Osée 3:4 - UNIMBƆTI NYƆƆBUNDI GBƆŊKU

⁴ Di sá yii Isirayeel yab làá dāá kàl̄ kí yúntí, kaa cáá ubɔtaaa, kaa cáá ukpootilaaa, kaa ti ŋáań saraayaaa, kaa ti cáá ditaŋkpacooŋkaal àá tiwambalifikaal tin bi cáa bàlifī kí béé Unimbɔti lammee mun.

Osée 3:4 Iomraidhean Croise

Genèse 31:19

Laaban nìn búntì kí cā u-piii kuti. Ŋyunti gbanti ní Raseel yùn̄ u-baa waaŋi.

Genèse 31:34

Raseel nìn yōoǹ awaayee ki dūu bál̀ ugutaamu gakal taapu ní ki kāl̀ an pu, ní Laaban kɔ́ ki kpēē u-tantiu poon kɔkɔ ní kaa ká tiba.

Genèse 49:10

Sii Juuda ŋaan ní dibeel làá nīn pée bí, a-dicaŋkun ní mpɔn làá nīn bí, kí nīn cí un baasii yì dibeelee ń bàń. Úǹ ní atimbun kɔkɔ làá dāá nīn tɔ́.

2 Samuel 6:14

Daafiidi nìn baasii bíi ŋōō nì u-pɔŋŋu kɔkɔ ní ti-Dindaan nimbiin. U nìn pée pēē bisaraaŋaliibi bɔkutil din bí fálfalee ní.

2 Rois 23:24

Joosiyaasi nìn ŋá kii an nín ŋmàn̄ pu ki kā kugbɔŋu kun ní usaraaŋakpil Ilikiyawuu nìn ká ti-Dindaan Diikunee. U nìn kúntì bin kàal̀ abɔɔjal puee, ki kúntì awaakpitikaa nì amakaa nì ntimbiil tuuŋŋi ŋin kɔkɔ bi nìn pée ŋáańee Juuda nì Jeerusaleem timmun.

2 Chroniques 15:2

U nìn cūtìi túŋkì Asaa ní ki bí-u yii: «Asaa nì Juuda nì Beenjameen yab kɔkɔ, ní pīlifìmaan-mi! Ni yaa bí ti-Dindaan ceeyee, u mun bí ni-cee ní. Ni yaa nyàab̄-uee, u làá yàntī ní ká-u, ama ni yaa dū-u ki fée, see u mun ń dū-ni kí fá.

Exode 28:4

Tiwampeeŋkaal tin a làá yàntī bí ŋáĺ-uee di sá kilɔbiki kin làá nīn pá u-bindi puee nì eefoodi nì dibɔkutifɔkɔl nì poon bɔkutil nì ŋŋaabu ŋun u làá nīn cáa fìǹ u-yilee nì ŋŋaabu dambalau. Á yàntī bí ŋáĺ tiwan gbanti kí tīī Aarɔn nì u-jipɔmbi bí nīn tūǹ man saraaŋatundi.

Exode 28:6

«Bitɔntɔnliibi ń dū gulfab bin cáá sindaariya nyimee nì bin máǹ gùŋgumee nì bin máǹ cínciŋee nì bin máǹ wèeeeyee nì bigulifapimbi bin dàfèe kí lù eefoodi.

Lamentations 2:9

Kitiŋee gundi punyɔmmu lítì, ti-Dindaan wīī mpunyɔmu kpàlkaati. Bi cáá ki-bɔtiu nì ki-yidambi ki cūnnì nnicantimun kuyuŋu. Ubɔ kaa ti bí kí dàkà marab. Ti-Dindaan kaa ti lèekī tiba ki dàkà u-bɔnaatiliibi.

Ezéchiel 19:14

Ŋŋmi ŋubɔ nyáń bu-dɔŋu poon, ŋu wùn̄ bu-paŋŋi nì bu-biliŋ. Buaa ti cáá dipandi din pɔ̄ɔ̄ ki ŋūǹ kí kpántí ubɔti kpandɔŋuee.» Bí nīn gà nlan nee kii bi nín gà ŋkpiisilan puee.

Ezéchiel 20:32

Ni lì yii: <Ti là kí nīn bí kii atimbun ŋin kíǹee nín bí puee, a lì kii ntimu mun kíǹee nib nín bí puee. Ti là kí nīn tòotī isufi nì ataŋkpee. Ama an kaa làá ŋá kii ni nín dàkafī puee.

Ezéchiel 21:21

Kitàataajiki kin jītí pámpamee, pɔ̀fì binib ŋgan pú nì ŋgiil pú. Fàtī a-nyɔkɔ kin cɔ́m̀ee an kɔkɔ pú.

Ezéchiel 21:31

Man a-Dindaan Unimbɔti nín sòon̄ puee sɔ̀. Bi làá fōō ŋŋaabu ŋun dàkà yii a sá ubɔtee ní kí cíkití a-beefuuliiki. Tiwan làá kpántí ti-paaŋyi! Bi làá yòon̄ un nìn sīntì u-ba taapuee yilpu, ní kí sìntī un nìn yōoǹ u-ba yilpuee taapu.

Daniel (hébreu) 11:31

U làá dāá tɔ̄ń u-janjaliibi bí dāá yūĺ digundi din māntìi tú kunimbɔtidiiyee. Bi làá dāá kɔ́ circir páaa laŋki kí kɔ́ǹ-kì tijɔkɔndi. Bi làá dāá kúntí saraa un bi ŋáań baabadal ki tìì Unimbɔtee ní kí dāá dū kuwaŋkpitiu kun cāabìń ntimbiilee kí síiń circir paaŋŋu pu.

Daniel (hébreu) 12:11

Kí yòon̄ ŋyunti ŋun bi làá dāá yàntī bí gbèen̄ saraa un bi ŋáań baabadal ki tìì Unimbɔtee kí cáá sāā ŋyunti ŋun bi làá dāá dū kuwaŋkpitiu kun cāabìń ntimbiilee kí síiń circir paaŋŋu puee, iwiin làá dāá nyā kutuku ubɔ nì iwiin saalaa kpá alaataa ata ní.

Daniel (hébreu) 9:27

Ukpilee làá dāá dū mpɔn kí ŋá mpèé nì binib tikpil abin aluli. Abin ata nì dijandee, u làá dāá kúntí tiwaŋkuti nì tijimpin saraabi. Unàanlee làá dāá tɔ̄ ntimbiil tuuŋŋi malaa kí cáá sāā ŋyunti ŋun án làá nàan̄ úǹ u-bee, kii an nín sòon̄ pu ki síiǹee.>»

Osée 13:10

A-bɔtiuee bí la ní kaa làá dāan̄ kí fīī-si a-timmu poon ní? A-kpootiliibee bí là ní? Ŋyuntee, a nìn bí-mi yii: <Tīī-mi ubɔti nì bikpootiliibi.>

Osée 13:11

Tiŋman m nìn tīī-si ubɔti m-ŋuul poon, ní ki fātìi fōō-u m-bum poon.

Osée 2:11

An puee bilee yuntiŋu yaa láa bàn̄ee, m làá dāá fàtīí yòon̄ m-wanti, ní ndapɔm mun yuntiŋu yaa láa bàn̄ee, ḿ dāá fàtīí tí yòon̄ m-daam. M làá dāá bìitī m-pikuti nì m-gulifau wampeeŋkaati tin bīī u-cooi puee.

Lévitique 8:7

U nìn dū poon bɔkutil ki pēeǹ Aarɔn ní ki dū ŋŋaabu dambalau ki gbìn̄-u, ní ki dū dibɔkutifɔkɔl mun ki pēeǹ-u, ní ki dū eefoodi ki léeǹ-u, ní ki dū dambala un kā eefoodi puee ki cúú u-caŋ.

Zacharie 10:2

Di sá yii awaa sòoǹ tinyimɔmbɔti ní, ní bibɔɔbi wāĺ tin kaa sá ibaamɔnee. Bi nín lèekī tidamintiil taapu puee sá inyimɔn ní, ní bi ŋmēentí binib fám. An pu ní dinibul nee yíkìi búntì nì falaa kii ipii in kaa cáá ukpaalee.

Zacharie 13:2

Ti-Dindaan Mpɔŋkɔdaan bí yii: «M làá dāá kúntí awaa ŋin bí kitiŋ nee poonee, ní bí súntí ŋi-yiŋŋi pu. M làá dāá kúntí bin mɔ́ntí yii bi sá m-bɔnaatiliibee, ní kí lēē diwaatootil landɔkɔŋu bi-ni.

Luuki 21:24

Bi làá kpɔ̀ binib tikpil nì ntàataajimu, kí cúú tikpil kí cáá cùnnì kuyuŋu atimbun kɔkɔn, ní bin kaa nyí Unimbɔtee ń dāá jī Jeerusaleem kí tāā pùb, kí dāá sāā bi-yuntiŋu.»

Jean 19:15

Ní bi bíi tátí yii: «Bí kpɔ̀-u, bí kpɔ̀-u, bí kpáá-u ndɔpuntikaa pu!» Ní Piilati bí-bi yii: «Mimmee, ḿ yàntī bí kpáá ni-bɔtiu ndɔpuntikaa puɔɔɔ?» Ní bisaraaŋakpilib kíí-u yii: «Timbi kaa ti cáá ubɔti ubɔ ki kútì Seesaar pu.»

Hébreux 10:26

Ti yaa béè ibaamɔn ní ki fōō-i, ní boonee ti gbíntì ki nìkì ki ŋáań ikpiti ti nín là puee, tí béé yii saraa ubɔ gíti kpá bí ŋá án lēē ti-kpitii.

Juges 17:5

Too, Miika gbanti nìn cáá mpaan ŋun pu u jáaḿ inimbɔtee u-cindin. U nìn yāntì bi fātìi mɔ́ɔ́-u diwaal diba, ki kpítì-u awaa ŋin làá nīn cí u-cindee mun ní u dūu kútì, ní ki lēē u-jipɔɔn ubɔ ki kāaǹ ú nīn sá u-saraaŋaliu.

Juges 18:14

Niinee ní binib biŋmoo bin bi nìn lēē bi yìin̄ ki cɔ́ŋkì ki béè Layiisi tiŋkee fōō dinyɔɔbundi ki bí yii: «Ni nyí yii diwaal diba, nì kudicaŋu waaŋi, nì diwaal din bi mɔ́ɔ́ ki dūntì tikúti ki nyūntèe bí adican nee kubɔ poonaaa? Too, kɔŋkɔnnee ní dàkafìmaan kí kpèè ni nín làá ŋá puee!»

Juges 8:27

Geedeeyɔn nìn kpáfì an-wantee kɔkɔ ní ki dūu mɔ́ɔ́ diwaal ki cūnnì ki yóoǹ Oofiraa u-tiŋkin. Isirayeel yab kɔkɔ nìn cá niin ki gbàantí ki jáaḿ diwaal gbanti, ní di nìn dūu kpántì kutaliŋŋu ki tīī Geedeeyɔn nì u-dicaŋkun yab.

1 Samuel 14:3

Usaraaŋal ubɔ nìn bí u-cee ki ŋúb́ eefoodi. Úǹ di sá Akituub jipɔɔn Abiiya, Ikaboodi nabiki. Ikaboodi sá Fineeyaasi jipɔɔn ní ki sá Eelii un nìn sá ti-Dindaan saraaŋakpiliu Siiloo tiŋkinee naantiiu. Samaa kansikinee báà ubɔ kaa nìn nyí yii Joonatan búntì.

1 Samuel 15:23

Di sá yii a yaa yíì kaa tɔ́ Unimbɔtee kpitii jítiǹ dibɔɔbɔl kpitii, ní a yaa jáà nì ti-Dindaanee kpitii jítiǹ iwaatooti kpitii. A nín dū ti-Dindaan bɔti ki fée, u mun dū-si ki fá, aa làá nīn gíti sá ubɔti.»

1 Samuel 2:18

Samiyeel úǹ nìn pēē gulfa un bí fálfalee bɔkutipaaŋkaaki, ki bí ti-Dindaan nimbiin ki tūǹ u-tundi.

1 Samuel 21:9

Daafiidi gíti bālifì usaraaŋakpil yii: «Aa cáá kikpaŋ àá kitàataajiki kiba a-cee doo kí tīī-maaa? Ubɔti bɔti tin pu u tú-mee nín páb́ puee, maa ti ká mpaan kí yòon̄ m-tàataajiki àá tijanjawan.»

1 Samuel 22:18

Ní ubɔti bí Dooweegi yii: «Sii, cùú kpɔ̀ bisaraaŋaliibi nee!» Ní ueedoomja Dooweegi u-ba kūū-bi. Yaadalee, u nìn kūū bisaraaŋaliibi bin pèentí asaraaŋabɔkutee imuŋku inaa nì binib biŋmoo ní.

1 Samuel 23:6

Ŋyunti ŋun Ayiimeeleeki jipɔɔn Abiyataar nìn sáǹ ki cūtì Daafiidi cee Keeyiilayee, u nìn kpáaǹ eefoodi.

1 Samuel 23:9

Daafiidi gbìl̄ nlandɔkɔkpiti ŋun Saayuul bíi bɔ́ntí u-puee, ní u bí usaraaŋal Abiyataar yii ú cáań eefoodi.

1 Samuel 30:7

Niinee Daafiidi bí usaraaŋakpil Abiyataar, Ayiimeeleeki jipɔɔn yii: «M gbāam̀-si, cáań-mi eefoodi.» Ní Abiyataar yōoǹ ki cáań-u.