Osée 8:1 - UNIMBƆTI NYƆƆBUNDI GBƆŊKU

¹ Búḿmaan ŋyin kí kpāafì binib! Kii ukaabu nín tòó puee, míǹ ní mbusu làá jēetí ti-Dindaan tiŋki pu. Di sá yii Isirayeel beel yab kaa tɔ́ m-poondi ní kaa yúl̀ deedee m-marab poon.

Osée 8:1 Iomraidhean Croise

2 Rois 18:27

Ama ní Asuur janjakpiliuee kíí-bi yii: «A dàkafī yii sii nì a-bɔtiu baba cee ní m-kpiliu túnní-mi ḿ cáań tibɔti nee kí sòoǹaaa? Tibɔti gbanti sá ki tīī binib bin kɔkɔ bí digundi pu nee mun ní. An kaa làá ti yúntí, bi làá ŋmɔ́ bi-binti ní kí nyɔ̀ bi-nyeem kii ni muee.»

Esaïe 18:3

Nimbi bin kɔkɔ kóò duulinyanee, nimbi bin kɔkɔ kpátìi gbí kitiŋ puee, bi yaa láa cóoǹ kiŋaabiki ajoon puee, ní dāá kpèèmaan, bi yaa láa búń ŋyinee, ní dāá pīlifìmaan!

Esaïe 24:5

Kitiŋ pu doo nib kɔ́ǹ-kì tijɔkɔndi, di sá yii baa nóó Unimbɔti marab, kaa dū u-bɔkpaaŋi ki yíiń tiba, ní ki kpītì u-poondi din bí ki cá talkuee.

Esaïe 58:1

Ti-Dindaan di bí-mi yii: Téeń mpɔn, taa mɔ̄tì a-ba pu! Kúuǹ mpɔn kii dikantándee! Tùkù m-nibul di-yìntitam, tùkù Jaakɔb naantiibi bi-kpitii.

Jérémie 31:32

Díǹ kaa dāa sá kii din m nìn pōoǹ bi-naanjab ŋwiin ŋun m nìn cúú bi-ŋal ki nyántì Eejipiti tiŋkin kuyuŋunee. Nì min kɔkɔ man di nìn sá bi-Dindaanee, bi nìn kpītì dipoondi gbanti, ti-Dindaan di lī míǹ.»

Jérémie 34:18

«Binib gbanti nyáń mpèé ŋun bi ŋée boon. Baa ŋá kii bi nín yúl̀ m-nimbiin ki pōoǹ puee. M làá ŋá-bi kii dinabil din bi gíí ki nābitì mili ki cōom̀ ki jítì ajan alee kansikinee ní.

Jérémie 4:13

«Kpèè binannanliibi di dòońee. Bi tóotiń kii utaakpaan tagbaŋŋee, ní bi-taamui yáb̀ kii ukaabɔnee! Mbusu kɔ́-ti ní, ti kpíì ní!»

Jérémie 4:5

Ní bāakì tibɔti nee Juuda tiŋkin, ní yàntī tí gbìtī kí bà Jeerusaleem tiŋkin. Ní búń iyin kitiŋee poon, kúum̀maan mpɔn kí lì yii: «Kóom̀maan kí kpāfì ntimu mun bi máń digundi ki túee ni.

Jérémie 48:40

Ti-Dindaan nín sòon̄ puee sèé: «Binannanliibi kpántì kii kaajiikuee ki ŋàaǹ ki kpátí u-feeŋyi Moowaab tiŋki pu.»

Jérémie 49:22

Unannanli bí kii ukaabɔn nín jɔ́ḿ kutaa pu, ki ŋàaǹ ki kpátí u-feeŋyi Boosiraa tiŋki puee ní. Yaadalee, Eedoom yab baatandambi pɔbiliŋ làá dāá bīil̀ kii imatiŋween nín cútí upɔdaan puee ní.

Jérémie 51:27

Ní cóoḿmaan kujaau daaŋku ŋaabiki kitiŋin, ní búń ŋyin atimbun nib ń gbìl̄. Kóom̀maan atimbun kí kpāfì ŋí jáǹ Babiloon tiŋki, yíiḿmaan Ararati nì Miini nì Asikeenaasi beeŋi ŋí jáǹ-kì. Ní lēēmaan bijanjakpilib bí fōō bijanjaliibi bí jáǹ-kì. Dūmaan itaamu in wīikí kii inaakitoonee kí tɔ̄ ki-pu í jáǹ-kì.

Jérémie 6:1

Beenjameen yab, sām̀maan kí nyā Jeerusaleem tiŋkin. Ní cùú báĺmaan laaba. Búḿmaan ŋyin Teekoowa tiŋkin, kí cóoḿmaan kudaaŋŋu ŋaabiki Beeti-Keereem tiŋkin, di sá yii mbusu ubɔ, nnaabukpaan ŋubɔ làá nyānní ŋgan pú kí dāan̄.

Ezéchiel 11:4

An puee nisaaleen, nàatī Unimbɔti bɔti kí tɔ̄ bi-pu, sòoǹ kí tɔ̄ bi-pu!»

Ezéchiel 16:59

«Man a-Dindaan Unimbɔti nín sòon̄ puee sɔ̀. A kpēē dipùtil din a pūtèe fám ki kpītì mpèé ŋun bí man nì si kansikinee. Míǹ puee, a nín ŋá-mi puee, míǹ ní m làá ŋá-si.

Ezéchiel 17:3

Tùkù-bi yii man a-Dindaan Unimbɔti di bíi sòoǹ yii: <Ukaaluŋkpaan ubɔ di nìn bí ki cáá ifeeŋkpaan ní u-kuti fɔ̀kɔ̀ ki náaǹ ki cáá inyiŋfi kupaau. U nìn ŋàan̄ ki bāań Leebanɔn jooŋŋi. U nìn yá ki kɔ́fì seedir subu bubɔ yilpu.

Ezéchiel 7:14

Bi dāa ŋūǹ kí búń ŋyin kí bɔ́ntí kí cù kujaau, ama báà unibambaanti kaa làá cù. Di sá yii m gíí samaa kɔkɔ pu diŋuul ní.»

Osée 4:6

M-nibul kúù kun puee di lóò dinyil. Kii ni nín fātì ni-boon ki tīī dinyilee puee, ma mun làá fàtī m-boon kí tīī-ni ní naa ti làá nīn sá m-saraaŋaliibi. Ni súntì mama, ni-Nimbɔtiu marau puɔɔ! Ma mun làá súntí ni-jipɔmbi pu.

Osée 5:8

Búḿmaan ŋyin Giibeeya jool pu, búḿmaan dikantándi Raama tiŋkin! Kpāafìmaan Beeti-Aween yab! Beenjameen naakookun yab, bi bíi jáà nì ni ni-boon pú.

Osée 6:7

«Ama kii Adamee, ni nyáń m-poondi boon, naa yúl̀ nì mi deedee.

Osée 9:15

Ti-Dindaan gíti bí yii: «Bi-tuŋkpitiŋ kɔkɔ kíĺ Giilgaal ní. Niin ní m kíĺ ki kíǹ ki ná-bi. Ikpiti in ní bi ŋée puee, m làá jà-bi kí nyāntí m-diikun. Maa ti làá nīn néeń-bi. Bi-kpootiliibi kɔkɔ sá pɔɔgaatib ní.

Joël 2:1

Ní búḿmaan dikantándi Siiyɔn tiŋkin, kúum̀maan mpɔn m-circir jool pu. Kitiŋee pu nib kɔkɔ wunti ń fáá dijinjikil, di sá yii ti-Dindaan wiiŋŋu dòoń, ŋu tóobiń gba.

Joël 2:15

Búḿmaan dikantándi Siiyɔn tiŋkin, bóob́maan kinyɔkɔ. Yíiḿmaan dikpafikpaandi.

Amos 3:6

Bi búǹ dibaŋwul kitiŋin tifaandi kaa cútí binibaaa? Dinimbinaamandi kóòń kitiŋin kaa nyánní ti-Dindaan ceeee?

Amos 8:3

Ti-Dindaan Unimbɔti di lī yii: «Yaadalee ilan in bi gà dibeecindee làá dāá kpántí ikpiisilan. Anikpil làá dāá nīn wīikí tikpilku. Bi làá dāá dū anikpil kí fá an kɔkɔ pu. Án làá dāá ŋmīĺ an kɔkɔ pu fɔ́ŋfɔŋ!»

Amos 9:1

M ká ti-Dindaan yú nsaraafan pu ki lì yii: «Gbá kí wìil̀ jaantalkub yilpu ní taapu ń cìŋkì! Gbá kí wìil̀-bi bí lítí kí tàbitì bi-yiliŋ. Bi-kansikin bin kíǹ kaa kpíìyee, m làá dū ntàataajimu kí kpɔ̀-bi. Báà unil kaa làá dāá ŋmā kí sāǹ, ní uniseen kaa làá dāá ŋmátí.

Habaquq 1:8

Bi-taamui yáb̀ ki jítiǹ iguloobu, ki cáá ntoom ki jítiǹ digbiŋgbil din cá kukpɔŋu kujoouee. Bi-tanjakaliibi nyánní ndan ki dòoń bi-taamui yùkufìń. Bi ŋàaǹ kii ukaalun nín tòó pu kí cúú tiba kí jēe ní.

Sophonie 1:16

Ŋwiin gbantee, bi làá dāá gbìl̄ bijanjaliibi búǹ dikantándi, ní kí fáá ijanjakuŋkuunti kí já nì ntimu mun bi máń digundi ki túee nì mu-sintil difɔkɔŋi.

Zacharie 11:1

Leebanɔn tiŋki, pìitī a-punyɔmmu ŋŋmi ń wà a-seediri sufii.

Zacharie 9:14

Ti-Dindaan làá nyā kí páanní u-nibul yilpu, ní kí tɔ̄ u-piiŋŋu kii utaa nín ŋmóò puee. Ti-Dindaan Unimbɔti làá búń ŋyin, u làá nīn kāń kubuŋu kun nyánní ŋgiil púee kí dāan̄.

Matthieu 24:28

Laakin diwaŋkpil yaa dɔ̄ee, niin ní kaajiikub kpáfí.»

1 Corinthiens 15:52

Dikantánjoolkaal yaa láa búńee, niin niin dicilpu kii dinimbil nín pée kábití puee, bitaŋkpiibi kpáàa fīkitì nì tiwun tin kaa ti kúùyee, ní timbi bin kíǹ kaa kpíìyee wunti ń cúú kpántí.

Deutéronome 28:49

Ti-Dindaan làá cáań ditimbundi din nyánní ndandati kitiŋ gbeennyɔkɔee, ditimbundi din sooŋyi naa gbìl̀ee kí tɔ̄ ni-pu kii ukaabu nín tòó puee.