Osée 4:10 - UNIMBƆTI NYƆƆBUNDI GBƆŊKU

¹⁰ Bi làá jī kí gíti jī, ama ŋkùm làá nīn pée gbíntìi cáá-bi ní. Bi làá ŋá alaakpaatuun kí gíti ŋá, ama bi kpá kí ká mbiyaamu. Di sá yii bi dū man bi-Dindaan ki fá ki dū bi-ba ki líì nì alaakpaatuun.

Osée 4:10 Iomraidhean Croise

Michée 6:14

Ni làá jī ama kaa làá díkì, ŋkùm làá nīn pée bí ni-dicaŋŋin ní. Ni làá dāá kpāafì ni-kpaajinti, ama tì làá bùkū. Báà ni yaa láa kpáafì ni-wanti tibaaa, m làá dāá bīil̀-tì kujaaun.

Lévitique 26:26

M làá dāá yàntī tijin ń lóó-ni. Binimpoobi saalaa dāa ŋūǹ kí púĺ ni-kpɔnɔb dibububaantiil poon ní bí dāá cáań-ni kpɔnɔb fiiiyee ní ŋmɔ́ kaa làá díkí.

Aggée 1:6

Ni búĺ tikpil ama ní ki cáń fiii, ni jīǹ ama ní kaa díkì, ni nyù ndaam ama ní an kaa nyàatī-ni, ni pèentí abɔkuti ama ní tiwool gbíntìi cáá-ni, ní utɔntɔnli ń fōō tipaal ní án kɔ́ kuloou kun cíl̀ee poon.

Sophonie 1:6

Man ni-Dindaan, m làá kúntí bin fàtī bi-boon ki tìì-mi kaa nyàab̀-mi ní kaa bàlifī-mi isaŋkee.»

Osée 4:14

Ama maa làá dáaĺ ni-bisalib tafal bi-laakpaatuuŋŋi pu, kaa làá dáaĺ ni-coopoobi tafal bi nín nyáń bi-calib boonee pu. Nimbi bisaraaŋaliibi tafal ní m làá dáaĺ, kun puee nimbi di nyāntí nnimpulaakpaamu ŋkpaanceeti ki dɔ̀ nì mu, ní ni nì nlaakpaamu mun bí awaadiinnee kpáfí ki jīǹ saraabi jinti. Kii dilaŋkpandi diba nín lī puee yii: <Dinibul din kaa cáá iciinee sá dinibul din wáŋkèe ní.>

Ezéchiel 18:24

Ama deedeedaan yaa gbēeǹ kaa tí bíi ŋáań deedee tuuŋŋi, ní ki kíĺ ki kíǹ ki bíi ŋáań ntimbiil tuuŋŋi ŋin binikpitib ŋáańee, ni dàkafī yii an niliuee làá nīn bí dimaŋfalinaaa? Aayee, kpataaa! Bi làá súntí u-deedee tuuŋŋee kɔkɔ pu. U làá kpú, di sá yii waa yúl̀ deedee ní ki bíi ŋáań ikpiti.

Proverbes 13:25

Deedeedaan cáá kí jī kí díkí, ama ní binikpitib pooŋi náká.

Psaumes 125:5

Ama bin dī isaŋkpitee, ti-Dindaan, ŋàtī-bi kí fá, kí kpáaǹ bikpitiŋaliibi! M mèé yii ŋgbansɔŋfi ń nīn bí Isirayeel pu!

Psaumes 36:3

Di sá yii u cáǹ u-ba ŋkpaamin, an puee waa ŋūǹ kí ká ikpiti iba u-ni kí nīn ná-i.

2 Chroniques 24:17

Yooyadaa kúm boonee ní Juuda bɔtibiliŋ dɔ́miń ki tātìi gbāaǹ ubɔti Joowaasi nimbiin ki tīī-u tinyool. Ubɔti nìn pílifiǹ-bi.

Jérémie 34:15

Ama nimbee, ni bàà kpántì mbimbim ki ŋá tin kítì m-ceeyee. Di sá yii báà ŋma bàà lī u-juti cee yii u tɔ́ u-ba. Áli gba ni ŋá mpèé nì man kudii kun bi dūu sú-mee poon.

Ezéchiel 22:9

Sii cee ní binib tūntí bi-jutiibi abɔgabil kí ŋmā kí kpɔ̀-bi. A-nib jīǹ tiwaajin ajoon pu ní ki ŋáań ajɔkɔntuun.

Osée 7:4

Bi-kɔkɔ sá bilaakpaadambi ní. Bi náań nì dikpɔnɔbubul din píĺ kpaŋkpam ní ukpɔnɔŋal kaa ti bíi pàá án nyàtī kí cáá sāā ŋyunti ŋun ní bukpɔnɔsaa làá jɔ̄m̀ee ní.

Jérémie 9:12

Ti-Dindaan bí yii: «Kun pu tin bí nee bāań-bee di sá yii bi dū marab bin m tīī-bee ki fá. Baa pílifiǹ-mi kaa nóó-mi.»