Un bi tú ú cùú yíiń Miikayee bàn̄ee ní ki bí-u yii: «Kpèè, Unimbɔti bɔnaatiliibi kɔkɔ ŋá kinyɔɔbaantii ki sòoǹ ki nàatī ubɔti tiŋanee ŋma ní. Si mun yaa bàn̄ee, á sòoǹ kí nàatī ubɔti tin ŋān̄ee ŋma kii bin béeyee.»
Niinee ní Isirayeel bɔtiu kóoǹ u-bɔnaatiliibi ki kpáfì. Bi nìn sá binib alaataa anaa nyɔkɔm ní ubɔti bālifì-bi yii: «Ḿ cùú já kí fōō Ramooti tiŋki kin bí Galaadi tiŋkpaaŋkineeyaaa, ḿ taa cù?» Ní bíǹ kíí-u yii: «Nín̄ cá! Ti-Dindaan dū-kì ki ŋá a-ŋaan.»
Unimbɔti bɔnaatiliibi nàatī tinyimɔmbɔti, ní bisaraaŋaliibi kāntí ipaati, ní m-nibul ká yii míǹ ŋān̄! Mimmee tin bí nee kɔkɔ yaa láa kúntèe, ni làá dāá ŋá mana dee?»
Ti-Dindaan bí yii: «Bi-limbiliŋ bí kii butɔbu bun bi dáaĺee ní. Bi dū nnyimɔn ní ki jíń dibeel kitiŋ pu, kaa sá mbaamɔn. Bi ŋáań ikpiti ní kaa gbèentí, ama baa nyí-mi.
Ni nóó ubɔti Oomirii nì u-jipɔɔn Akaab dicaŋkun yab bimbikpitim. Ni ŋáań kii binib gbanti nín ŋáań puee. An pu ní m làá nàan̄ ni-tiŋki, ní kí yàntī bin kíǹee ń nīn bèel̄ nimbi bin kóò ki-nee. Icoo in jíń m-nibulee làá jī ni mun.»
Nì min kamaa bi baasii nyí tiŋan yii Unimbɔti bí yii bin bin ŋáań ikpiti gbantee máaǹ ŋkúmee, bi gbíntì ki ŋáań ikpiti gbanti. Tin gíti lákatèe di sá bi bí yii bin ŋáań ikpiti gbantee di ŋáań min kítèe.