Osée 2:8 - UNIMBƆTI NYƆƆBUNDI GBƆŊKU

⁸ «An pu ní m làá dū ikuŋkum kí pìin̄-u nsan, ní kí mā digundi kí màntīí tū-u ú taa ti ká nsan kí nyā.

Osée 2:8 Iomraidhean Croise

1 Chroniques 29:16

Ti-Dindaan ti-Nimbɔtiu, ti kóoǹ tiwan tikpil ki kpúkuǹ kí dūú mā kudii kí tīī a-circir yindi tinyool. Too, tikɔkɔ nyánní a-cee ní ki sá a-wanti.

Yoob 19:8

Unimbɔti bàkā m-saŋŋu pu ḿ taa ŋmā kí jītí, u dū dibɔmbɔndi ki tɔ́ m-saŋŋu pu.

Esaïe 1:3

Unaa nyí u-dindaan, ní kimaŋ nyí laakin ki-dindaan ŋáań-kì tijin kì jīǹee. Ama Isirayeel yab kaa nyí báà tiba, m-nibul kaa gbìl̀ tibɔti taapu.»

Esaïe 46:6

Binib fùtīń sindaariya bi-lɔtin. Bi ŋmàntī animbil kúti saniya pu. Bi cáa tìì goosimiiti yii ú mɔ́ɔ́-bi diwaal. Boonee ní bi gbàantí di-nimbiin ki jáaḿ-dì.

Jérémie 7:18

Mbiyaamu là idɔ ní bibaatiibi kpà ŋŋmi, ní binaatiibi nùkù ŋyim kí ŋá kalaabi kí tīī yilpu Nimpubɔtiu. Ni féeń awaa nnyim ki gbítí m-ŋuul.

Ezéchiel 23:41

Míǹ boonee ní bi tātìi dōoǹ nlambanyaamu pu. Nlambamuee nyɔkɔpuee, teebil un pu talaalutuukaa nì ŋkpam min sɔ́fì m nìn tīī-uee tɔ́kɔ́.

Daniel (hébreu) 3:1

Ubɔti Neebukadineesaar nìn yāntì bi máń sindaariya kumpool diba, di-fɔkɔŋŋu yilpu sá meetab mmuŋku nì saalaa ní di-waaŋŋu sá meetab bita. Babiloon tiŋgbaŋkin, Dura tantakalin ní u nìn yāntì bi máń-dì.

Daniel (hébreu) 5:23

ní ki yíkì kí já nì ti-Dindaan un bí yilpuee. A yāntì bi cūtìi cáań u-diiku poon kɔŋkɔnnyɔkaabi ní sii nì a-kàliŋkpaambi nì a-nimpoobi nì a-bɔmbi bātì ndaam ki ŋá poon ki nyùn̄. Míǹ boonee, a nyɔ́ŋkì awaa ŋin sá animbil kúti nì sindaariya nì tasa kúti nì tikúti nì idɔ nì ataŋkpeeyee, awaa ŋin kaa wāĺaaa, kaa gbìl̀aaa, kaa nyí tiba muee. A ŋá míǹ kaa nyɔ́ŋkì Unimbɔti un ŋaan ní a-maŋfal nì tin kɔkɔ ŋūǹ kí bàń-see kēe.

Osée 10:1

Isirayeel beel nìn sá bufiinyisubu bun nìn lòoǹ abil tikpilee ní. U yaa nìn lòon̄ abil tikpilee, míǹ ní u nìn māā isaraafan mun tikpil. An yaa nìn bútì u-tiŋkee, míǹ ní u nìn nyāantí u-taŋkpacooŋkaaŋi.

Osée 13:1

Njaminee, Eefiraayiim yaa nìn sòoǹee, báà ŋma nìn fàŋkí ní. Isirayeel naakɔti kansikinee, úǹ di nìn līī. Ama u nóó diwaal Baal ki fōō dibɔkpil, ní ki kpíì an pu.

Osée 13:2

Díǹ pu nee, bi dáá gbíntìi nìkì ki ŋáań ikpiti. Bi dūntì bi-nimbiliŋ ki dūu mɔ́ɔ́ awaa, awaa ŋin ní bíǹ bi-ba dākafì ki mɔ́ɔ́yee. An sá uwammɔ́ɔl tuuŋŋi aba ní, awaa gbanti pu ní bi lì yii: «Tí ŋámaan saraabi kí tīī-ŋi!» Binib móotí anabil ki ŋáań saraabi.

Osée 2:5

An yaa kaa sá mimmee, m làá lòotī-u dicancaŋgbeel, ú gítí kii u nín nìn bí pu ŋwiin ŋun bi màl̄-uee. M làá yàntī u-tiŋki ń kpántí kii kuteeuee, ní kí dū-kì kí kpántí kitiŋkuliŋŋi. M làá yàntī nnyinnyoo ń kpɔ̀-u.

Osée 4:11

Alaakpaatuun nì ndanyoon gábitì m-nibul yil.

Osée 8:4

Bi kāaǹ bi-bɔtiibi kaa bālifì m-pu. Bi lēē bi-kpilib kaa tùkū-mi. Bi dū bi-nimbiliŋ nì bi-sindaariyab ki mɔ́ɔ́ awaa ŋin làá nàan̄-bee.

Habaquq 1:16

Bi ŋáań saraabi ki tìì bi-laanti, ní ki tùutī talaalub ki tìì bi-naanyaaŋyi. Di sá yii bi-laanti nì bi-naanyaaŋyi pu ní bi-jinti mèeǹ ki mɔ̄.

Luuki 15:13

Iwiŋkaaŋkaa boonee, ní uwaalee dū u-jandi din bi tīī-uee ki nyáfì ní ki fōō animbil, ní ki yíkìi búntì ndandati kitiŋ kiban, ní ki bí niin ki jīǹ u-nimbiliŋ pùsi pusi.

Romains 1:28

Kii bi-landɔkɔi nín sá yii Unimbɔti kaa máaǹ bí béé-uee puee, Unimbɔti dū-bi ki líì, ní bi-landɔkɔi gátì, ní bi kíǹ ki ŋáań min kaa máaǹ bí ŋée.

Deutéronome 8:18

Ama ní téetí ti-Dindaan ni-Nimbɔtiu pu. Di sá yii úǹ di tīī-ni mpɔn ní ni ŋúń ki túń ditundi ki ká tigaajati gbanti kɔkɔ. U ŋá míǹ kí dàkà yii u nín nìn pōoǹ ni-naanjab dipoondi diŋyee, u bíi ŋáań míǹ kii an nín bíi jītí pu díǹ nan ní.

Juges 9:27

Siikeem tindambi nìn nyáń ki cūtì tisatin ní ki kītì bi-fiinyi sufii biliŋ ki tāā ki lēē ndamam ní ki bɔ́ntì agbiil. Bi nìn kɔ́ bi-nimbɔtiu un bi jáaḿee diikun ní ki jíń ki nyùn̄ ní ki mēē mbusu ki tɔ́ Abimeeleeki pu.