Osée 3:1 - UNIMBƆTI NYƆƆBUNDI GBƆŊKU

¹ Ní ti-Dindaan tùkū-mi yii: «Nín̄ gbíntìi néeń unimpu un nyáń a-boon ki cáá bɔɔnee. Nín̄ néeń-u kii man ni-Dindaan nín néeń Isirayeel yab puee, nì min kɔkɔ bi dū bi-ba ki tīī awaa ki néeń fiinyi biliŋ kalaabee.»

Osée 3:1 Iomraidhean Croise

2 Samuel 6:19

Míǹ boonee ní u yākatì Isirayeel samaau kɔkɔ tijin. Uninja kamaa nì unimpu kamaa nìn fōō kpɔnɔ nì dinaŋkúndi nì fiinyi subiliŋ akulim kalaau. Míǹ boonee ní báà ŋma fātìi nín kùǹ.

2 Rois 13:23

Ama ti-Dindaan nìn súń Isirayeel yab saai ki dàkā-bi u-laŋŋaŋfitiiku ki dū bi-kpitii ki pú-bi. Dipoondi din u nìn pōoǹ Abraam nì Isaaki nì Jaakɔbee pu ní u nìn ŋá míǹ ki tīī-bi. An puee waa nìn nāaǹ-bi. Waa nìn dá láá dū-bi ki fá.

1 Chroniques 16:3

Boonee ní u yākatì tijin ki tīī Isirayeel yab kɔkɔ. Uninjaaa, unimpuɔɔɔ, báà ŋma nìn fōō kpɔnɔ ubɔ nì daati subiliŋ kalaau nì fiinyi subikuliŋ kalaau.

Néhémie 9:31

Nì míǹ kɔkɔ, a-neeŋkpaandi puee, aa nìn yāntì bi nāaǹ-bi kɔkɔ, kaa nìn dū-bi ki fá, kun puee a sá Unimbɔti un poon mɔ̄ ki cáá kulaŋŋaŋfitiiuee ní.

Psaumes 123:2

Kii iyumbu nimbikpeeŋu nín cɔ́ bi-kpiliu ŋal pu puee, kii utɔntɔnli unimpu nimbikpeeŋu nín cɔ́ u-kpiliu pu puee, míǹ ní ti-mun nimbikpeeŋu cɔ́ ti-Dindaan ti-Nimbɔtiu pu, ki cí ú sɔ̄ ti-saai.

Exode 32:6

Kutaa wúntì kutaafaau pɔ̀lpɔlee ní samaa ŋá bisaraawɔkaabi nì mpèé saraabi. Boonee ní bi kāl̀ ki jíń ki nyùn̄. Bi dóòyee ní ki dūu gùl̄ agbiil pu.

Cantique des cantiques 2:5

«Cáaḿmaan-mi fiinyi subiliŋ kalaau malaa ḿ ŋmɔ́ kí ká mpɔn, kí tīī-mi pɔɔmi subiliŋ ḿ ŋmɔ́ m-pɔbil ń sɔ̀ŋkì. Di sá yii m būǹ dineendi weeŋŋu ní.»

Esaïe 45:22

Nimbi bin kɔkɔ kóò kitiŋ kúntilaŋkee, ní fàtīí gítiḿmaan m-cee, ni làá ká difiil, kun puee man di sá Unimbɔti, ubɔ kaa ti bí ki kútì man pu.

Jérémie 3:20

Kii unimpu nín nyēē u-cal boon puee, míǹ ní nimbi Isirayeel yab, ni nyáń m-boon. Man ni-Dindaan di lī míǹ.

Jérémie 31:20

Eefiraayiim di sá m-bineeŋkaaki, m néeń-u ki jítiǹ bin kɔkɔ kíǹee. An pu ní ŋyunti ŋun kamaa m yaa bíi sòoǹ ki kù u-bɔtee, m gbíntìi dàkafī u-pu. M-pɔ̀ti kaa fù u-pu. Maa pée ŋūǹ kí gbèen̄ kí taa sɔ̄ u-saai.» Ti-Dindaan di sòon̄ míǹ.

Osée 11:8

«Mana ní m ŋūǹ kí fàtī m-boon kí tīī-si ní, Eefiraayiim? Mana ní m ŋūǹ kí dū-si kí fá ní, Isirayeel? Mana ní m ŋūǹ kí ŋá-si kii m nín ŋá Adima tiŋki puee, àá kí ŋá-si kii m nín ŋá Seebooyiim tiŋki puee? M yaa ŋá míǹ, an làá páb́-mi tikpil. An gbí-mi isaa.

Osée 2:5

An yaa kaa sá mimmee, m làá lòotī-u dicancaŋgbeel, ú gítí kii u nín nìn bí pu ŋwiin ŋun bi màl̄-uee. M làá yàntī u-tiŋki ń kpántí kii kuteeuee, ní kí dū-kì kí kpántí kitiŋkuliŋŋi. M làá yàntī nnyinnyoo ń kpɔ̀-u.

Osée 4:11

Alaakpaatuun nì ndanyoon gábitì m-nibul yil.

Osée 7:5

Ubɔti maaliwiiŋŋu jiŋaaliu dalee, abɔtibil nyù ndaam áli kí tin būŋkì. Ubɔti tàntī u-ŋal ki tìì bin bèel̄-uee kuboou.

Amos 2:8

Ipaan in kɔkɔ pu bi jáaḿ Unimbɔtee, abɔkuti ŋin bi fōol̀ toolima bisoodambi ceeyee pu ní bi dɔ̀, ki nyù ndaam min bi fìkēe bi-Nimbɔtiu diikun.

Amos 6:6

Ni nyù ndamam asambikpaan poon, ki ŋmìtī ikpafi in sɔ́fèe, ama naa bí ki sūǹ mbusu un dòoń Jooseefi yab puee pu.

Michée 7:7

Ama mamee, ti-Dindaan watil pú ní m kpèé, Unimbɔti un làá fīī-mee pu ní m máká. M-Nimbɔtiu làá pīlifiǹ-mi.

Zacharie 1:16

An pu ní man ni-Dindaan Mpɔŋkɔdaan, m lī yii m làá fàtīí gítiń Jeerusaleem kí dàkà m-laŋŋaŋfitiiku. Bi làá fàtīí mā m-diiku niin nì Jeerusaleem tiŋki.»

Matthieu 26:50

Ní Yeesu bí-u yii: «M-bɔɔ, ŋá tin pú a dɔ́mińee!» Niinee ní binibee dɔ́miń ki cúú Yeesu.

1 Corinthiens 10:21

Naa ŋūǹ kí nyɔ̀ ti-Dindaan daam kí gíti nyɔ̀ arasiniibi mun yam. Naa tí ŋūǹ kí jī ti-Dindaan jikaati kí gíti jī arasiniibi mun yati.

1 Corinthiens 10:7

Ni mun ń taa ti nóó awaa kii bi-kansikin biba nín nìn nóó puee, a lì kii an nín ŋmàn̄ Unimbɔti gbɔŋku poon puee yii: «Kunipaau kāl̀ ki jíń ki nyùn̄ ní ki yíkì ki ŋōō ki gɔ́ǹ diwaal.»

1 Pierre 4:3

Dooooyee, ni nìn dū ŋyunti tikpil ki ŋá kii bin kaa nyí Unimbɔtee nín ŋáań puee. Ni nìn ŋáań tin kɔkɔ cāabìń ntimbiilee, ní ki ŋáań tijɔkɔndi, ki bí jiŋaalib poon baabadal, ki nyù idafi ki gbéè, ki jīǹ ki lákatí ni-ba pu, ki tòotī awaa, kun mun kaa ŋān̄ kpataaa Unimbɔti nimbiinee dee. Kɔŋkɔnnee an ŋmāntì.

Juges 10:16

Isirayeel yab nìn lī mimmee ní ki dū awaa ŋin nìn bí bi-ceeyee ki fá ní ki fātìi bíi jáaḿ ti-Dindaan. Niinee falaau un bi nìn bí ki jīǹee nìn kɔ́ ti-Dindaan tikpil.

Juges 9:27

Siikeem tindambi nìn nyáń ki cūtì tisatin ní ki kītì bi-fiinyi sufii biliŋ ki tāā ki lēē ndamam ní ki bɔ́ntì agbiil. Bi nìn kɔ́ bi-nimbɔtiu un bi jáaḿee diikun ní ki jíń ki nyùn̄ ní ki mēē mbusu ki tɔ́ Abimeeleeki pu.