Osée 2:7 - UNIMBƆTI NYƆƆBUNDI GBƆŊKU

⁷ Tiŋman, mu-na dū u-ba ki líì nì alaakpaatuun. Un di màl̄-muee ŋá ticoobɔti. Di sá u lī yii: «M làá nóó m-bɔmbi bin tìì-mi m-jinti nì m-nyɔkaati, nì ipii kuti nì gulfamɔnti wampeeŋkaati nì m-kpam nì m-daamee.»

Osée 2:7 Iomraidhean Croise

2 Chroniques 28:23

U nìn ŋá saraabi ki tīī Damaasi waaŋi ŋin nìn jáń ki pɔ́ɔkiǹ-uee. Di sá yii u nìn lī yii: «Asuur yab waaŋi nín tútúǹ Asuur bɔtiibi puee, m làá ŋá saraa kí tīī-ŋi ŋí tūtuǹ ma mun.» Ama awaa gbanti di nìn mɔ̄tìi nāaǹ u nì Isirayeel yab kɔkɔ.

Esaïe 30:16

Ni lì yii: <Aayee! Ti làá kàl̄ itaamu kí sāǹ.> Tiŋman, ni làá lafun sāǹ. Ni lì yii: <Ti-taamui yáb̀ ní.> Too, bin làá dāá jà-nee mun dāa yáb̀ míǹ ní.

Jérémie 14:22

Atimbun ŋin kíǹee waaŋi kansikinee, diba ŋūǹ kí yàntī utaa ń nàaa? Kutagbɔŋu ku-ba di yàntī utaa nàaa? An kaa sá sii ti-Dindaanaaa? Ti-Dindaan, sii pu ní timbi máká, di sá yii sii di ŋáań tíǹ gbanti kɔkɔ.»

Jérémie 2:2

«Cù kí sòoǹ nì Jeerusaleem yab án kɔ́ bi-tafaliŋin. Man bi-Dindaan nín lī puee sɔ̀. M téetí a-pɔntinee, a nín nìn cáá m-pu dineeŋkpaandi diŋyee. Dineendi gbanti nìn bí kii unil nín néeń u-bɔɔn puee ní. A nìn nóó-mi kuteeun laakin tiba nì tiba nìn kpée.

Jérémie 2:28

Awaa ŋin ni kpítèe bi la? Ŋí yīkì tí kpèè ŋi yaa ŋūǹ kí fīī-ni kí nyāntí-ni ni-nimbinaamandi poon! Di sá yii nimbi Juuda yab waaŋi wīikí ki jítiǹ ni-timmu nyɔkɔm.

Jérémie 2:36

A kpántì ubɔɔti sɔkɔmii! Ama á béé yii Eejipiti tiŋki làá kɔ́ǹ-si icoo kii Asuur tiŋki nín kɔ́ǹ-si icoo puee ní.

Jérémie 3:1

Ti-Dindaan lī yii: Unil yaa jìn̄ u-nimpuu ní u yīkìi cūtìi mɔ́ǹ ubɔee, udaan gíti cáá nsan kí fàtīí fōoń-uaaa? Aayee! Di sá yii atuun gbanti pu ní kitiŋ kɔ́ tijɔkɔndi. Ama sii Isirayeel, a ŋá tilaakpaal nì bibɔntiibi tikpil ní ki bàà là kí fàtīí gítiń m-cee! Ti-Dindaan di lī míǹ.

Jérémie 31:18

M gbìl̄ Eefiraayiim yab yáliŋkí ki lì yii: «Ti-Dindaan, a dáaĺ ti-tafal ŋkpitim pu kii bi nín tìŋkī dinajapɔmbil din bɔti pɔ̄ɔ̄yee puee. Ama á fàtīí gíiǹní-ti a-cee tí bàà fàtīí gítiń a-cee tiŋman pu. Di sá yii sii ti-Dindaan di sá ti-Nimbɔtiu.

Jérémie 31:32

Díǹ kaa dāa sá kii din m nìn pōoǹ bi-naanjab ŋwiin ŋun m nìn cúú bi-ŋal ki nyántì Eejipiti tiŋkin kuyuŋunee. Nì min kɔkɔ man di nìn sá bi-Dindaanee, bi nìn kpītì dipoondi gbanti, ti-Dindaan di lī míǹ.»

Jérémie 44:17

Ti làá nīn nìkì ki ŋáań ti nín lēē yii ti làá ŋá puee. Ti làá nīn tùutī talaalutuukaabi ki tìì diwaal Asitaartee, yilpu Nimpubɔtiu ní kí fá-u ndaam. Timbi nìn pée ŋáań míǹ ní, ki kpáaǹ ti-naanjab nì ti-bɔtiibi nì ti-kàliŋkpilib Juuda timmun nì Jeerusaleem daŋŋi pu. Ti nín nìn ŋáań mimmee, ti nìn kāntí ki jīǹ ní, ní an nìn bútì-ti ní taa nìn nyí kun bi yíì nnaabuee.

Ezéchiel 16:18

A dū a-wampeeŋkaati tin bi gbáńee ki bīiǹ bi-pu, ní ki dū ŋkpam nì talaalub bin m tīī-see ki ŋá saraa ki tīī-bi.

Ezéchiel 16:8

Míǹ boonee ní m gíti tí jítì a-cee ní ki ká yii a cíkitì ki bàn̄ dicamɔndi. Niinee ní m dū m-bɔkutikpaandi ki bīiǹ a-cancaŋgbeel pu. M nìn pūtì yii m làá nīn yú nì si deedee ní man nì si ŋá mpèé. Niinee ní a kpántì m-yɔu>. Man ni-Dindaan Unimbɔti di lī míǹ.

Ezéchiel 20:32

Ni lì yii: <Ti là kí nīn bí kii atimbun ŋin kíǹee nín bí puee, a lì kii ntimu mun kíǹee nib nín bí puee. Ti là kí nīn tòotī isufi nì ataŋkpee. Ama an kaa làá ŋá kii ni nín dàkafī puee.

Ezéchiel 23:12

U mun nìn néeń Asuur yab ní, gɔminab nì kɔmandambi nì bijanjaliibi bin pēē tiwannyaandee nì bitanjakaliibi nì binaacimpɔmbi bin ŋān̄ee.

Ezéchiel 23:22

An pu ní, Ooyooliiba, man a-Dindaan Unimbɔti bíi sòoǹ nì si yii: <M làá yàntī a-bɔmbee kɔkɔ ń jáǹ-si. Kɔŋkɔnnee, a-naŋki nín nyáń nì bi nee, m làá yàntī bí nyānní an kɔkɔ pu kí jáǹ-si.

Ezéchiel 23:4

Bi nìn yíì ukpil yii Ooyoola ní ki yíì uwaal yii Ooyooliiba. Ukpilee, Samaarii dee, ní uwaal sá Jeerusaleem. Man di nìn cáab́-bi ní bi màl̄-mi mbininjabiyaamu nì nnimpubiyaamu.

Daniel (hébreu) 4:17

A ká busubu bubɔ, ní bu wíiǹ ki ŋá busukpaambu ní bu-yilpu tūū kutagbɔŋu, ní binib ŋūǹ kí nīn wāĺ-bu ilaan kɔkɔ kitiŋ jaaŋŋi kɔkɔ pu.

Daniel (hébreu) 4:25

Bi nín sòon̄ tin kɔkɔ làá bàń ubɔti Neebukadineesaar puee, míǹ ní an lafun jítì.

Daniel (hébreu) 4:32

Kitiŋ pu nib kɔkɔ kaa sá tiba u-cee. U yaa là puee ní u ŋáań ki tìì bin bí yilpuee nì bin bí kitiŋ puee. Ubɔ kaa ŋūǹ kí cúú u-ŋal kí bàlifì-u yii: «Ba ní a ŋáańee?»

Daniel (hébreu) 5:21

Bi jìn̄-u binib kansikin ní u kpántì kii upeelee. U nìn bí kumooun mammu kansikin, ní ki nìn ŋmóò timool kii unaayee. U nìn fùul̀ dimalindi ki cáa sāā ŋyunti ŋun u béè yii Yilpu Fɔ́ŋŋŋ Nimbɔtiu di cáá binib beeŋi kɔkɔ pu mpɔn, ní un u yaa lèe, u kàantí dibeelee.

Osée 1:2

Ti-Dindaan nín dī Ooseeya pu ki sòon̄ tibɔti tiŋyee sɔ̀. Ti-Dindaan nìn bí Ooseeya yii: «Cùú cáab́ kinimpulaakpaai ú màal̀-si kinimpulaakpaai biyaamu. Di sá yii kitiŋ nee nib cūtìi bíi jáaḿ awaa ki dū man bi-Dindaan ki fá kii kinimpulaakpaai nín féeń u-cal puee.»

Osée 13:6

A pée bàn̄ kunaakpaapɔɔunee ní a jíń ki díkí. Ama ŋyunti ŋun a jíń ki díkée ní a kɔ́ dilambilin. An pu ní a súntì man pu.

Osée 14:1

Samaarii yab fōō dibɔkpil ní ki máaǹ ditafadaaldi, kun puee bi jáń nì man bi-Nimbɔtiu. Kujaaun ní bi làá tin kpúnní, ní bí tāā kí mátí bi-bipɔmmu ní kí pùtī bi-pɔdambi.

Osée 2:16

An pu ní m làá gíiǹní u-landɔkɔŋu m-cee. M làá cáá-u kí cùnnì kuteeun ní kí sòoǹ án kɔ́ u-pɔbilin.

Osée 5:13

Ŋyunti ŋun Eefiraayiim yab ká yii bi būǹ ní Juuda beel yab ká bi-bunsooŋyee, ní Eefiraayiim yab nín cá Asuur tiŋkin ní ki tú binib bí cùú ká ubɔtikpaan. Ama u mun kaa ŋūǹ kí cáaǹ-naaa, kaa tí cáá ni-bunsooŋyi nyɔkɔŋu.

Osée 5:15

«M làá búntí, m làá nīn gítí m-dumpu kí dāá sāā ŋyunti ŋun bi làá béé bi-bɔkpil kí nyàab̀-mee. Bi-nimbinaamandi poonee, bi làá dāá nyàab̀-mi.»