Osée 4:4 - UNIMBƆTI NYƆƆBUNDI GBƆŊKU

⁴ Ama ubɔ ń taa kɔ̄kɔl̀ ubɔ, ubɔ ń taa wòoǹ u-juti. An sá man nì nimbi bisaraaŋaliibi di cáá tɔb tibɔti.

Osée 4:4 Iomraidhean Croise

Jérémie 18:18

Binib biba bí yii: «Tí cùmaan kí bɔ́ntí kí jáǹ Yeereemii! An kaa sá ti lóò bisaraaŋaliibi bin làá dàkà-ti marabee àá biciŋfitiibi bin làá tīī-ti isaŋkee. Taa tí lóò bibɔnaatiliibi bin làá nàatī-ti Unimbɔti bɔtee. Tí cùmaan kí jáǹ-u kí sòoǹ kí bīil̀-u. Ti taa pīlifì tin u sòoǹee.»

Ezéchiel 3:26

M làá yàntī a-nyɔkɔ ń kpú ní á kpántí umuun, án nín làá ŋá pu á taa ti ŋmā kí wòoǹ-bee, di sá yii pɔɔgaatib ní bi sá.

Osée 4:17

Eefiraayiim yab nì awaa ŋá mpèé. Yàntī-bi.

Amos 5:10

Bi ná un sòoǹ tibɔti ti-puee, kaa là bi-nimbil ń wāl̀ bin sòoǹ ibaamɔnee.

Amos 5:13

Ŋyunti gbanti sá mbusu yuntiŋu ní, an pu ní un sá uciŋfitee kíǹ ki ŋmí.

Amos 6:10

Bi-nabiki làá nyāntí bi-wuntee kí wà ŋŋmi. Ubɔ yaa kíǹ ki bí poon diikunee, kinabikee làá dāá bàlifì udaan yii: «Ubɔ gíti bí ki kútì a-pu niinaaa?» Ní úǹ ń dāá kíí yii: «Aayee, ubɔ gíti kpá.» Ní kinabikee ń dāá lì yii: «Ŋmīĺ fɔ́ŋfɔŋ! Ubɔ ń taa ti pútí ti-Dindaan yindi!»

Deutéronome 17:12

Ama ubɔ yaa ŋá dilambil ki kpákáǹ usaraaŋakpil un yú ki bíi tūǹ ti-Dindaan Unimbɔti tundee àá ubɔsoonli nín lī puee, ní kpɔ̀ udaan. Ní ŋá míǹ kí nyāntí ikpiti gbanti Isirayeel yab kansikin.