nyə bweꞌsə vɨɨ fɨ taa mbi, buꞌ vəshwenə vɔ́ faŋ vɨ nə kɔ̀ tɨ́ ŋwə nə, laa ŋwə kɨ yɨsə vɨsɨ nyaa yinjii yɔ́, baa gisə tɨ́ vɨɨ faŋ vəŋ lùu taa mbi, laa vəŋ naysə fənyia, fɨꞌ maa nyaa yɔ́, faŋ vɨ nə gwìa ŋwə nə baꞌ, ŋwə bwey nə.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 16:17

Nshiiŋii Nwi lwesə kwatia tu kay ki taa fɨɨ, gɨ yikwalə fuu fɨ fuu kenə fɨ taa ŋii Nwi laa, «Ŋkə mè.»

Reveleyshən 20:2

Ŋwə jwi jìa zɔ-ŋgu-yibay faŋ lùu zɔ yimwa yì, baa lùu Satan, tɨɨ vəzwitə vəbwəvə, ka ŋwə maa ŋuꞌ ŋkaŋ,