Osée 9:3 - UNIMBƆTI NYƆƆBUNDI GBƆŊKU

³ Eefiraayiim yab kaa làá ŋmā kí nīn gbíntìi kóò ti-Dindaan tiŋkin. Bi làá fàtīí gítí Eejipiti tiŋkin, ní kí jī tijin tin bi kòóyee Asuur tiŋkin.

Osée 9:3 Iomraidhean Croise

1 Rois 9:7

m làá jà Isirayeel yab kitiŋ kin m tīī-bee pu. M làá fàtī m-boon kí tīī kudii kun m dūu sú m-ba nee. Anibul kɔkɔ làá nīn kíǹ ki bèel̄ Isirayeel yab ní ki lāā-bi.

2 Rois 17:6

an dàkà yii Oosee nín jíń dibeel abin awa poonee, ní Asuur bɔtiu jáń ki fōō Samaarii tiŋki ní ki cúú Isirayeel yab kí cáa cūnnì kuyuŋu Asuur tiŋkin. U nìn dū-bi ki kāaǹ Alaa tiŋkpaaŋkin nì Abɔɔr tiŋkpaaŋki kin poon ní Goosan buŋŋu pùub̀ee, nì Meedii timmun.

Jérémie 16:18

M làá yàntī bí pà bi-kpitii paati mili pu nì bi-yìntitam. Di sá yii bi dū bi-waaŋi ŋin sá ntimbiil wanti kaa cáá dimaŋfalee ki kɔ́ǹ m-tiŋki tijɔkɔndi. Bi dū bi-waaŋi ŋin m-nimbil kaa là kí wāl̀ee ki gbéeǹ m-tiŋki kin sá m-gaajawantee.»

Jérémie 2:7

M nìn cáá-ni ki kɔ́ǹ kitiŋ kin cáá ntiŋkpamee poon, ní ŋmɔ́ ki-subiliŋ kí jī ki-gaajawanti. Ama ni bàn̄ee ní ki kɔ́ǹ m-tiŋkee tijɔkɔndi, ní ki dū m-gaajawammɔntiiti ki kpántì ntimbiil wanti.

Lamentations 5:6

Ti tàntī ŋŋal Eejipiti nì Asuur timmun watil pú ní kí wàatī kí nín ká tin ti làá jēe.

Ezéchiel 4:13

Ní ti-Dindaan kútì ki lī yii: «Míǹ ní Isirayeel yab làá jī tijin tin kɔ́ tijɔkɔndee nnicantimu mun poon m làá jà-bi kí cùnnèe.»

Daniel (hébreu) 1:8

Daniyeel nìn lēē u-pɔbilin yii waa làá jī tijin tin ubɔti jīǹee nì ndaam min u nyùee kí kɔ́ǹ u-ba tijɔkɔndi. An puee u nìn gbāam̀ utɔntɔŋkpil yii ú taa ŋá-u mpɔn ú jī tijin gbanti kí kɔ́ǹ u-ba tijɔkɔndi.

Osée 11:11

Bi làá dāá nyānní Eejipiti tiŋkin bi-wunti gbáà kpàkpa kii idiyaalee, ní kí dāá nyānní Asuur tiŋkin kii abeenanjilee. M làá dāá yàntī bí gítí bi-diiŋŋi poon. Ti-Dindaan di sòon̄.

Osée 11:5

«Baa làá fàtīí gítí Eejipiti tiŋkin, ama Asuur yab di làá dāá nīn cáá bi-pu mpɔn, di sá yii bi yíì kaa fātìi gítìń m-cee.

Osée 7:11

Eefiraayiim sá kii dibeenanjil din kaa nyí tiba kaa dàkafēe ní. U yíì Eejipiti tiŋki ń dāá jòoń-u, ní ki sáń ki cá Asuur tiŋkin.

Osée 7:16

Bi yaa gítìńaaa, an kaa sá man cee ní bi gítìń. Bi náań nì butɔbu bun gíì ki gbàkēe ní. Ama bi-kpilib nín sòoǹ ki bíiĺ-mi puee, kujaaun ní bi làá kpú, ní binib ń nīn bèel̄-bi Eejipiti tiŋkin.»

Osée 8:13

Bi ŋáań saraabi ki tìì-mi, kun puee tinan ní bi nyàab̀ kí ŋmɔ́. Ama man bi-Dindaan, maa làá fōō saraabi gbanti. Too m làá téetí bi-yìntitam pu, m làá dáaĺ bi-tafal bi-kpitii pu. Bi làá fàtīí gítí Eejipiti tiŋkin.

Osée 9:6

Ni yaa láa yíkì ni-tiŋki kin bi nāaǹee nee, Eejipiti tiŋki làá dāá fōō-ni, ama Meemifiisi tiŋkin ní bi làá dāá síb́-ni. Abɔjanaakun di làá dāá jī bi-gaajawammɔntiiti fakal, ní ikuŋkum ń dāá nyā bi-diiŋŋin.

Lévitique 18:28

Ní taa ti kɔ́ǹ-kì tijɔkɔndi, án nín làá ŋá pu kí taa wùliŋkì-ni kí fá kii kì nín nìn wūliŋkì bin līntiǹ-nee ki fá puee.

Lévitique 20:22

«Nín̄ ŋúb́maan m-bɔkpaaŋi nì m-koobiliŋ kɔkɔ kí ŋá ŋi nín lī puee, án nín làá ŋá pu kitiŋ kin poon m cáǹ-ni nee ń taa dū-ni kí fée.

Lévitique 25:23

Ní taa nyāfì kitiŋ katanjoolii, di sá yii man di yì kitiŋ. Nimbi kóò man pu kii binikɔkaabi àá binicambee ní.

Amos 7:17

A-nimpuu làá kpántí kilaakpaai kitiŋin. Bi làá kpɔ̀ a-jipɔmbi nì a-bisalib. Bi làá ŋmàntī a-kpaatanti kí dūú yàkatī kí tīī biba. Sisi a-ba làá kpúnní kitiŋ kin yab kaa nyí Unimbɔtee ni, ní bí cùnnì Isirayeel yab kuyuŋu bí nīn dátiǹ bi-tiŋki.»

Michée 2:10

Yīkìmaan! Nín̄ cámaan! An kaa sá diŋuŋfil yuntiŋu! Ni-jɔkɔntuuŋŋi puee, nnaabukpaan dɔ̄ ki cí-ni.»

Actes 10:14

Ní Peetroo bí yii: «Aayee, m-Dindaan! Maa láá pée jíń tijin tin kòóyee àá tin kaa bí circiree.»

Deutéronome 28:63

Kii an nín nìn mɔ́ɔkiǹ ti-Dindaan u ŋá-ni tiŋan ki yāntì ni būtì ki bí mmɔnni puee, míǹ mbaantiim ní án làá tí fàtīí mɔ̄ɔkiǹ-u ú nàan̄-ni kí kúntí-ni. U làá jà-ni kí nyāntí kitiŋ kin ni làá kɔ́ kí fōō kí nīn kíǹ ki yì nee poon.

Deutéronome 28:68

Ti-Dindaan làá yàntī ní kɔ́ meelab kí fàtīí gítí Eejipiti tiŋkin, nì min kɔkɔ u nìn lī yii: <Ni-taal gíti kpá kí tāā kitiŋ gbantinee>. Ni yaa láa bàn̄ niinee, ni dāa nyàab̀ kí dū ni-ba kí nyāfiǹ ni-nannanliibi kí bàà kpántí bi-yumbui, ama naa dāa kāntí udal.»

Deutéronome 4:26

Ama ni yaa ŋá mimmee, ibaamɔn ní m bíi tùkù-ni, kutagbɔŋu nì kitiŋ sá m-seeradambi díǹ yii naa làá pée sūŋkì ní kí kpú kí céetí kitiŋ kin ni làá dùtī Jɔɔdan buŋŋu kí tin kɔ́ nee poon. Naa làá kàl̄ ki-poon kí yúntí báà fiii, di sá yii ni làá kpú ní kí céetí malaa.

Josué 23:15

Ama kii ni nín ká tiŋan tin kɔkɔ ti-Dindaan ni-Nimbɔtiu pōoǹ-nee, míǹ mbaantiim ní mbusu un u làá dūú tɔ̄ ni-puee mun làá bàń-ni. U làá dāá kúntí-ni kitimmɔntii kin úǹ ti-Dindaan ni-Nimbɔtiu u-ba dūu tīī-ni nee pu.