Osée 4:6 - UNIMBƆTI NYƆƆBUNDI GBƆŊKU

⁶ M-nibul kúù kun puee di lóò dinyil. Kii ni nín fātì ni-boon ki tīī dinyilee puee, ma mun làá fàtī m-boon kí tīī-ni ní naa ti làá nīn sá m-saraaŋaliibi. Ni súntì mama, ni-Nimbɔtiu marau puɔɔ! Ma mun làá súntí ni-jipɔmbi pu.

Osée 4:6 Iomraidhean Croise

2 Chroniques 15:3

Isirayeel yab nìn dū iyunti tikpil ki kāl̀ ibaamɔn Nimbɔtiu kpá bi-ceeyaaa, usaraaŋal ubɔ kpá kí dàkà-baaa, ní mara ubɔ mun nìn kpá.

Yoob 36:12

Ama bi yaa kaa pílifèe, bi làá tàkan̄ nsan ŋun cáǹ unil ditaŋkpiilinee, ní kí kpú, di sá yii baa béè.

Psaumes 119:139

M-bum fòol̄ m-ni lìblib kii ŋŋmee, kun puee m-nannanliibi súntí a-nyɔɔbundi pu.

Psaumes 119:153

Kpèè m-falaau kí fīī-mi, di sá yii maa súntì a-marab pu.

Psaumes 119:61

Binikpitib ŋmiii māntìi tú-mi, ama maa súntí a-marab pu.

Psaumes 18:27

A ŋáań bin pɔbiliŋ pīiǹee tiŋan, ama ní ki dàkà bikpitiŋaliibi yii a nyíǹ-bi.

Proverbes 10:21

Deedeedaan nyɔɔbuŋŋi kèetī kunipaau ní, ama bigbaambi bíǹ kúù, kun puee baa nyí tiba.

Proverbes 19:2

An kaa ŋān̄ unil ń nīn bí kaa cáá nlandɔkɔ. Unil un di jìkì tikpilee làá lítí ikpitin.

Esaïe 1:3

Unaa nyí u-dindaan, ní kimaŋ nyí laakin ki-dindaan ŋáań-kì tijin kì jīǹee. Ama Isirayeel yab kaa nyí báà tiba, m-nibul kaa gbìl̀ tibɔti taapu.»

Esaïe 17:10

Isirayeel, a súntì Unimbɔti un fīī-see pu. Aa ti téetí ditaŋkpal din a sáǹ ki kɔ́ee pu. An pu ní a cóoǹ isufi in cáá kunyaaŋŋuee, ní ki búĺ asubil ŋin di nyánní ntincamunee.

Esaïe 27:11

Tikpaŋkpaal yaa kūń ki kɔ́fì kɔ́fèe, ní binimpoobi ń dāan̄ kí dū ŋŋmi kí sēē. Tiŋman ní, dinibul nee kaa gbìl̀ tibɔti taapu. An pu ní Unimbɔti un náań-bee kaa làá sɔ̄ bi-pu, un di máń-bee kaa làá sɔ̄ bi-saai.

Esaïe 28:7

Ki kpáaǹ gba ndaam yāntì bisaraaŋaliibi nì Unimbɔti bɔnaatiliibi gáatì. Ndaam min pɔ̄ɔ̄yee yāntì bi còom̄ ki kpìntī. Ndaam yāntì bi gáatì kaa ti nyí tin poon bi bée. Ndaam min pɔ̄ɔ̄yee yāntì bi còom̄ ki kpìntī, kaa ŋūǹ kí nàatī tin bi wál̀ee. Baa ti wāĺ kí sòoǹ ibɔsoon tiŋan.

Esaïe 29:12

Bi tí dū-ku ki tīī unil un kaa ŋūǹ kí kàaǹee ki bí-u yii: «Fōō kí kàaǹ», ama ní udaan kíí yii: «Maa nyí bi nín kàaǹ puee».

Esaïe 3:12

Ti-Dindaan bí yii: «M-nibul, mbiyaamu di wɔ́b́-si, binimpoobi di ŋúb́ a-tiŋki ki kpòotī. M-nibul, a-tindaŋkpilib kíiĺ-si ní, bi kpòotī-si ki cáǹ nsaŋkpiti pu ní.»

Esaïe 45:20

Ní kpāfìmaan kí dāan̄, nimbi bin ŋmátì ki nyáń atimbunee. Ní sútí kí pìl̄maan dicilpu. Binib bin tú bi-waakpitikaaŋi, ki mèé unimbɔti un kaa ŋūǹ kí fīī-bee, bidambi kaa nyí tiba.

Esaïe 5:13

Míǹ pu ní bi làá cúú m-nibul kí cùnnì kuyuŋu bi nín kaa là kí nīn nyí tibee pu. Bi-kpilib làá kpú ŋkùm, ní samaa ń kpú nnyinnyoo.

Jérémie 2:8

Bisaraaŋaliibi kaa bālifì yii: <Ti-Dindaan bí la?> Bimaradakaliibi kaa nyí-mi, ní bikpootiliibi jáà nì mi. M-bɔnaatiliibi bí ki nàatī diwaal Baal bɔti, bi jòó ki pá tin kaa bí tibanee boon.

Jérémie 4:22

Ti-Dindaan bí yii: «M-nibul yab sá bigbaambi ní, baa nyí-mi. Bi sá mbiyaamu mun kaa cáá nlandɔkɔee ní, baa nyí tiba. Bi yáb̀ ikpiti pu, ama kaa yáb̀ tiŋan pu.»

Jérémie 5:21

Ní pīlifìmaan tibɔti nee, nimbi dinibul din kaa nyí tiba, kaa cáá nlandɔkɔee. Ni cáá animbil, ama ní kaa wāĺ, ki cáá atafal, ama ní kaa gbìl̀.»

Ezéchiel 44:23

«Bisaraaŋaliibi máaǹ kí dàkà m-nibul bí béé kí gàntī tin bí circiree nì tin kaa bí circiree, tin sá tijɔkɔndee nì tin kaa sá tijɔkɔndee.

Osée 13:6

A pée bàn̄ kunaakpaapɔɔunee ní a jíń ki díkí. Ama ŋyunti ŋun a jíń ki díkée ní a kɔ́ dilambilin. An pu ní a súntì man pu.

Osée 2:13

M làá dāá kúntí u-faalii, nì u-jiŋaalib nì u-jiŋaalib bin u jīǹ uŋmapɔɔn yaa páaǹee, nì u-wiŋŋuŋfikaai nì u-jiŋaalib bin kɔkɔ pée kíǹ u jīǹee.

Osée 4:1

Isirayeel yab, pīlifìmaan ti-Dindaan bɔti, di sá yii ti-Dindaan bíi sòoǹ bin kóò kitiŋ nee puee bɔti. Kitiŋ nee puee, mbaamɔn gíti kpáaa, dineendi gíti kpáaa, bin nyí Unimbɔtee gíti kpá.

Osée 4:12

M-nibul bàlifī awaa ŋin sá idɔee ní bi-yil pu bɔti, ní mbɔɔkpandɔ tùkù-bi tin bi là kí bééyee. Di sá yii alaakpaatuun fam gáatì-bi. Bi dū bi-ba ki líì nì awaa, ki dū man bi-Nimbɔtiu ki fá.

Osée 4:14

Ama maa làá dáaĺ ni-bisalib tafal bi-laakpaatuuŋŋi pu, kaa làá dáaĺ ni-coopoobi tafal bi nín nyáń bi-calib boonee pu. Nimbi bisaraaŋaliibi tafal ní m làá dáaĺ, kun puee nimbi di nyāntí nnimpulaakpaamu ŋkpaanceeti ki dɔ̀ nì mu, ní ni nì nlaakpaamu mun bí awaadiinnee kpáfí ki jīǹ saraabi jinti. Kii dilaŋkpandi diba nín lī puee yii: <Dinibul din kaa cáá iciinee sá dinibul din wáŋkèe ní.>

Osée 5:4

Isirayeel beel yab tuŋkpitiŋ kaa pūǹ-bi nsan bí ŋmā kí fàtīí gítí bi-Nimbɔtiu cee. Di sá yii alaakpaatuun fam miba bí bi-ni, ní baa nyí ti-Dindaan.

Osée 6:6

Kun fáatiǹ-mee di sá dineendi, kaa sá saraabi. Kí nīn nyí man Unimbɔtee jítiǹ bisaraawɔkaabi.»

Osée 7:11

Eefiraayiim sá kii dibeenanjil din kaa nyí tiba kaa dàkafēe ní. U yíì Eejipiti tiŋki ń dāá jòoń-u, ní ki sáń ki cá Asuur tiŋkin.

Osée 7:9

Binicambi fóofì u-pɔŋŋu, ní waa kpáàa nyí gba. Tiyikpipin nyáń u-yil pu ní waa kpáàa béè.

Osée 8:1

Búḿmaan ŋyin kí kpāafì binib! Kii ukaabu nín tòó puee, míǹ ní mbusu làá jēetí ti-Dindaan tiŋki pu. Di sá yii Isirayeel beel yab kaa tɔ́ m-poondi ní kaa yúl̀ deedee m-marab poon.

Osée 8:12

Báà m yaa ŋmàn̄ m-marab nee bɔkpaaŋi ŋfunyɔm kutuku pu, án làá nīn bí-bi kii tibɔcan tibee ní.

Osée 8:14

«Isirayeel beel yab máń adinyaan ní ki súntì bi-náanliu pu. Juuda beel yabee, bíǹ máń agun ní ki tú bi-timmu. Ama m làá yàntī ŋŋmi ń wà bi-timmu gbanti, ní kí wà bi-dinyaaŋŋi mun.»

Osée 9:17

M-Nimbɔtiu làá dū-bi kí fá di sá yii baa pílifiǹ-u. Bi làá nīn kíǹ ki tú ki yìiǹ atimbun ŋin kíǹee kansikin ní.

Matthieu 1:6

ní Jeesee màl̄ ubɔti Daafiidi. Daafiidi màl̄ Saloomɔn. Saloomɔn na di nìn sá Uurii nimpuu.

Matthieu 15:14

Yàntīmaan-bi. Bi sá bijɔfub ní ki dàtī bijɔfub: ujɔfu yaa dàtī ujɔfuee, see bi-liitil ń lítí mboon.»

Matthieu 15:8

<Unimbɔti bí yii: Binib nee nyɔ́ŋkí-mi nì bi-nyɔmmu fám ní, bi-pɔbiliŋ dátiǹ-mi.

1 Samuel 2:12

Eelii jipɔmbi kaa nìn bí tiban, ní kaa nìn nyí ti-Dindaan.