1 Jɔn 1:3 - Vengo (Babungo)

³ Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

1 Jɔn 1:3 Iomraidhean Croise

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:11

Mə kee baa lùu taa mbi me, luu nə, vɨɨ vaŋ vɔ́ goꞌ taa mbi, faŋ mə jɨjwi yɨ ghɔ nə. Tɨta faŋ a bàw shɨlə, kɨ kɨꞌ vəŋ, vəŋ goꞌ maa yizii yə, faŋ a nə kɔ̀ shee nə, laa vəŋ luu fa kəmuꞌ, sheꞌ faŋ nsoo lùu fa kəmuꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:21

Nɨniŋ laa vəŋ vənshə luu nə fa kəmuꞌ, sheꞌ faŋ nsoo, tɨta, lùu fa kəmuꞌ. Mbɨꞌtə yə luu mbɨꞌtə nyaa, mbɨꞌtə nyaa luu mbɨꞌtə yə. Nɨniŋ, nsiŋ vɨ vəŋ ndɔ luu nə fa kəmuꞌ nɨzi, tɨ́ kaꞌ mbi biŋ, baa kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:25

Tɨta, tɨɨ vənu və loomə, mbi kee kɨɨ nə ghɔ me, kɨɨ sheꞌ mə nə ghɔ. Gə fɨ maa vɨɨ vaŋ vɔ́, vəŋ kɔꞌ kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:35

Wə ntɨə faŋ ŋwə ŋwàꞌlə nu kɔ́, nə yè nu kɔ́ nə sɨ, nàysə tɨ́ vɨɨ. Ŋwə naysə nu yinsəŋ. Ŋwə kɔꞌ kɨɨ laa ŋwə gisə yinsəŋ. Ŋwə naysə nu kɔ́ tɨ́ viŋ, tɨ́ kaꞌ viŋ bìŋ Yeso.

Akts 13:32

Gə fɨ maa yia, yia baa luu jwi nə ntɔŋ yijəə yɔ́ tɨ́ viŋ, naysə tɨ́ viŋ laa Nwi yɨ̀ nu ŋkɨə faŋ ŋwə nə kɔ̀ꞌnə tɨ́ vətɨɨ vaŋ-nsiŋ nə.

Akts 13:41

«Vɨɨ məshiasə nu kaŋ, viŋ ye, shuu wiŋ yɔŋ, viŋ ndɔ ndi. Mə ndɔ yɨsə nu sɨ viŋ, ŋkee nu, faŋ kaꞌ wə gì tɨ́ viŋ, viŋ kee biŋ me.»

Akts 2:42

Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Akts 20:27

buꞌ laa mə nə nàysə nu Nwi tɨ́ viŋ kənshə, kee mèꞌtə tuu nu faŋ ŋkə lùu taa ŋkɨɨ Nwi me.

Akts 4:20

Kɨ kɨ kaꞌ yia kee meꞌtə maa məkɨ gisə kɔ̀ŋ nu ŋkɨə faŋ yia nə ye baa zɔ me.»

Roma 15:27

Vəŋ nə kàw maa məyɨ nɨniŋ. Luu nə, nə baa lùu ŋkee nu vəŋ maa məyɨ nɨniŋ, buꞌ laa ŋkə kùꞌnə tɨ́ vɨɨ tətɔŋ fu faŋ vəŋ nə zɨ̀ nu Zwitə Nwi, faŋ ŋkə nə ndɔ̀ fɨ ghɔ vɨɨ Isirayl nə, laa vəŋ baa luu kɔ̀ vətɔ vəzɨvə tɨ́ vəŋ, vəŋ zəsə yiŋwaa yivəŋ shɔ.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 1:9

Nwi lùu wuu yinsəŋ. Nə shòꞌ nshɨ-tɔ Nwi shòꞌ viŋ laa viŋ jwi fàynə gù fa kəmuꞌ, viŋ vɨ ŋwiŋ wi Yeso Kristo, faŋ lùu Tɨta ŋwaa-nsiŋ nə.

1 Kɔrintian 15:1

Vaŋ-nshwi vaŋ, bàw mə baa lùmə ŋiꞌ nu Kristo tɨ́ viŋ, faŋ mə nə fɔŋ fɨ̀ꞌtə tɨ́ viŋ. Viŋ nə bìŋ yigisə Nwi yɔ́, wèꞌ shɔ.

Efesɔs 3:6

Ŋiꞌ nu kɔ́ lùu laa, vɨɨ mbɨə faŋ vɨ nə kee bì vəŋ yaa vɨɨ Jus me, lùu vɨɨ məzɨ vətɔ və Nwi nɨzi, baa lùu way ŋwaa vɨɨ Nwi, ndɔ zɨ məbwey vəlwaŋ nɨzi, faŋ Nwi nə kɔ̀ꞌnə maa məkɔ tɨ́ vɨɨ nə. Lùu nɨniŋ buꞌ Yeso Kristo, faŋ vəŋ bìŋ ntɔŋ yijəə yi nə.

Filipi 1:7

Ŋkə lùu kəloomə laa mə kìi kəŋ məlumə ŋwə̀ kɔ̀ŋ viŋ vənshə, buꞌ laa mə kaw viŋ fɨ taa fwi mə. Mənɔŋ-bwaŋnə ŋgwə faŋ Nwi nə kɔ shee nə, ŋwə kɔ tɨ́ viŋ nɨzi, faŋ mə kɔlə lùu taa ŋii mfiŋ, tɨꞌnə me, tɨ̀ŋnə taa ŋii nsɔꞌ, fɨꞌtə nu kɔ̀ŋ yigisə Nwi, baa də laa yigisə Nwi lùu yigisə yinsəŋ.

Filipi 2:1

Kristo nə kɔ̀ viŋ nə yigi, tɨ́ kaꞌ viŋ tɨ̀sə yiŋwaa yiŋ, viŋ viŋ, baa gaŋtə yiŋwaa yiŋ, viŋ viŋ, fɨ taa ŋkawnə. Viŋ faynə lùu fa kəmuꞌ, viŋ vɨ Zwitə Ley Nwi, baa kee gəŋ siŋ, viŋ viŋ.

Filipi 3:10

Nɨniŋ, nu ŋkɨə faŋ mə kəə ŋkə, luu sheꞌ laa mə kɨɨ nə Kristo, nə wutə ŋkɨə faŋ ŋkə jwi fɨ maa məywey wi fɨ shɨ yiku. Mə baa kəə laa kaꞌ mə baa luu yè fɨ maa ŋɨꞌ yi, faŋ ŋwə nə yè nə. Mə biŋ ŋkee maa məku, sheꞌ faŋ ŋwə nə biŋ yiku nə.

Kɔlɔsii 1:13

Nwi nə bwèysə nsiŋ, fùusə nsiŋ fɨ ghɔ vəwutə vəbwəvə faŋ mbə lùu taa mfiŋsə. Ŋwə nə ndì nsiŋ fɨ fuŋ, nùŋsə nsiŋ taa yifwàŋ ŋwiŋ wi, faŋ ŋwə kàw ŋwə nə.

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

1 Timoti 6:2

Gə fɨ maa vɨɨ faꞌ mbɨə faŋ vətɨɨ vəvəŋ biŋ nu Kristo, kɨ vəŋ shiasə vətɨɨ vəvəŋ vɔ́ me, buꞌ faŋ vəŋ lùu vaŋ-nshwi vəŋ maa yizii Kristo. Bàw vəŋ bee kii faꞌ tɨ́ vəŋ jəə, buꞌ laa vətɨɨ vəvəŋ lùu vɨɨ yinsəŋ, baa lùu vɨɨ faŋ Nwi kaw vəŋ, vəŋ saŋ yiŋwaa maa məyɨsə vənu vəjəəvə. Bàw a taa kɨ fɨꞌtə, baa deesə vɨɨ nɨniŋ.

Hibru 2:12

Nɨniŋ, ŋwə nə gì laa, «Mə taa kɨ fɨꞌtə yizii Nwi tɨ́ vaŋ-nshwi vaŋ, ndɔ̀ tɨŋ nɨntəŋ nwaa vɨɨ Nwi, bə̀ŋsə Nwi.»

Hibru 3:1

Nɨniŋ, vaŋ-nshwi vaŋ faŋ viŋ lèy tɨ́ Nwi nə, faŋ Nwi nə tìi viŋ laa viŋ jwi gù vɨɨ vi nə, viŋ tə sɨ maa Yeso faŋ lùu wuu ntɔŋ Nwi, baa lùu wuu kwalə məfeꞌ Nwi, faŋ nsiŋ bìŋ nu ki nə.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

1 Pita 5:1

Gə fɨ maa vɨɨ taa fɨ taa nshəŋtə vɨɨ Nwi, mə baa kɔ yigisə ntɨ tɨ́ viŋ, yuu nshɨ-tɔ ŋwaa luu wuu taa nɨzi. Mə nə yè ŋɨꞌ njyə faŋ nyə nə ŋii Kristo nə, nə yisɨ. Mə ndɔ baa luu taa ŋwaa vɨɨ mbɨə faŋ vəŋ ndɔ zɨ nu yifwàŋ Nwi, ŋkɨə faŋ ŋkə ndɔ fuu ntee fɨkɨꞌ nə.

2 Pita 1:16

Viŋ kɔꞌ kɨɨ laa vənu mbɨə faŋ yia nə fɨ̀ꞌtə tɨ́ viŋ kɔ̀ŋ wutə Yeso Kristo, baa nə laa ŋwə ndɔ bəŋ jwì fùu ntee, kee luu sheꞌ mətiitii faŋ nə bɨ̀ꞌtə wə mənsaw nə yitɔfə yi me. Nshɨ-tɔ wia nə yè feenə wi nə yisɨ.

1 Jɔn 1:1

Ŋwaꞌlə ŋwə̀ luu buꞌ wə ntɨə faŋ ŋwə yaa luu shɔ vɨsɨ. Yia nə zɔ̀ faŋ ŋwə gisə, yè ŋwə nə sɨ ghia, baa kɔ̀ŋ ŋwə nə ghɔ ghia. Vɨ tii ŋwə laa, «Yigi Nwi faŋ nyə kɔ məbwey vəlwaŋ tɨ́ vɨɨ.»

1 Jɔn 1:5

Lùu ntɔŋ njyə faŋ yia nə zɔ̀ fɨ ghɔ Yeso Kristo, faŋ yia baa luu naysə tɨ́ viŋ, laa Nwi lèy yaa shɨshwi; tuu kee wee-shəŋ fəŋ kee lùu taa fwi ŋwə me.

1 Jɔn 1:7

Kɨ luu laa nsiŋ toꞌ yitoꞌ nyaa-nsiŋ fɨ taa shɨshwi ley, faŋ nshɨ-tɔ Nwi lùu taa shɨshwi ley nə, buu nsiŋ lùu fa kəmuꞌ, nsiŋ nsiŋ. Mənshi mə ŋwiŋ wi Yeso Kristo sɔ̀ yibɨsə nyaa-nsiŋ fɨ maa nsiŋ yinshə, faŋ ŋwə nə kù tɔ nsiŋ nə.