Osée 5:1 - UNIMBƆTI NYƆƆBUNDI GBƆŊKU

¹ «Bisaraaŋaliibi, pīlifìmaan tin bí nee, Isirayeel beel yab kpootiliibi, ní pīlifìmaan. Ubɔti dicaŋkun yab, kpòom̄maan ni-tafal kí pīlifì. An bàà sá nimbi nín sòoǹ binib bɔti nì mbaamɔn. Ama ní ni kpántì kutaliŋŋu ki tīī m-nibul Miisipa tiŋkin, ní ki kpántì kulaaŋŋu kun bi píĺ Tabɔɔr jool puee.

Osée 5:1 Iomraidhean Croise

Jérémie 11:7

M nín nìn nyántì ni-naanjab Eejipiti tiŋkin ki dāa sāā díǹ nee, m nìn pée kpáafí-bi ní kaa gbèentí, kii m nín bíi kpáafí ni mun díǹ pu nee ní. M lì ki bùsī yii bí pīlifì m-nyɔkɔ.

Jérémie 13:18

Tùkù ubɔti nì u-na yii: «Kàl̄maan kitiŋ, di sá ni-beefuunyaaŋki nyáń ni-yil pu ki lítì kitiŋ.

Jérémie 46:18

«Ubɔti un bi yíì ti-Dindaan Mpɔŋkɔdaanee nín sòon̄ puee sèé: <M pūtì m-ba maŋfal yii unannanli làá dāan̄.> Kii Tabɔɔr nín sá dijool ní Kaarmeel jool bí tiŋku caŋinee, míǹ ní u làá dāan̄.

Osée 10:15

Kun ni ŋá Beeteelee nín cáań-ni kuŋyee dee, di sá yii ni-kpitii gíti jítì mara pu. Kutaa tin lì yii ku wúntée, an dóò Isirayeel bɔtiu pu dee.»

Osée 13:8

M làá kpìl̄-si kii digbiŋgbil din ní bi cúú di-biyaamuee. M làá yā kí cátí a-bindi. M làá cúú-si kí tɔ̀ntī kii ugbikintinaatee dibɔbil pu niin, ní ipeel ń cúú-si kí tɔ̀ntī tɔ̀ntī.

Osée 4:1

Isirayeel yab, pīlifìmaan ti-Dindaan bɔti, di sá yii ti-Dindaan bíi sòoǹ bin kóò kitiŋ nee puee bɔti. Kitiŋ nee puee, mbaamɔn gíti kpáaa, dineendi gíti kpáaa, bin nyí Unimbɔtee gíti kpá.

Osée 6:9

Kii digaŋgam dambi nín bāal̀ nsan caŋin ki cí binib kí kpɔ̀ puee, míǹ ní bisaraaŋaliibi kitil diba kù binib Siikeem saŋŋu pu. Ntimbiil tuuŋŋi ŋin bi tūǹee dee!

Osée 9:8

Man ubɔnaatil, man di sá un cí Eefiraayiimee, man nì m-Nimbɔtiu di bí. Ama binib pīil̀-mi titalindi laakin kamaa ní m yaa cée. Bi jáà nì mi áli m-Nimbɔtiu diikun.

Joël 1:2

Nimbi bikpilibee, ní pīlifìmaan! Ní ŋátímaan ni-tafaliŋ kí pīlifì, Juuda yab kɔkɔ! Tin bí nee juti jítì ni-yuntii nee poon ni káaa, àá tì jítì ni-naanjab yuntii ni gbìl̄ ní?

Amos 3:1

Isirayeel yab, nimbi bin di sá kudicaŋu kun ti-Dindaan nyántìń Eejipiti tiŋkinee, pīlifìmaan tin ti-Dindaan cáá kí sòoǹ ni-puee.

Amos 7:9

M làá kúntí ipaan in pu ní Isaaki naantiibi ŋáań saraabee, kí nàan̄ Isirayeel yab circir paaŋyi, ní kí já nì ubɔti Jeerooboowaam dicaŋkun yab.»

Michée 3:1

Ama man bí yii: «Pīlifìmaan, nimbi bin kpòotī Jaakɔb naantiibee, nimbi Isirayeel nibul bɔsoonliibi. Nimbi di kaa bàà máaǹ kí nīn nyí tin bí deedeeyeeee?

Michée 3:9

Pīlifìmaan tin bí nee, nimbi Jaakɔb naantiibi kpootiliibi, nimbi Isirayeel nibul bɔsoonliibi. Ni ná tin bí deedeeyee, kaa sòoǹ tibɔti ibaamɔn.

Michée 7:2

Bin yú nì Unimbɔti deedeeyee kúntì kitiŋ nee pu, báà ubulcinnil ubɔbɔ kaa ti bí. Báà unil kaa ti bí ki-ni ki yú deedee nì Unimbɔti. Bi-kɔkɔ pée dàkafī nnikpaakoon pu ní. Báà ŋma pīil̀ u-juti kutaliŋŋu.

Malachie 1:6

Man ni-Dindaan Mpɔŋkɔdaan nín sòon̄ nì bisaraaŋaliibi puee sèé: «Ujipɔnti tìì u-baa tinyool, ní utɔntɔnli tɔ́ u-kpiliu. M yaa sá ni-baa, ni tìì-mi tinyoolaaa? M yaa sá ni-kpiliu, ni tɔ́-maaa? Ni kpèé ki sìŋkīǹ m-yindi ní ki bàlifī-mi yii: <Mana ní ti kpèé ki sìŋkīǹ a-yindi?>

Malachie 2:1

Kɔŋkɔnnee nimbi bisaraaŋaliibi ní m kpáafí tibɔti nee:

Juges 4:12

Bi nìn cūtìi tùkū Siiseela yii Abinoowaam jipɔɔn Baraaki nín jɔ́ḿ Tabɔɔr jool pu.

Juges 4:6

U nìn tú bi yíiń Abinoowaam jipɔɔn Baraaki, Keedeesi tiŋki kin bí Neefitalii tinjandinee. U bāańee ní Deeboora bí-u yii: «Kpèè, ti-Dindaan Isirayeel Nimbɔtiu u-ba di tīī-si mara nee yii: <Yīkì kí cùú lēē bijanjaliibi kii binib kutukub saalaa Neefitalii nì Sabulɔn naakɔti poon ní cùú kpāfì Tabɔɔr jool pu.

1 Samuel 7:16

Dibindi kamaayee, u nìn cá Beeteel nì Giilgaal nì Miisipa ki sòoǹ Isirayeel yab bɔti ntimu gbantin.

1 Samuel 7:5

Míǹ boonee ní Samiyeel bí-bi yii: «Ní kpāfìmaan Isirayeel yab kɔkɔ Miisipa ḿ gbàam̀ ti-Dindaan ni-pu.»

1 Samuel 7:6

Ní bi dɔ́miń ki kpáfì Miisipa, ki lúń nnyim ki pɔ̀l̄ kitiŋ ti-Dindaan nimbiin. Bi nìn bóob́ kinyɔkɔ yaadal wiiŋŋu, ki bīitì bi-kpitii pu ki bí yii: «Ti yīntiǹ ti-Dindaan.» Miisipa niin ní Samiyeel kpántì Isirayeel yab kpootiliu.