Osée 7:2 - UNIMBƆTI NYƆƆBUNDI GBƆŊKU

² Ama an kaa sòoǹ nì bi-pɔbiliŋin yii m téetí bi-kpitii in bi ŋáańee kɔkɔ pu. Kɔŋkɔnnee bi-kpitii gbanti di māntìi tú-bee. I dɔ̄ m-nimbiin ní baabadal.

Osée 7:2 Iomraidhean Croise

Yoob 34:21

Unimbɔti nimbil cɔ́ unil bimbim pu ní ki kpèé u-saŋkindi kɔkɔ.

Psaumes 10:11

ní ú lì u-ban yii: «Unimbɔti tafal kaa bí tin m ŋá nee pu, u bīiǹ u-nimbiin, waa pée wāĺ tiba nì tiba.»

Psaumes 25:7

Taa ti téetí m-yìntitam nì m-kpitii in m ŋá m-naacimpɔntinee pu. A-neeŋkpaandi nì a-ŋanti puee, á téetí m-pu, m-Dindaan.

Psaumes 50:22

Nimbi bin súntí man Unimbɔti puee, ní gbìl̄maan tibɔti gbanti taapu! An yaa kaa sá míǹ, m làá tɔ̀ntī-ni, ní ubɔ dāa kpá kí fīī-ni.

Psaumes 9:16

Binib bin kaa nyí-see gbìn̄ mbòó ki bíl̀ bi-nannanliibi ní bíǹ bi-ba jéetì ŋu-poon, kutaliŋŋu kun bi píĺee sàl̄ bíǹ bi-ba.

Psaumes 90:8

A dū ti-yìntitam ki bíl̀ a-nimbiin, a-walfiŋu ŋmíntì ti-kpitii in ti ŋáań dibalinee pu.

Esaïe 1:3

Unaa nyí u-dindaan, ní kimaŋ nyí laakin ki-dindaan ŋáań-kì tijin kì jīǹee. Ama Isirayeel yab kaa nyí báà tiba, m-nibul kaa gbìl̀ tibɔti taapu.»

Esaïe 26:16

Ti-Dindaan, dinimbinaamandi poonee, sii watil pú ní ti fàtī ti-nimbikpeeŋu kí túĺ. A yaa dáaĺ ti-tafalee ní ti kíǹ ki bí ki mèé-si.

Esaïe 44:19

Bi-kansikin ubɔ kaa kóò u-ban kí dàkafì, ubɔ kaa cáá iciin nì dinyil kí lì yii: «M dū ndɔ nee dijandi ki kpāā ŋŋmi, m púĺ kpɔnɔ ŋŋmi ŋun m kpāāyee pu, ki dū tinan ki páaǹ ki ŋɔ́fì ki ŋmɔ́. Mimmee, m làá dū digindi din kíǹee kí kpítí diwaal, ntimbiil wantaaa? Mimmee m làá gbàan̄ kí jāam̀ didɔgindaaa?»

Esaïe 5:12

Bi kpáfí ki nyù idafi ní bi bɔ̀ɔ́-bi tibati nì saŋgub, ki cákafí-bi cancakantib ní ki búǹ-bi awul. Ama baa wāĺ tin ti-Dindaan bíi ŋáańee, kaa kpèé gba tin ní u ŋée.

Jérémie 14:10

Kpèèmaan ti-Dindaan nín sòon̄ dinibul nee pu tiŋyee: «Tiŋman, bi néeń ki sáń ki póotí an kɔkɔ kii bi nín là puee.» Ama tíǹ kaa fáatiǹ ti-Dindaan. Kɔŋkɔnnee u làá téetí bi-yìntitam nì bi-kpitii pu ní kí dáaĺ bi-tafal.

Jérémie 16:17

Di sá yii m wāĺ tin kɔkɔ bi ŋáańee. Bi-tuuŋŋi báà dibaba kaa bál̀-mi, ní tiba kaa lìkī bi-kpitii m-nimbiin.

Jérémie 17:1

«Juuda yab kpitiiyee, bi dū kigaai ní ki cáká ki ŋmàn̄, àá ataŋkpanyaan ní bi dūu ŋmàn̄-i. Bi ŋmàn̄-i ki ŋá bi-pɔbiliŋin, ní ki ŋmàn̄-i ki nákáǹ nsaraafan kpiŋŋi pu.

Jérémie 2:19

Fōō ikpiti in a ŋée tafadaaldi! A nín kaa yúl̀ nì mi deedeeyee kpuulool ń gítí a-pu! Ŋyunti gbantee, a làá wāl̀ kí béé yii unil yaa dū man u-Dindaan u-Nimbɔtiu ki fée, u jīǹ falaa ní án píĺ-u fíŋfiŋfiŋ. Tiŋman, aa ti kpáàa fàŋkí-mi.

Jérémie 32:19

A nín lēē kí ŋá puee sá ŋkpaami ní a cáá mpɔn kí ŋá míǹ. A kpèé ki wāĺ tin kɔkɔ nnibiyaamu bí ki ŋáańee. A pà báà ŋma paati ki nóó nì u-bimbim nì u-tuuŋŋi nín sá puee ní.

Jérémie 4:18

Jeerusaleem, a-bimbim pu ní tin bí nee kɔkɔ bāań-si. Tiŋman, a-naabuŋuee lafun pɔ̄ɔ̄. Ŋu kɔ́-si fíŋfiŋ.»

Jérémie 44:21

«An sá tiŋman, ni nì ni-baabi nì ni-bɔtiibi nì ni-kàliŋkpilib nì Juuda yab bin kɔkɔ kíǹee nìn tùutī talaalub Juuda timmun nì Jeerusaleem daŋŋi pu. Ti-Dindaan dáá gbíntìi téetí an pu, waa súntì.

Ezéchiel 21:29

An puee man bi-Dindaan Unimbɔti bíi sòoǹ nì bi tin bí nee yii: <Ni pée téetí-mi ni-yìntitam nì ni-kpitii pu ní kaa gbèentí. Ni-tuuŋŋi kɔkɔ poonee, ni-kpitii pée nyáń ní ki pá mpaampiin pu. Too, ni nín kaa yàntī bí súntí ni-puee puee, ni làá kɔ́ unannanli ŋaan.

Osée 12:2

Eefiraayiim yab jīǹ kubuŋu ní kí díkí, ní ki jì ki bīī ŋwìiń nyalaŋki boon kaa gbèentí. Bi yāntì inyimɔn nì tipɔmbɔti gbóotì. Bi nì Asuur yab ŋá mpèé, ní ki tìì Eejipiti yab ŋkpam.

Osée 4:9

Tin dɔ̄ ki cí bisaraaŋaliibee di dɔ̄ ki cí samaa un kíǹee. M làá dáaĺ bi-tafal bi-bimbikpitim pu, ní kí pà-bi bi-tuŋkpitiŋ paati.

Osée 6:2

Nì iwiin ili boonee, u làá tīī-ti dimaŋfal, iwiin ita poonee, u làá yáatí-ti kí yóoń ní tí nīn bí dimaŋfalin u-nimbiin.

Osée 8:13

Bi ŋáań saraabi ki tìì-mi, kun puee tinan ní bi nyàab̀ kí ŋmɔ́. Ama man bi-Dindaan, maa làá fōō saraabi gbanti. Too m làá téetí bi-yìntitam pu, m làá dáaĺ bi-tafal bi-kpitii pu. Bi làá fàtīí gítí Eejipiti tiŋkin.

Osée 9:15

Ti-Dindaan gíti bí yii: «Bi-tuŋkpitiŋ kɔkɔ kíĺ Giilgaal ní. Niin ní m kíĺ ki kíǹ ki ná-bi. Ikpiti in ní bi ŋée puee, m làá jà-bi kí nyāntí m-diikun. Maa ti làá nīn néeń-bi. Bi-kpootiliibi kɔkɔ sá pɔɔgaatib ní.

Osée 9:9

Bi pée kɔ́ ikpiti poon poon ní kábu, a lì kii bi nín nìn ŋá pu Giibeeya tiŋkinee. Ama Unimbɔti kpá kí súntí bi-kpitii pu, asee u pée dáaĺ bi-tafal bi-kpitii gbanti pu.

Amos 8:7

Ti-Dindaan pūtì ní ki lī yii: «Kitiŋ kin pu Jaakɔb naantiibi gúntí bi-bee puee, m kpá kí súntí tin kɔkɔ bi ŋáańee pu.»

Jonas 1:2

«Yīkì kí cù Niiniifi kitiŋkpaaŋŋi poon kí bāakì kí tùkù kitiŋ gbanti nib yii bi-kpitii nyāŋkì, di sá yii m-nimbil ká ikpiti in bi bí ki ŋáańee.»

Nombres 32:23

Ama ni yaa kaa ŋá mimmee, ni ŋá ti-Dindaan ikpiti, ní ni-kpitii gbanti làá nīn pée dī-ni.

Luuki 12:2

Tin kɔkɔ bí dibalinee, bi làá bìitī ti-pu, ní tin kɔkɔ baa nyée, bi làá béé-tì.

1 Corinthiens 4:5

An puee ní taa sòoǹ ubɔ bɔti kí nīn cí ŋyunti ń bàń. Ní taa sòoǹ ubɔ bɔti kí nīn cí ŋyunti ŋun ti-Dindaan làá bàńee. U yaa láa bāańee, u làá yàntī ŋwalifi ń ŋmíntí tin bál̀ dibɔmbɔndinee kí nyāntí binib landɔkɔi mpaampiin pu. Niin ní báà ŋma dāa fòol̄ kupampakau kun u máaǹee Unimbɔti cee.

Deutéronome 32:29

Bi yaa bàà cáá dinyil fiii, bi bàà gbìl̀ taapu tiŋan, kí dàkafì kí béé tin dɔ̄ ki cí-bee.

Hébreux 4:13

Tiwannáaŋkaal tiba kaa bí Unimbɔti kaa wāĺ-tì. Tin kɔkɔ pée bí duulinyanee dɔ̄ mpaampiin pu ní úǹ cee. U-nimbiin ní ti làá dāá sòoǹ ti-nyɔkɔpu yai.