Osée 2:9 - UNIMBƆTI NYƆƆBUNDI GBƆŊKU

⁹ U làá dāá jà u-bɔmbi boon, ama waa làá dāá ŋmā kí cúú-bi. U làá dāá nyàab̀-bi, ama kaa làá dāá ká-bi. Niinee ní ú dāá lì yii: <M làá fàtīí gítí m-taafaacal cee, di sá yii m nín nìn bí u-ceeyee, m nìn bí mmɔnni ki jítiǹ kɔŋkɔnnee.>

Osée 2:9 Iomraidhean Croise

Ezéchiel 16:27

Niinee ní m dàkā-si m-pɔŋŋu. M fōō tin a cááyee dijandi diba ní ki dū-si ki líiǹ a-nannanliibi, Fiiliistii yab timmu mun a-laakpaabimbim nìn kɔ̄ntí icooyee.

Ezéchiel 16:39

M làá dū-si kí líiǹ a-bɔmbi. Bi làá gbá kí wìil̀ a-kumpooŋi ní kí bīil̀ a-waatootipaaŋyi. Bi làá cúú a-wampeeŋkaati kí pèetī ní kí gbākal̀-si a-wannyɔkɔntikaati tinyaandee kɔkɔ ní kí yàntī-si dicancaŋgbeel.

Ezéchiel 23:26

Bi làá dāá gbākal̀-si a-wampeeŋkaati nì a-wannyɔkɔntikaati.

Daniel (hébreu) 11:13

Ŋgan pú tiŋki bɔtiu làá dāá fàtīí kóoǹ ajanjakiti ŋin wīikí ki jítiǹ apeepeekaayee kí kpāfì. Abiŋkaaŋkaa aba boonee, u làá fàtīí gítiń nì dijanjakitikpaandi gbanti nì tijanjawan tikpil.

Osée 2:3

Ní yíiń ni-mambi nì ni-naalib yii «M-nibul» ní kí yíiń ni-niisalib yii «Bi là-mi».

Osée 8:7

Kii ni nín búĺ kubuŋuee, kubuŋkpaaŋŋu ní ni làá cā. <Didikakal yaa kaa cáá ŋfinee, ŋyim mun kpá dee.> Báà di yaa lòon̄aaa, binicambi di dāa yì kí jī.

Osée 9:2

Bilee un bi gbáà dinaapaal puee nì ŋkpam min bi ŋmāam̀ kutaŋkpaboounee, aa làá ká. Ndapɔm min a kā ki cée, a kpá kí ká-mì kí dáká.

Joël 2:14

An yaa yíì, u ŋūǹ kí kpántí u-landɔkɔŋu ní kí bìin̄ ni-pu. Niinee, ni dāa ŋūǹ kí cáań tijimpin nì ndaam saraau kí tīī ti-Dindaan ni-Nimbɔtiu.

Sophonie 1:13

Too, bi làá dāá fūkul̀ bi-gaajawanti ní kí kpēelikì bi-diiŋŋi. Bi māā adiin, ama baa làá kɔ́-ŋi. Bi kù fiinyi sufii kpaaŋŋi, ama baa làá ká i-daam kí nyɔ̀.»

Malachie 1:4

Eedoom yab naantiibi yaa bí yii: <Bi nāaǹ ti-timmu, ama ti làá fātìi mā-mu.> Man ni-Dindaan Mpɔŋkɔdaan nín lī puee sèé: <Bi ŋūǹ kí fàtīí mā-mu, ama man làá kpìtī-mu. Bi làá dāá páań-bi diyindi yii: <Ikpiti tiŋki> nì <Dinibul din pu ti-Dindaan gífí diŋuul an kaa kúntée.>

Malachie 3:18

Niin ní ni làá fàtīí ká digàntil din bí deedeedambi nì binikpitib kansikinee, nì digàntil din bí bin nóó Unimbɔti ki tūǹ u-tundee nì bin káa nóó-uee kansikin.