Osée 7:8 - UNIMBƆTI NYƆƆBUNDI GBƆŊKU

⁸ «Eefiraayiim dū u-ba ki ŋmālim̀ anibul ŋin kíǹee poon. U náań nì kalaa un bi tɔ́ kaa lábitèe ní.

Osée 7:8 Iomraidhean Croise

1 Rois 18:21

Eelii nìn sútì ki pìl̄ samaa kɔkɔ ní ki bí-bi yii: «Kí cáá sāā ŋyunti ŋulɔŋu ní ni làá lēē kí nóó nlandɔkɔbaanti ní? Ti-Dindaan di yaa sá Unimbɔti, nín̄ nóómaan-u. Diwaal Baal di yaa tí sá Unimbɔtee, ní nóó-dì!» Ama samaa kansikinee, báà ubɔ kaa nìn wāaǹ kinyɔkɔ ní kaa nín kíí tiba.

Esdras 9:1

Tíǹ jítì boonee ní Isirayeel kpilib biba dɔ́miń ki tùkū-mi yii: «Isirayeel nibul nì bisaraaŋaliibi nì Leefii yab kaa gāntì bi-ba nì kitiŋ nee pu nibuliŋ ŋin kíǹee. Bi mun bí ki ŋáań ntimbiil tuuŋŋi kii Kanaan yab nì Eeti yab nì Peeriisi yab nì Jeebusi yab nì Amɔn yab nì Moowaab yab nì Eejipiti yab nì Amɔɔr yab nín ŋáań puee ní.

Esdras 9:12

An puee ní taa dū ni-bisalib kí tīī bi-jipɔmbi ticati, kí taa cáá bi-bisalib kí tīī ni-jipɔmbi. Ni yaa là kí nīn cáá mpɔn kí jī kitiŋ gbanti naam, ni-biyaamu mun ń dāá yīkì kí tɔ́kɔń kí nīn pée jīǹ ki cá jaanjaanee, ní taa dī isaŋkpiti in pu bíǹ bí an bútì-bee pu, kí taa nyàab̀ bi-gbansɔŋfiŋu juti ŋwindal.>

Psaumes 106:35

Ama bi nì binib bin kaa nyí Unimbɔtee nìn ŋá mpèé ní bi bífì bi-koobiliŋ ki kíǹ ki ŋáań míǹ.

Osée 5:13

Ŋyunti ŋun Eefiraayiim yab ká yii bi būǹ ní Juuda beel yab ká bi-bunsooŋyee, ní Eefiraayiim yab nín cá Asuur tiŋkin ní ki tú binib bí cùú ká ubɔtikpaan. Ama u mun kaa ŋūǹ kí cáaǹ-naaa, kaa tí cáá ni-bunsooŋyi nyɔkɔŋu.

Osée 5:7

Bi nyáń ti-Dindaan boon ki màl̄ mbiyaamu mun kaa sá u-yɔmuee. Too, an kaa ti làá bà uŋmal, án làá nàan̄ bi nì bi-tiŋki.

Osée 7:9

Binicambi fóofì u-pɔŋŋu, ní waa kpáàa nyí gba. Tiyikpipin nyáń u-yil pu ní waa kpáàa béè.

Osée 9:3

Eefiraayiim yab kaa làá ŋmā kí nīn gbíntìi kóò ti-Dindaan tiŋkin. Bi làá fàtīí gítí Eejipiti tiŋkin, ní kí jī tijin tin bi kòóyee Asuur tiŋkin.

Sophonie 1:5

M làá kúntí bin tɔ̄kɔntí adibɔ̀bikaa yilpu ki jáaḿ iŋmalbijaayee. M làá kúntí bin gbàantí man bi-Dindaan nimbiin, ní ki gíti pùtī diwaal Mooleeki yindee.

Malachie 2:11

Juuda yab kaa yúl̀ deedee. Bi túń ntimbiil tuuŋŋi Jeerusaleem tiŋkin nì Isirayeel timmu kɔkɔ poon. Di sá yii bi kpēē ki sīŋkiǹ circir kɔŋkooŋŋu ŋun ti-Dindaan néeń tikpilee. Bi cáá binimpoobi bin nóó awaayee.

Matthieu 6:24

«Unibaanti kaa ŋūǹ kí nīn sá bikpilib bili tɔntɔnliu: see ú nīn ná ubɔ kí nīn néeń un kíǹee, àá ú dū u-ba kí yā kí nákáǹ ubɔ ní kí nīn kpèé un béeyee fám. Naa ŋūǹ kí nīn sá Unimbɔti tɔntɔnliibi kí nīn sá animbil mun tɔntɔnliibi.»