Osée 4:9 - UNIMBƆTI NYƆƆBUNDI GBƆŊKU

⁹ Tin dɔ̄ ki cí bisaraaŋaliibee di dɔ̄ ki cí samaa un kíǹee. M làá dáaĺ bi-tafal bi-bimbikpitim pu, ní kí pà-bi bi-tuŋkpitiŋ paati.

Osée 4:9 Iomraidhean Croise

Proverbes 11:31

Deedeedaan fòol̄ u-paati kitiŋ pu doo ní, míǹ mbaantiim ní unikpiti nì ukpitiŋal mun fòol̄ bi-paati kitiŋ pu doo.

Proverbes 12:14

Unil nyɔɔbuŋŋi ŋūǹ kí yàntī ú ká tiwammɔntiil kii unil tundi nín yàntī ú fōō tipaal puee ní.

Proverbes 5:22

Ikpiti kɔ̄ntí ukpitiŋal sarka, u-kpitii sàtī-u kii kutaliŋŋuee ní.

Esaïe 24:2

Tin làá bàń usaraaŋalee di làá bàń unifantanti, ukpil nì u-tɔntɔnliu, unimpu nì u-yumbusapɔɔŋwu, uwandal nì unyampu, un pìntée nì un bi pìntée, un bi cáá dipɔndee nì u-pɔ̀nliu.

Esaïe 3:10

Lìmaan yii deedeedambi bí mmɔnneeee! Di sá yii bi làá dāá páatí tin ní bi ŋée pu.

Jérémie 5:31

Unimbɔti bɔnaatiliibi nàatī tinyimɔmbɔti, ní bisaraaŋaliibi kāntí ipaati, ní m-nibul ká yii míǹ ŋān̄! Mimmee tin bí nee kɔkɔ yaa láa kúntèe, ni làá dāá ŋá mana dee?»

Ezéchiel 44:10

«Ŋyunti ŋun Isirayeel gáatì ki cūtìi nóó awaayee, Leefii yab nìn fātì bi-boon ki tīī-mi ní ki dū-mi ki fá. An puee, m làá dáaĺ bi-tafal bi-kpitii pu.

Ezéchiel 44:12

Ŋyunti ŋun m-nibul nìn bí ki tòotī awaayee, bi nìn túń ditundi ki tīī-bi ní ki yāntì Isirayeel yab kɔ́ ikpitin. An puee man ni-Dindaan Unimbɔti nín sòon̄ puee sɔ̀. M làá jáǹ-bi ní bi-kpitii tafadaaldi ń gítí bi-pu.

Osée 1:4

Ní ti-Dindaan tùkū Ooseeya yii: «Pɔ̄ kibikee diyindi yii Jisirayeel, di sá yii an kaa ti làá yúntí, Jeewuu nín kūū binib bin Jisirayeel tantakalinee puee, m làá dáaĺ u-naantiibi tafal ní kí kúntí Isirayeel beel.

Osée 10:10

Ti-Dindaan lī yii: «M làá dáaĺ bi-tafal. Atimbun làá dāá kpāfì kí já nì bi kí dáaĺ bi-tafal ikpiti in bi ŋáań kaa gbèentée pu.

Osée 12:2

Eefiraayiim yab jīǹ kubuŋu ní kí díkí, ní ki jì ki bīī ŋwìiń nyalaŋki boon kaa gbèentí. Bi yāntì inyimɔn nì tipɔmbɔti gbóotì. Bi nì Asuur yab ŋá mpèé, ní ki tìì Eejipiti yab ŋkpam.

Osée 12:3

Ti-Dindaan nì Juuda yab cáá ibɔsoon. U làá dáaĺ Jaakɔb nibooliŋu tafal bi-bimbikpitim pu, ní kí pà-bi bi-tuuŋŋi paati.

Osée 7:2

Ama an kaa sòoǹ nì bi-pɔbiliŋin yii m téetí bi-kpitii in bi ŋáańee kɔkɔ pu. Kɔŋkɔnnee bi-kpitii gbanti di māntìi tú-bee. I dɔ̄ m-nimbiin ní baabadal.

Osée 8:13

Bi ŋáań saraabi ki tìì-mi, kun puee tinan ní bi nyàab̀ kí ŋmɔ́. Ama man bi-Dindaan, maa làá fōō saraabi gbanti. Too m làá téetí bi-yìntitam pu, m làá dáaĺ bi-tafal bi-kpitii pu. Bi làá fàtīí gítí Eejipiti tiŋkin.

Osée 9:15

Ti-Dindaan gíti bí yii: «Bi-tuŋkpitiŋ kɔkɔ kíĺ Giilgaal ní. Niin ní m kíĺ ki kíǹ ki ná-bi. Ikpiti in ní bi ŋée puee, m làá jà-bi kí nyāntí m-diikun. Maa ti làá nīn néeń-bi. Bi-kpootiliibi kɔkɔ sá pɔɔgaatib ní.

Osée 9:9

Bi pée kɔ́ ikpiti poon poon ní kábu, a lì kii bi nín nìn ŋá pu Giibeeya tiŋkinee. Ama Unimbɔti kpá kí súntí bi-kpitii pu, asee u pée dáaĺ bi-tafal bi-kpitii gbanti pu.

Zacharie 1:6

Nì míǹ kɔkɔee, m-nyɔɔbuŋŋi nì m-bɔkpaaŋi ŋin m nìn dūu tùkū m-tɔntɔnliibi bibɔnaatiliibee nìn gbēē ni-baabi pɔbiliŋ. An di nìn yāntì bi kpántì bi-bimbim ki lī yii: <Ti-Dindaan Mpɔŋkɔdaan nín nìn lī yii ti-saŋkpitii nì ti-tuŋkpitiŋ pu u làá ŋá-ti miŋyee, míǹ ní u ŋá nee.>»

Matthieu 15:14

Yàntīmaan-bi. Bi sá bijɔfub ní ki dàtī bijɔfub: ujɔfu yaa dàtī ujɔfuee, see bi-liitil ń lítí mboon.»