Osée 8:2 - UNIMBƆTI NYƆƆBUNDI GBƆŊKU

² Bi kūuntí fám ki lì yii: <Ti-Nimbɔtiu, timbi Isirayeel yab, ti nyí-si!>

Osée 8:2 Iomraidhean Croise

2 Rois 10:16

ní ki bí-u yii: «Dāan̄ tí cù á kpèè man nín cáá ti-Dindaan pu difaŋgiil puee!» U lī mimmee ní ki yōoǹ-u u-tɔrɔkuu pu ki cáá-u ki búntì.

2 Rois 10:29

Nì míǹ kɔkɔee, waa nìn kākatì u-ba ki wāatì ikpiti in ní Neebaati jipɔɔn Jeerooboowaam nìn yāntì Isirayeel yab ŋá ki cūtìi bíi jáaḿ sindaariya nabiliŋ ŋin bi nìn mɔ́ɔ́ an bí Beeteel nì Daanee.

Jérémie 7:4

Ní taa nín̄ kùbitī ki lì yii: <Doo di sá ti-Dindaan Diiku, doo di sá ti-Dindaan Diiku, doo di sá ti-Dindaan Diiku.> Ní taa dū ni-mákal kí páań anyɔɔbuŋkiilkaa gbanti pu.

Osée 5:15

«M làá búntí, m làá nīn gítí m-dumpu kí dāá sāā ŋyunti ŋun bi làá béé bi-bɔkpil kí nyàab̀-mee. Bi-nimbinaamandi poonee, bi làá dāá nyàab̀-mi.»

Osée 8:3

Isirayeel beel yab dū tin ŋān̄ee ki fá. An pu ní unannanli bíi jì-bi.

Michée 3:11

Bibɔsoonliibi fòol̄ tiwampɔkaal ní ki sòoǹ binib bɔti, bisaraaŋaliibi dàkà Unimbɔti marab ní bi pà-bi, ní Unimbɔti bɔnaatiliibi fòol̄ animbil ní kí nín nàatī Unimbɔti bɔti. Ti-Dindaan yindi pu ní bi tɔ́kɔ́ ki ŋáań tíǹ kɔkɔ ki lì yii: «Ti-Dindaan bí ti-cee. Nnaabu ŋubɔ kpá ki làá jēetí ti-pu.»

Matthieu 25:11

Boonee, bisapɔmbi bin kíǹee mun dūu bāań ki bíi yíì yii: <Ukpil, ukpileeee, pìitī-ti!>

Matthieu 7:21

«An kaa sá bin kɔkɔ yíì-mi yii: <M-Dindaan, m-Dindaanee> di làá dāá kɔ́ Unimbɔti Beelin, asee bin ŋáań min m-Baa un bí yilpuee lèe baba di dāa kóò.

Luuki 13:25

«Unimbɔti kudiidaan yaa láa yíkì ki pīiǹ u-punyɔkɔkee, ni dāa kíǹ ki yú boon ki gbáà kipunyɔkɔ ní ki lì yii: <Ti-Dindaan, pìitī-ti!> Ní ú dāá kíí-ni yii: <Maa nyí laakin ní ni sée.>

Tite 1:16

Bi gà bi-biŋŋi yii bi nyí Unimbɔti, ní bi-tuuŋŋi ŋin bi tūǹee dàkà yii baa nyí-u. Bi sá bikpitib ní ki gáatì, kaa ŋūǹ kí tɔ̄ ditummɔntiil báà diba.

1 Jean 2:4

Un yaa bí yii: «M nyí Unimbɔti,» ama ní kaa ŋúb́ u-marabee sá unyimɔndaan, ibaamɔn kaa bí udaanni.