1 Jɔn 3:3 - Vengo (Babungo)

³ Wə ntɨə faŋ ŋwə jìa fwi yi, kɨ kɨꞌ nu kɔ́ fɨ ghɔ Nwi, yɨsə laa fwi yi ley sheꞌ faŋ njii lèy.

1 Jɔn 3:3 Iomraidhean Croise

Matiu 5:48

Nɨniŋ, bàw viŋ baw shɨlə yaa tɨta Nwi Tii wiŋ fɨ yizɔ, faŋ ŋwə bàw shɨlə nə.»

Lukas 6:36

Viŋ kɨ kee gəŋsə vɨɨ, sheꞌ faŋ Nwi, tɨta wiŋ, kee gəŋsə vɨɨ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:19

Mə kɔ ŋwaa ŋwaa tɨ́ ghɔ nshə, laa mə baw shɨlə buꞌ vəŋ, tɨ́ kaꞌ vəŋ baa luu kɔ yiŋwaa yivəŋ tɨ́ ghɔ, bàw shɨlə, buꞌ faŋ vəŋ kɨɨ nə nu ŋkɨə faŋ lùu nu yinsəŋ.

Akts 15:9

Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

Roma 15:12

Aysaya nə gì ŋkii laa, «Wuu ŋiꞌ ŋii Jesse ndɔ jwi, ndɔ̀ yizɔ, sɔ̀ꞌ məshɨ, vɨɨ tətɔŋ fu ndɔ nuŋ ŋkitə vəŋ maa ŋwə.»

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Kɔlɔsii 1:5

buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

Taytəs 3:7

Ŋwə nə yɨsə nɨniŋ tɨ́ kaꞌ vənu vaŋ-nsiŋ lùu vəloomə sɨ Nwi, buꞌ faŋ Kristo kee gəŋ saŋ-nsiŋ, gaŋtə nsiŋ nə. Ŋwə baa bweysə nsiŋ laa nsiŋ kɨ kɨꞌ məbwey vəlwaŋ faŋ nsiŋ ndɔ zɨ, buꞌ faŋ nsiŋ lùu vaŋ vi nə.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

Hibru 7:26

Ŋwə luu ŋkee wuu ley, kee kìi nu bwə me, tɨꞌnə me kìi wee-ndoꞌ maa ŋwə me. Ŋwə kee kìi nu ghɔ vɨɨ bwənə me. Nwi nùŋsə ŋwə ŋkee taa yizɔ, laa ŋwə duꞌ yɨ Nwi. Nɨniŋ, ŋwə kùꞌnə tɨ́ kaꞌ ŋwə lùu wuu kwalə məfeꞌ Nwi tɨ́ nsiŋ.

Jeyms 4:8

Viŋ shəŋtə gə yɨ Nwi, buu Nwi taa kɨ shəŋtə jwi yɨ viŋ nɨzi. Viŋ sɔ ghɔ ghiŋ mɔɔ, viŋ vəyɨ-kəbwə! Viŋ yɨsə fwi siŋ ley mɔɔ, viŋ vɨɨ fwisə bɔɔ!

1 Pita 1:15

Viŋ luu vəley maa ghuu yitoꞌ kiŋ kənshə yaa Nwi faŋ ŋwə nə tìi viŋ nə, faŋ ŋwə ley bàw gə̀ fùu.

1 Pita 1:3

Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.

2 Pita 1:4

Nɨniŋ, ŋwə nə kèy nsiŋ nə vənu vəkwalə mbɨə faŋ ŋwə nə kɔ̀ꞌnə maa məkɔ tɨ́ nsiŋ, faŋ lùu ŋkee sey kwalə tɨ́ nsiŋ. Buꞌ vənu vɔ́, kaꞌ viŋ nyɨŋ fɨ ghɔ vənu vəbwəvə faŋ mbə lùu taa mbi, faŋ lùu mbɨꞌtə vɨɨ məyɨ vənu vəbwəvə. Kaꞌ viŋ bee kii jwi kìi nshinə yaa njyə Nwi.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

1 Jɔn 2:6

Wə ntɨə faŋ ŋwə toꞌ ghuu yitoꞌ ki sheꞌ faŋ Yeso Kristo nəə toꞌ, buu kaꞌ wə ghɔ́ gì laa yi shi ghɔ Nwi.

1 Jɔn 4:17

Kɨ luu nu kaŋ-nsiŋ fɨ shɨ nsi luu sheꞌ faŋ ŋkə Yeso nə lùu, buu kɨ kaꞌ nsiŋ kàw Nwi nə fwi nyaa-nsiŋ yinshə, buu kɨ kaꞌ nsiŋ ndɔ jia fwi saŋ-nsiŋ maa shi məshia nsɔꞌ.