Osée 8:4 - UNIMBƆTI NYƆƆBUNDI GBƆŊKU

⁴ Bi kāaǹ bi-bɔtiibi kaa bālifì m-pu. Bi lēē bi-kpilib kaa tùkū-mi. Bi dū bi-nimbiliŋ nì bi-sindaariyab ki mɔ́ɔ́ awaa ŋin làá nàan̄-bee.

Osée 8:4 Iomraidhean Croise

1 Rois 12:28

Niinee ní ubɔti Jeerooboowaam ká nlandɔkɔ ní ki yāntì bi dū sindaariya ki mɔ́ɔ́-u anabil ali, ní u bí samaa yii: «Ni jɔ́m̀ Jeerusaleem tiŋkin ki gīī Isirayeel yab, kpèèmaan ni-Nimbɔtiu un nyántìń-ni Eejipiti tiŋkinee.»

1 Rois 13:34

An bimbim nìn yāntì Jeerooboowaam dicaŋku kɔkɔ nib kɔ́ ikpitin, an pu ní Unimbɔti nāaǹ kudicaŋu gbanti ki céetì-kù kitiŋ pu.

1 Rois 16:31

U nín nìn nóó Neebaati jipɔɔn Jeerooboowaam kpitii tabɔbiliŋee kaa bàn̄-uee, ní u gíti cūtìi cáá Siidɔn yab bɔtiu Eetibaal bisal Jeesabeel. U nìn cūtìi bíi gbàantí diwaal Baal nimbiin ki jáaḿ-dì.

Jérémie 16:20

Unil ŋūǹ kí mɔ́ɔ́ inimbɔtaaa? Tin bi māāyee kaa sá inimbɔti.»

Ezéchiel 18:31

Fámaan atuŋkpiti ŋin ni ŋáańee, kpántímaan ni-pɔbiliŋ nì ni-landɔkɔi. Isirayeel yab, ba pu ní ni là kí kpú ní?

Daniel (hébreu) 3:1

Ubɔti Neebukadineesaar nìn yāntì bi máń sindaariya kumpool diba, di-fɔkɔŋŋu yilpu sá meetab mmuŋku nì saalaa ní di-waaŋŋu sá meetab bita. Babiloon tiŋgbaŋkin, Dura tantakalin ní u nìn yāntì bi máń-dì.

Osée 13:1

Njaminee, Eefiraayiim yaa nìn sòoǹee, báà ŋma nìn fàŋkí ní. Isirayeel naakɔti kansikinee, úǹ di nìn līī. Ama u nóó diwaal Baal ki fōō dibɔkpil, ní ki kpíì an pu.

Osée 13:11

Tiŋman m nìn tīī-si ubɔti m-ŋuul poon, ní ki fātìi fōō-u m-bum poon.

Osée 13:2

Díǹ pu nee, bi dáá gbíntìi nìkì ki ŋáań ikpiti. Bi dūntì bi-nimbiliŋ ki dūu mɔ́ɔ́ awaa, awaa ŋin ní bíǹ bi-ba dākafì ki mɔ́ɔ́yee. An sá uwammɔ́ɔl tuuŋŋi aba ní, awaa gbanti pu ní bi lì yii: «Tí ŋámaan saraabi kí tīī-ŋi!» Binib móotí anabil ki ŋáań saraabi.

Osée 2:8

«An pu ní m làá dū ikuŋkum kí pìin̄-u nsan, ní kí mā digundi kí màntīí tū-u ú taa ti ká nsan kí nyā.

Osée 8:3

Isirayeel beel yab dū tin ŋān̄ee ki fá. An pu ní unannanli bíi jì-bi.

Matthieu 25:12

Ní u kíí-bi yii: <Ibaamɔn ní m tùkù-ni, maa nyí-ni.>»

Luuki 13:25

«Unimbɔti kudiidaan yaa láa yíkì ki pīiǹ u-punyɔkɔkee, ni dāa kíǹ ki yú boon ki gbáà kipunyɔkɔ ní ki lì yii: <Ti-Dindaan, pìitī-ti!> Ní ú dāá kíí-ni yii: <Maa nyí laakin ní ni sée.>

Luuki 13:27

Ní ú fàtīí kùbitī kí tùkù-ni yii: <Maa nyí laakin ní ni sée. Sútímaan niin kí wàatī-mi, nimbi bikpitiŋaliibee kɔkɔ.>

Jean 10:14

Man di sá upikpaamɔnti. M nyí m-piii ní m-piii mun nyí-mi,

Galates 4:9

Kɔŋkɔnnee, ni béè Unimbɔti, an dàkà yii Unimbɔti di béè-ni. Ba ŋá ní ni gíti là kí gítí duulinya marab bin kaa cáá mpɔn, kaa bí tibanee taapu kí nīn sá bi-yumbui kii dooooyee ní?