Osée 4:1 - UNIMBƆTI NYƆƆBUNDI GBƆŊKU

¹ Isirayeel yab, pīlifìmaan ti-Dindaan bɔti, di sá yii ti-Dindaan bíi sòoǹ bin kóò kitiŋ nee puee bɔti. Kitiŋ nee puee, mbaamɔn gíti kpáaa, dineendi gíti kpáaa, bin nyí Unimbɔtee gíti kpá.

Osée 4:1 Iomraidhean Croise

1 Rois 22:19

Ama ní Miika gíti bí-u yii: «Too! Pīlifì tin ti-Dindaan sòon̄ee. M ká ti-Dindaan kā u-beejal pu ní yilpu janjaliibi yú ki kɔ́ĺ-u, biba yú u-ŋaŋgiil pú ní bin kíǹee yú u-ŋaŋgan pú.

Psaumes 81:9

M-nibul, pīlifiǹ-mi, m làá kpāafì-si. Isirayeel, a yaa bàà làá pīlifiǹ-mi!

Esaïe 1:10

Pīlifìmaan ti-Dindaan nyɔɔbundi, Soodoom kpilib. Ní ŋátí ni-tafal kí pīlifì ti-Nimbɔtiu dàkatam, Goomoora nibul.

Esaïe 1:18

Ti-Dindaan bí yii: «Ní dāam̄maan tí sòoǹ kí gbìlīǹ tɔb. Báà ni-kpitii yaa yāntìi máǹ cíncinciŋ kii fatikuee, i làá pīil̀ káŋkaŋkaŋ kii ntaayimee. Báà i yaa máǹ kii ŋwɔmee, i làá pīil̀ kii upipiin kutee ní.

Esaïe 28:14

Nimbi bibeeliliibi bin kpòotī dinibul nee Jeerusaleem tiŋkinee, pīlifìmaan ti-Dindaan nín lī puee.

Esaïe 34:1

Atimbun, sútiḿmaan doo kí dāá pīlifì, anibul, ní kpòom̄maan ni-tafal kí pīlifì. Kitiŋ nì tin kɔkɔ bí ki-poonee ń pīlifì, duulinya nì tin kɔkɔ nyáń u-nee ń pīlifì.

Esaïe 34:8

Án sá ŋwiin ŋun ti-Dindaan làá tɔ̀ Eedoom yab ipɔntoonee ní, dibindi din ní u làá mɔ̄tì Siiyɔn pu kí pà Eedoom yab bi-tuuŋŋi paatee ní.

Esaïe 5:3

Niinee ní m-bɔɔ bí yii: «Kɔŋkɔnnee, nimbi bin kóò Jeerusaleem tiŋkinee nì nimbi bin sá Juuda tiŋkin yabee, ní sòom̀maan man nì m-fiinyi kpaabu bɔti kí tīī-mi!

Esaïe 59:4

Ubɔ kaa yíì u-juti tibuul ki nóó deedee saŋŋu. Naa dì ibaamɔn kí mɔ̄tì ni-jutiibi pu. Ni máká tin kaa bée pu, ki sòoǹ tinyimɔmbɔti. Ni cáá ikpiti pool ní ki màl̄ nnaabu.

Esaïe 59:8

Naa nyí ŋgbansɔŋfi saŋŋu, baa kāntí deedee laakin ní ni còom̄ee. Ni-saŋyi kɔkɔ sá in gɔ́ĺ gɔ́ĺee ní, un kamaa di yaa dī-iee kpá kí ká ŋgbansɔŋfi.

Esaïe 66:5

Pīlifìmaan ti-Dindaan nyɔɔbundi, nimbi bin fòol̄ u-nyɔɔbundi nì kufaaŋŋuee: Ni-nabiyaamu biba ná-ni, ní ki jìn̄-ni man pu. Bi sòoǹ ki bèel̄-ni yii: «Ti-Dindaan ń dàkà u-nyooti ní tí ká ni nín làá nīn fàal̄ puee!» Ama bíǹ ní icoo làá cúú gbòooo.

Jérémie 11:7

M nín nìn nyántì ni-naanjab Eejipiti tiŋkin ki dāa sāā díǹ nee, m nìn pée kpáafí-bi ní kaa gbèentí, kii m nín bíi kpáafí ni mun díǹ pu nee ní. M lì ki bùsī yii bí pīlifì m-nyɔkɔ.

Jérémie 19:3

Á dāá lì yii: <Juuda yab bɔtiibi nì Jeerusaleem yab, pīlifìmaan ti-Dindaan nín sòon̄ puee. Ti-Dindaan Mpɔŋkɔdaan, Isirayeel yab Nimbɔtiu nín sòon̄ puee sɔ̀. M làá cáań nnaabukpaan ŋubɔ kí tɔ̄ mpaan nee pu. Bin yaa láa gbìl̄-tèe làá fàŋkì.

Jérémie 2:4

«Nimbi Jaakɔb naantiibi, nimbi Isirayeel maaliŋun yab kɔkɔ, pīlifìmaan ti-Dindaan bɔti nee.

Jérémie 2:9

An pu ní m làá cùnnì-ni ibɔsoon, ní kí cùnnì ni-naantiibi mun ibɔsoon.» Man ni-Dindaan di lī míǹ.

Jérémie 25:31

Kuwoou kun u ŋáańee bàn̄ kitiŋgbeennyɔkɔ. Ti-Dindaan di bíi sòoǹ anibul bɔti, u yíiń inifunaan kɔkɔ u-bɔsoondiikun. U làá yàntī bí pɔ̀fì bikpitiŋaliibi.» Ti-Dindaan di lī míǹ.

Jérémie 34:4

«Ama sii Juuda bɔtiu Seedeesiyasi, a yaa pílifì m-bɔtee, aa làá kpú kujaaun. Man a-Dindaan di sòon̄ nì si míǹ.

Jérémie 4:22

Ti-Dindaan bí yii: «M-nibul yab sá bigbaambi ní, baa nyí-mi. Bi sá mbiyaamu mun kaa cáá nlandɔkɔee ní, baa nyí tiba. Bi yáb̀ ikpiti pu, ama kaa yáb̀ tiŋan pu.»

Jérémie 4:28

An pu ní kitiŋ làá kɔ́ kunimbaaun, ní yilpu ń kpántí dibɔmbɔndi. Di sá yii m lī tin m lēē ki síiǹee, maa làá kpántí m-landɔkɔŋu, kaa làá gítí m-boon mun.»

Jérémie 5:4

M nìn dākafì yii: «Binib bin kaa bí tibanee di ŋáań míǹ. Bi ŋáań kaa dàkafī. Di sá yii baa nyí tin ti-Dindaan lèe, kaa nyí tin Unimbɔti bālifì bí ŋée.

Jérémie 51:5

Di sá yii ikpiti in bi ŋá Isirayeel circir Nimbɔtiuee gbí bi-tiŋki. Ama Isirayeel nì Juuda Nimbɔtiu un sá ti-Dindaan Mpɔŋkɔdaanee kaa kpíì ki fá-bi.

Jérémie 6:13

Di sá yii kí yòon̄ bikpaambi kí tin sāā ŋwaamuee, bi-kɔkɔ bìǹ ki nyàab̀ njim ní. Kí yòon̄ Unimbɔti bɔnaatiliibi kí cáá sāā bisaraaŋaliibee, bi-kɔkɔ cáá inaamuul ní.

Jérémie 7:28

Tùkù-bi yii: <Kpèèmaan, ni sá ditimbundi din kaa pílifí di-Dindaan di-Nimbɔtiu nyɔkɔ, ní kaa fòol̄ u-saŋkiiyee ní. Tin bí deedeeyee kpíì ni-cee, ní ubɔ kaa ti sòoǹ ti-pu.>»

Jérémie 9:20

«Di sá yii ŋkúm dàb̄ ti-tɔkɔlab ki kɔ́ ti-pu, mì kɔ́ ti-dinyaaŋŋin. Mì yōoǹ ti-biyaamu adan pu, ki yōoǹ binipɔmbi sampaambi pu.»

Jérémie 9:3

Báà ŋma ń nīn nyí nì u-ba nì u-bɔɔ. Ubɔ ń taa nín̄ máká u-nabiki pu, di sá yii kì ŋūǹ kí kīil̀-u ní ubɔɔti mun ŋūǹ kí kūŋfì u-boon.

Jérémie 9:7

Bi-limbiliŋ bí kii nlɔpiinee ní, tinyimɔmbɔti ŋma di nyēē bi-nyɔmmun. Bi-nyunculiŋ pu ní bi sòoǹ nì bi-juti yii ŋgbansɔŋfi ń nīn bí u-cee, ama ní bi-pɔbiliŋ poonee, bi pīil̀ udaan kutaliŋŋu.

Ezéchiel 16:35

«Too, Jeerusaleem kilaakpaai, pīlifì ti-Dindaan nyɔɔbundi.

Osée 12:2

Eefiraayiim yab jīǹ kubuŋu ní kí díkí, ní ki jì ki bīī ŋwìiń nyalaŋki boon kaa gbèentí. Bi yāntì inyimɔn nì tipɔmbɔti gbóotì. Bi nì Asuur yab ŋá mpèé, ní ki tìì Eejipiti yab ŋkpam.

Osée 12:3

Ti-Dindaan nì Juuda yab cáá ibɔsoon. U làá dáaĺ Jaakɔb nibooliŋu tafal bi-bimbikpitim pu, ní kí pà-bi bi-tuuŋŋi paati.

Osée 5:1

«Bisaraaŋaliibi, pīlifìmaan tin bí nee, Isirayeel beel yab kpootiliibi, ní pīlifìmaan. Ubɔti dicaŋkun yab, kpòom̄maan ni-tafal kí pīlifì. An bàà sá nimbi nín sòoǹ binib bɔti nì mbaamɔn. Ama ní ni kpántì kutaliŋŋu ki tīī m-nibul Miisipa tiŋkin, ní ki kpántì kulaaŋŋu kun bi píĺ Tabɔɔr jool puee.

Osée 5:4

Isirayeel beel yab tuŋkpitiŋ kaa pūǹ-bi nsan bí ŋmā kí fàtīí gítí bi-Nimbɔtiu cee. Di sá yii alaakpaatuun fam miba bí bi-ni, ní baa nyí ti-Dindaan.

Joël 1:2

Nimbi bikpilibee, ní pīlifìmaan! Ní ŋátímaan ni-tafaliŋ kí pīlifì, Juuda yab kɔkɔ! Tin bí nee juti jítì ni-yuntii nee poon ni káaa, àá tì jítì ni-naanjab yuntii ni gbìl̄ ní?

Amos 3:1

Isirayeel yab, nimbi bin di sá kudicaŋu kun ti-Dindaan nyántìń Eejipiti tiŋkinee, pīlifìmaan tin ti-Dindaan cáá kí sòoǹ ni-puee.

Amos 7:16

Ama sii Amasiya bí-mi yii ḿ taa dū Unimbɔti bɔti kí nàatī Isirayeel yab, kí taa sòoǹ kí tɔ̄ Isaaki naantiibi pu. Míǹ puee kɔŋkɔnnee, pīlifì tibɔti tin ti-Dindaan sòon̄ a-puee.

Michée 6:2

Nimbi ajoon nì dinyeel din pu kitiŋ tɔ́kɔ́ kaa cìŋkēe, pīlifìmaan. Ti-Dindaan yíiń u-nibul ibeeyiin, u bíi sòoǹ Isirayeel yab bɔti.

Jean 8:55

ama ní kaa nyí-uee. Man nyí-u. M yaa néè yii maa nyí-u, m làá kpántí unyimɔndaan kii nimbee ní. Man nyí-u, ní ki ŋúb́ u-bɔti.

Romains 1:28

Kii bi-landɔkɔi nín sá yii Unimbɔti kaa máaǹ bí béé-uee puee, Unimbɔti dū-bi ki líì, ní bi-landɔkɔi gátì, ní bi kíǹ ki ŋáań min kaa máaǹ bí ŋée.

1 Corinthiens 15:34

Ní gítiḿmaan ni-ban kí nīn cáá ilandɔkɔmɔnti kí taa ti ŋá ikpiti. Ni-kansikin biba kaa nyí Unimbɔti. M nín lī pu nee, an sá ni-cooi ní.

Apocalypse 2:11

«Un yaa cáá ditafalee ń pīlifì Unimbɔti Fam nín sòoǹ nì Kriisitoo nikitiŋ puee. «Un yaa jáń ki jíńee, ŋkúnliliitiim kaa dāa gíti gbèetī udaan.»

Apocalypse 2:29

«Un yaa cáá ditafalee ń pīlifì Unimbɔti Fam nín sòoǹ nì Kriisitoo nikitiŋ puee.»