Osée 4:12 - UNIMBƆTI NYƆƆBUNDI GBƆŊKU

¹² M-nibul bàlifī awaa ŋin sá idɔee ní bi-yil pu bɔti, ní mbɔɔkpandɔ tùkù-bi tin bi là kí bééyee. Di sá yii alaakpaatuun fam gáatì-bi. Bi dū bi-ba ki líì nì awaa, ki dū man bi-Nimbɔtiu ki fá.

Osée 4:12 Iomraidhean Croise

2 Rois 17:7

Kun pu ní agìń nee nìn bāań Isirayeel yabee di sá yii bi nìn yīntiǹ ti-Dindaan bi-Nimbɔtiu un nìn fīī-bi ki nyántì Eejipiti bɔtiu Faaroo ŋaan ki nyántìń-bi Eejipiti tiŋkinee. Di sá yii bi nìn kíǹ ki tòotī awaa,

2 Chroniques 21:13

Ama a dī Isirayeel yab bɔtiibi saŋŋu ki yāntì Jeerusaleem yab nì Juuda yab bíi tòotī awaa kii Akaab dicaŋkun yab nín ŋáań puee. Áli gba a kūū a-naalib bin nìn sɔ́ǹ-see.

Psaumes 106:39

Bi-tuuŋŋi gbanti kɔ́ǹ-bi tijɔkɔndin, bi-bimbim yāntì bi kpántì kii kinimpulaakpaayee.

Psaumes 73:27

Di sá yii bin kɔkɔ fātì bi-boon ki tīī-see làá kpú kí céetí, a làá nàan̄ bin kaa yú nì si deedeeyee.

Jérémie 10:8

Bi-kɔkɔ nín bí pu nee, ugàntil kpá, bi sá bigbaambi kaa nyí tiba. Bi-waaŋi kaa ŋūǹ kí dàkà-bi tiba, di sá yii ŋì sá idɔ ní.

Jérémie 2:27

Ni tùkù ndɔ ŋun ni dūu kpítì diwaalee yii: <Sii di sá man baa.> Ní kí bí ditaŋkpal yii: <Sii di màl̄-mi!> An nín bàà sá ní fàtī ni-nimbiin kí túĺ-mee, ní ni fātì ni-boon ki tīī-mi. Ama ni yaa kɔ́ dinimbinaamandi poonee ní ní bí-mi yii: <Yīkì malaa kí dāá fīī-ti.>

Jérémie 23:13

Samaarii bɔnaatiliibi ceeyee, m ká tiwan tin cáá titantanee. Diwaal Baal bɔti ní bi nìn nàatī, ní ki gáatí m-nibul Isirayeel yab.

Ezéchiel 20:32

Ni lì yii: <Ti là kí nīn bí kii atimbun ŋin kíǹee nín bí puee, a lì kii ntimu mun kíǹee nib nín bí puee. Ti là kí nīn tòotī isufi nì ataŋkpee. Ama an kaa làá ŋá kii ni nín dàkafī puee.

Ezéchiel 21:21

Kitàataajiki kin jītí pámpamee, pɔ̀fì binib ŋgan pú nì ŋgiil pú. Fàtī a-nyɔkɔ kin cɔ́m̀ee an kɔkɔ pú.

Osée 14:3

Gítiḿmaan ti-Dindaan cee kí kpáaǹ anyɔɔbun nee kí tin tùkù-u yii: «Dū ti-kpitii kí pɔ̄-ti, ní kí fōō tin ŋān̄ ti cáa ŋáań-si saraayee. An nín bàà sá tí dū anabil kí ŋá-si saraayee, ti làá dū ti-nyɔmmu poon nyɔɔbuŋŋi ní kí ŋá-si saraa.

Osée 5:4

Isirayeel beel yab tuŋkpitiŋ kaa pūǹ-bi nsan bí ŋmā kí fàtīí gítí bi-Nimbɔtiu cee. Di sá yii alaakpaatuun fam miba bí bi-ni, ní baa nyí ti-Dindaan.

Osée 6:10

M ká ntimbiil tuuŋŋi Isirayeel beel tiŋkin. Niin ní Eefiraayiim naakookun yab ŋáań alaakpaatuun ní ki yāntì Isirayeel yab kɔ́ tijɔkɔndin.

Osée 9:1

Isirayeel, taa nín̄ fàal̀ kí lákatí mara pu kii atimbun ŋin kíǹee nín ŋáań puee. Di sá yii alaakpaatuun puee, a dū a-Nimbɔtiu ki fá, ki ŋá alaakpaatuun. A néeń kí fōō a-laakpaatuuŋŋi paati laakin kamaa ní bilee naapaaŋi bée.

Lévitique 17:7

Mimmee Isirayeel yab kaa ti làá ŋá saraabi kí tīī awaa ŋin bi máń ki nántiǹ iŋɔjaayee. Bí taa nyā ti-Dindaan boon kí kɔ́ǹ bi-ba tijɔkɔndi. An sá dibɔkpaal din kaa kpántée ní ki tīī bi nì bi-biyaamu kí nīn pée cá jaanjaan.

Lévitique 20:5

man m-ba di làá fàtī m-boon kí tīī udaan nì u-dicaŋku. M làá nyāntí-bi Isirayeel nibul kansikin, kí kpáaǹ bin kɔkɔ pée kútì u-pu ki ŋá saraa ki tīī diwaal Mooleekee.

Michée 2:11

Binib yaa bí ki cáá kubɔcaau, ki nāantí tinyimɔmbɔti ki lì yii: «Ni làá ká ndamam nì ndaam min pɔ̄ɔ̄yee kí nyɔ̀.» Kubɔcaau gbanti dambi gíti lì yii:

Habaquq 2:19

«Mbusu dɔ̄ ki cí-ni! Ni tùkù didɔgindi yii: <Yīkì!> ki tùkù ditaŋkpal din kaa ŋūǹ kí sòoǹee yii: <Fìntī.> Ditaŋkpal kaa ŋūǹ kí dàkà-si tiba. Báà bi yaa dūntì sindaariya nì animbil ki nákaǹ-dàaa, dàa cáá kufoou!

Nombres 15:39

Ni yaa pēē dibɔkutil ní ki wāĺ igbeeŋgbeenee, ni làá nīn téetí ni-Dindaan marab kɔkɔ pu, kí nīn ŋáań marabee nín bí ní ŋá puee. Mimmee naa làá yàntī ni-landɔkɔi nì ni-nimbikpeeŋu ń téé-ni kí kɔ́ǹ iwaatootin.

Deutéronome 31:16

Ní ti-Dindaan bí Mooyiisi yii: «Kpèè, a làá cùú dòon̄ kí ŋàl̄ a-naanjab dee. A-kúm boonee dinibul nee làá cù kí nīn tòotī awaa ŋin bin bí kitiŋ kin bi làá kɔ́ kí fōō kí nīn kíǹ ki yì nee tòotēe. Bi làá dāá dū-mi kí fá ní kí kpìtī dipoondi din m pōoǹ-bee.

Juges 18:5

Ní bi fātìi bí-u yii: «Bàlifì Unimbɔti kí kpèè yii nsan ŋun ti bíi còom̄ nee làá nīn sá nsammɔntaaa, ŋuaa làá nīn sá.»