Osée 6:3 - UNIMBƆTI NYƆƆBUNDI GBƆŊKU

³ Tí béé yii ti-Dindaan di sá Unimbɔti. Tí nyàab̀ kí béé-u. U-dāantam sá mbaamɔn kii ku nín yaa mɔ́ ku wúntí puee ní. U làá dāan̄ ti-cee kii utaayee ní, kii utaajoolkaa nín nì ki sɔ̀ŋkī kitiŋ puee ní.»

Osée 6:3 Iomraidhean Croise

2 Samuel 23:4

bí kii ntaafaawìiń nín nyēē pu ki wāĺ bɔ́iii kutaa kun pu atagban kpée ní. Utaa yaa nìn̄ boonee, ŋu-tuntuŋku yàntī kumɔsɔŋu nyēē.»

Yoob 29:23

Binib nìn cīití-mi kii bi nín cīití utaa puee ní, a lì kii bi nín cīití umɔfiintaa puee.

Psaumes 19:4

An kaa sá isoon poon, kaa tí sá nì anyɔɔbun mun, ditafal mun kaa tí gbìl̀ bi-nyɔkɔ pu.

Psaumes 19:6

Ŋwìiń nyēē kii unimpucaan cal nín nyēeń u-diikun kutaafaau puee ní, a lì kii an nín mɔ̄ǹ un sáń kpaŋkpakantiku taatandee ú sāǹ puee.

Psaumes 63:8

Di sá yii sii di jòoń-mi, ní m gāā ilan nì dipɔɔpindi a-feeŋyi booŋŋu taapu.

Psaumes 65:9

A-maamaaci tuŋkpaaŋŋi ŋin a ŋée puee, duulinya nib kɔkɔ fāŋkì. A yàntī ŋwìiń nyalaŋki pú nì ŋwìiń jeetilaŋki pú timmu kūuntí nì dipɔɔpindi.

Psaumes 72:6

Ú kpákatiń kii utaa nín nì kusaaun puee, kii utaa nín nì tikpil ki sɔ̀ŋkī kitiŋ puee!

Proverbes 4:18

Nsan ŋun deedeedambi nóóyee sá kii ntaafaabɔmbɔm walifiŋuee ní, ŋu pée nyàatī ní ki pɔ́ɔkí ki cá áli kutaa ń dāá wúntí kɔkɔ.

Esaïe 2:3

Anibul tikpil làá dāá tàkan̄ nsan ki cá ki lì yii: «Dāam̄maan! Tí jɔ̄m̀maan ti-Dindaan jool pu, tí jɔ̄m̀maan Jaakɔb Nimbɔtiu diikun. U làá tin dàkà-ti tin ní u là tí ŋée, ní tí nóó u-sàmbiyaamu pu.» Tiŋman, Siiyɔn ní Mara làá nyānní, u-nyɔɔbundi làá nyānní Jeerusaleem ní.

Esaïe 32:15

Ŋwindalee, ŋfam làá dāá kpákatiń ti-pu. Niinee ní kuteeu làá dāá kpántí asubiŋmɔkaa kpaabu, ní asubiŋmɔkaa kpaabu ń dāá kpántí kubambaŋŋu.

Esaïe 44:3

Di sá yii m làá yàaǹ kitiŋ kin kūńee pu nnyim, kí yàntī ibun ń pùub̀ kitiŋkuliŋŋi pu. M làá dāá yàntī m-Fam ń kpákatiń a-biyaamu pu, ní kí bìin̄ a-naantiibi pu.

Esaïe 5:6

M làá yàntī bú kpántí kupɔɔu, maa ti làá ŋāŋkì fiinyi sufii gbanti ní kaa nín kɔ̄tì-i. Ikuŋkuŋfi nì abɔjanaakun di làá nyā i-ni, ní ḿ yàntī utaa ń taa ti nì i-pu.»

Esaïe 54:13

M làá dāá dàkà a-biyaamu kɔkɔ, ní bí dāá nīn bí ŋgbansɔŋfin.

Jérémie 24:7

M làá dāá tīī-bi dipɔbil din làá yàntī bí béé yii man di sá bi-Dindaanee. Bi làá nīn sá m-nibul, ní man ń nīn sá bi-Nimbɔtiu, di sá yii bi làá fàtīí gítiń m-cee nì bi-pɔbil kɔkɔ.

Ezéchiel 36:25

M làá kpáatí nnyim min bí circiree kí sìtī ni-pu, ní kí ŋá-ni circir. M làá fíntí-ni kí nyāntí ni-jɔkɔntuuŋŋi kɔkɔ poon nì ni-waatootii poon.

Osée 10:12

Bɔ̄l̀maan tin bí deedeeyee kí dāá cā tiniti. Ní bēel̀maan kusapɔŋu, di sá yii ŋyunti bāań ní nyàab̀ man ni-Dindaan kí nīn cí ŋyunti ŋun ní m làá dāan̄ kí dū tin bí deedeeyee kí yàaǹ ni-puee.

Osée 14:5

Ti-Dindaan bí yii: «M làá cáaǹ Isirayeel u nín kaa yúl̀ nì mi deedeeyee pu. M làá nīn néeń-u nì dipɔbil diba, di sá yii diŋuul din m gíí u-puee sɔ̄ŋkì.

Osée 14:6

M làá nīn bí kii dimalindee ní ki tīī Isirayeel. U làá púkuḿ kii nsupumpukumee ní kí báań inyaan kii Leebanɔn tiŋkin isufi in bi yíì Seediree.

Osée 2:20

Yaadalee, m-nibul puee, m làá dāá pòon̄ kí ŋá mpèé nì ipeel nì inoon nì tin fù ti-pooŋi puee. M làá dāá kúntí butɔbu nì kitàataajiki nì kujaau, kitiŋ nee poon. M làá dāá yàntī bin kóò kitiŋ nee puee ń gèeǹ nì ŋgbansɔŋfi.

Michée 4:2

Atimbun tikpil làá dāá tàkan̄ nsan ki cá ki lì yii: <Dāam̄maan tí jɔ̄m̀ ti-Dindaan jool pu, tí jɔ̄m̀maan Jaakɔb Nimbɔtiu Diikun! U làá dàkà-ti kun u là tí ŋée ní tí nóó u-sàmbiyaamu.> Tiŋman, Siiyɔn ní Mara làá nyānní, u-nyɔɔbundi làá nyānní Jeerusaleem ní.

Michée 5:2

Ti-Dindaan làá dū u-nibul kí fá ŋyunti ŋubɔ poon, kí nīn cí ŋyunti ŋun ní unimpu un làá màal̀-uee ń dāá màal̀-u. Ŋyunti gbantee, u-nabiyaamu mun làá dāá kíń kí nīn bí dimaŋfalinee làá dāá dāan̄ kí kūtì Isirayeel yab bin kíǹee pu.

Michée 5:7

Jaakɔb naantiibi bin làá dāá kíń kí nīn bí atimbunni, anibul kupaau kansikinee, bi làá dāá nīn bí kii gbikintee ní kupɔɔun peelii kansikin, kii digbikintipɔmbil din bí tipicaŋkpun kansikinee ní. U yaa pée jítì laakin kamaayee, u cútí ipeel ní ki tɔ̀ntī, ní ubɔ kaa ŋūǹ kí fīī-i.

Zacharie 10:1

Mèèmaan ti-Dindaan ú yàntī ukpaasiitaa ń nì. Ti-Dindaan di yàntī utaa nì ki yàntī utaa ŋmóò ki tátí nì kubuŋu. U làá yàntī utaaja ń nì, ní báà ŋma saaku ń sɔ̀ŋkì timool ń nyā.

Matthieu 13:11

Ní u kíí-bi yii: «Unimbɔti yāntì nimbi béè u-Beel bɔti tin bí dibalinee taapu. Ama an kaa yāntì bíǹ ń béé.

Luuki 1:78

Kun puee Unimbɔti nín cáá tiŋan u-poon mɔ̄ puee, u làá yàntī yilpu walifiŋu ń ŋmíntí ti-pu kii ŋwìiń nín nyēē puee.

Jean 17:3

Dimaŋfal gbanti di sá bí béé sii un baba sá Unimbɔtibaamɔnee, kí béé Yeesu Kriisitoo un a túnnée mun.

Jean 7:17

Un yaa là kí ŋá min Unimbɔti lèe, udaan làá béé m-dàkatam nee yaa nyēeń Unimbɔti ceeyaaa, an yaa tí sá man m-ba pɔŋŋu pu ní m sòoǹ.

Actes 17:11

Binib gbanti nìn cáá mbimbimɔntiim ki jítiǹ Teesalooniiki yab, kun puee bíǹ nìn fōō Unimbɔti bɔti mmɔntiimin. Bi nìn kpátí Unimbɔti gbɔŋku ŋwiin kamaa ki kpèé yii tin Pɔɔl sòoǹ nì bee yaa sá ibaamɔn.

Deutéronome 32:2

M-bɔti tin m dàkèe yàantí kii utaayee, ní m-nyɔɔbundi tòó kii dimalindee, kii utaaja nín nì ki sɔ̀ŋkī kumɔsɔŋu puee, kii putipuuki nín yàantí kumoou pu puee.

Hébreux 3:14

Ti nín kíĺ ki cáá dimákal din Kriisitoo puee, ti yaa gbíntì ki ŋúb́ míǹ ki tin kátì-kuee di dàkà yii ti sá Kriisitoo yab.

2 Pierre 1:19

An puee, ti baasii mɔ̄tìi fōō ki kíí Unimbɔti bɔnaatiliibi nín sòon̄ tiŋyee ní. Ní gíiǹ ni-landɔkɔi tibɔti gbanti pu, kun puee tì bí kii fitila nín yú dibɔmbɔndin ki wāĺ pu áli ŋwìiń ń dāá nyānní puee ní, ní Kriisitoo un sá kii utaafaaŋmalbijee ń dāá ŋmíntí ni-pɔbiliŋ.

Apocalypse 22:16

«Man Yeesu di túnní m-tuuŋŋu ŋú sòoǹ an bɔti m-nikitiŋ kansikin kí tùkù-ni. M sá Daafiidi naakookun ní, ki sá utaafaaŋmalbija un jìl̀ee.»