Osée 5:3 - UNIMBƆTI NYƆƆBUNDI GBƆŊKU

³ «Mamee, m nyí Eefiraayiim naakookun yab tiŋan, Isirayeel beel yab mun kaa lìkī m-nimbiin. Eefiraayiim yab kɔ́ alaakpaatuun poon, ní ki yāntì Isirayeel beel yab kɔkɔ kɔ́ tijɔkɔndin.»

Osée 5:3 Iomraidhean Croise

Esaïe 7:16

Kí wàatī kibiki gbanti ń béé kí gàntī tin kaa ŋān̄ee nì tin ŋān̄eeyee, bibɔtiibi bili bin a fàŋkí nee nib làá dāá yīkì kí fá bi-timmu.

Esaïe 7:17

Ama ti-Dindaan làá tɔ̄ sii nì a-nibul nì a-dicaŋkun yab pu nnaabu ŋun naa láá ká ki ká doooo ŋyunti ŋun ní Eefiraayiim beel cúu yākatì nì Juuda beelee. Asuur bɔtiu di làá dāá ŋá míǹ.»

Esaïe 7:5

An sá tiŋman yii Aram yab nì Eefiraayiim yab nì Reemaliyawuu jipɔɔn pūtì a-pu ki lī yii

Osée 1:2

Ti-Dindaan nín dī Ooseeya pu ki sòon̄ tibɔti tiŋyee sɔ̀. Ti-Dindaan nìn bí Ooseeya yii: «Cùú cáab́ kinimpulaakpaai ú màal̀-si kinimpulaakpaai biyaamu. Di sá yii kitiŋ nee nib cūtìi bíi jáaḿ awaa ki dū man bi-Dindaan ki fá kii kinimpulaakpaai nín féeń u-cal puee.»

Osée 12:1

Eefiraayiim yab dū inyimɔn ki māntìi tú-mi, ní Isirayeel beel yab dū diŋmatindi ki fìn̄-mi. Ama Juuda beel yab bíǹ dá láá gbíntìi còom̄ nì Unimbɔti, ní ki dáá gbíntìi yú nì circirdaan deedee.

Osée 13:1

Njaminee, Eefiraayiim yaa nìn sòoǹee, báà ŋma nìn fàŋkí ní. Isirayeel naakɔti kansikinee, úǹ di nìn līī. Ama u nóó diwaal Baal ki fōō dibɔkpil, ní ki kpíì an pu.

Osée 13:5

Mamee, kuteeun, ŋweel tiŋkin ní m béè-si.

Osée 5:11

«Bi sāaǹ Eefiraayiim yab, ibɔsoon nàn̄-bi, di sá yii bi sáń ki pá tin kaa bí tibanee boon.

Osée 5:13

Ŋyunti ŋun Eefiraayiim yab ká yii bi būǹ ní Juuda beel yab ká bi-bunsooŋyee, ní Eefiraayiim yab nín cá Asuur tiŋkin ní ki tú binib bí cùú ká ubɔtikpaan. Ama u mun kaa ŋūǹ kí cáaǹ-naaa, kaa tí cáá ni-bunsooŋyi nyɔkɔŋu.

Osée 5:9

Ŋwiin ŋun m làá dāá dáaĺ Eefiraayiim naakooku tafalee, kì làá dāá kpántí kuteeu ní. Tin m bíi sòoǹ Isirayeel naakɔti pu nee sá tibɔŋman ní.

Osée 6:10

M ká ntimbiil tuuŋŋi Isirayeel beel tiŋkin. Niin ní Eefiraayiim naakookun yab ŋáań alaakpaatuun ní ki yāntì Isirayeel yab kɔ́ tijɔkɔndin.

Osée 6:4

Ama ní ti-Dindaan kíí yii: «Ḿ ŋá-si mana ní, Eefiraayiim? A là ḿ ŋá-si mana ní, Juuda? Dineendi din ni cáá m-puee bí kii ditaafaapɔ̀ńdee ní, a lì kii ditaafaamalindee, an kaa pée súŋkí ní kí wāŋkì.

Osée 8:11

Eefiraayiim yab máń isaraafan tikpil kí nīn ŋáań ikpiti pɔ̄tam saraabi. - Ama isaraafan gbanti di yàntī bi mɔ̀tīi ŋáań ikpiti. -

Amos 3:2

«Kitiŋ pu dicaŋŋi kɔkɔ poonee, nimbi baba ní m lēē ki kpèé. An pu ní m làá dáaĺ ni-tafal ikpiti in kɔkɔ ni ŋáaǹee pu.»

Amos 5:12

M nyí ni-kpitii nín wīikí tikpil puee, nì ni-yìntitam nín gíti lákatì mara pu puee. Ni sá deedeedambi nannanliibi, ki fòol̄ tiwampɔkaal tin bi cáa ŋēeb̀ ni-nyɔmmuee. Ni pìintí nsan ibɔsoon laŋki bí taa sòoǹ biwɔfib bɔti.

Deutéronome 33:17

U sá unaja un sá dibiseemalee, ki cáá tinyool. U-yiŋyi bí kii upɔɔnaa yiŋyee, íǹ ní u làá nīn cáa gbáà atimbun nib kí cáá sāā kitiŋ kúntilaŋki. Míǹ ní Eefiraayiim naantiibi cutimaanyee bí, míǹ ní Manasee naantiibi kutukub kutukubee bí.»

Hébreux 4:13

Tiwannáaŋkaal tiba kaa bí Unimbɔti kaa wāĺ-tì. Tin kɔkɔ pée bí duulinyanee dɔ̄ mpaampiin pu ní úǹ cee. U-nimbiin ní ti làá dāá sòoǹ ti-nyɔkɔpu yai.

Apocalypse 3:15

di bí-u yii: M nyí atuun ŋin a túńee kɔkɔ. Aa sɔ̀m̀aaa, kaa tùm̀ mun. A yaa là kí nīn sɔ̀m̀aaa, á nīn sɔ̀m̀. A yaa là kí nīn tí tùm̀maaa, á nīn tùm̀.