Osée 2:5 - UNIMBƆTI NYƆƆBUNDI GBƆŊKU

⁵ An yaa kaa sá mimmee, m làá lòotī-u dicancaŋgbeel, ú gítí kii u nín nìn bí pu ŋwiin ŋun bi màl̄-uee. M làá yàntī u-tiŋki ń kpántí kii kuteeuee, ní kí dū-kì kí kpántí kitiŋkuliŋŋi. M làá yàntī nnyinnyoo ń kpɔ̀-u.

Osée 2:5 Iomraidhean Croise

Esaïe 1:21

An ŋá mana ní kitiŋ kin kaa nìn cáá tijɔkɔndee dūu kpántì kii kinimpulaakpaayee ní? Dooooyee, ki-nib nìn nóó ibaamɔn saŋŋu, ní ki nìn bí deedee. Ama kɔŋkɔnnee, binikpɔliibi di kíǹ ki gbí ki-ni.

Esaïe 50:1

Ti-Dindaan nín lī puee sèé: «Ni lì yii m jìn̄ ni-na Jeerusaleem. Too, dàkàmaan-mi kugbɔŋu kun dàkà yii m jìn̄-uee! Ni gíti lì yii m dū-ni ki nyáfì kii iyumbuee kí ŋmā kí pà m-pɔɔŋŋi. Too, tùkùmaan-mi un ní m dū-ni ki nyáfíǹee? Kpèèmaan, an sá ni-kpitii pu ní bi dū-ni ki nyáfì, an sá ni-yìntitam pu ní bi jìn̄ ni-na ki nyántì!

Jérémie 11:13

Juuda yab timmu nín wīikí puee, míǹ ní bi-waaŋi mun wīikí. Jeerusaleem daŋŋi nín wīikí puee, míǹ ní ki-saraafaŋyi mun wīikí. Bi tùutī i-pu saraabi ki tìì diwaal Baal din sá-bi icooyee.>

Jérémie 13:22

Niinee, a làá dāá bàlifì yii: <Ba di yì-tì ní nnaabu nee bāań-mi míǹ?> Too, bi yaa láa kóoǹ a-wɔndoou, ki bíi ŋáań-si tipɔmbɔtee, an sá a-kpitii nín wīikée pu.

Jérémie 2:20

Ti-Dindaan bí yii: «Isirayeel, dooooyee ní a yíkì kaa kíí a-ba pu. A kpītì mpèé ŋun nìn bí man nì si kansikinee ní ki bí yii: <Maa ti là kí nīn sá uyumbu>. Di sá yii ŋgbantamu mun fɔ̀kɔ̀ee kɔkɔ pu nì isufi in cáá tifaasɔnee taapu ní sii dɔ̀ ki ŋáań a-laakpaatuuŋŋi.

Jérémie 6:8

«Jeerusaleem, kpèè tiŋan, an yaa kaa sá míǹ, m làá cúú m-ba kí nákatí kí wàatī-si, kí nàan̄-si á kpántí kuteeu, kitiŋ kin báà ubɔ kaa ti kóòyee.»

Ezéchiel 16:35

«Too, Jeerusaleem kilaakpaai, pīlifì ti-Dindaan nyɔɔbundi.

Ezéchiel 16:39

M làá dū-si kí líiǹ a-bɔmbi. Bi làá gbá kí wìil̀ a-kumpooŋi ní kí bīil̀ a-waatootipaaŋyi. Bi làá cúú a-wampeeŋkaati kí pèetī ní kí gbākal̀-si a-wannyɔkɔntikaati tinyaandee kɔkɔ ní kí yàntī-si dicancaŋgbeel.

Ezéchiel 16:4

Daliŋkin bi màl̄-see, ubɔ kaa nìn gíí a-puluuŋmiiŋu. Baa nìn fùl̄-si nnyim kí ŋá-si circir. Baa nìn dū ŋyaam ki ŋmītì-si, ní kaa nìn tí dū sata ki bīiǹ-si.

Osée 1:2

Ti-Dindaan nín dī Ooseeya pu ki sòon̄ tibɔti tiŋyee sɔ̀. Ti-Dindaan nìn bí Ooseeya yii: «Cùú cáab́ kinimpulaakpaai ú màal̀-si kinimpulaakpaai biyaamu. Di sá yii kitiŋ nee nib cūtìi bíi jáaḿ awaa ki dū man bi-Dindaan ki fá kii kinimpulaakpaai nín féeń u-cal puee.»

Osée 2:2

Juuda beel yab nì Isirayeel beel yab làá dāá fàtīí ŋá ubaanti. Bi làá dāá lēē ubɔtibaanti ú nīn kpòotī-bi, ní bí dāá bùtī kí gbí bi-tiŋki kɔkɔ. Di sá yii an dāa sá Jisirayeel wiŋkpaaŋŋu dal ní.

Osée 2:8

«An pu ní m làá dū ikuŋkum kí pìin̄-u nsan, ní kí mā digundi kí màntīí tū-u ú taa ti ká nsan kí nyā.

Osée 3:1

Ní ti-Dindaan tùkū-mi yii: «Nín̄ gbíntìi néeń unimpu un nyáń a-boon ki cáá bɔɔnee. Nín̄ néeń-u kii man ni-Dindaan nín néeń Isirayeel yab puee, nì min kɔkɔ bi dū bi-ba ki tīī awaa ki néeń fiinyi biliŋ kalaabee.»

Osée 4:5

Ni làá dāá gbéetí kuwiŋkaŋu pu, bibɔnaatiliibi mun làá gbéetí kunyeeu kii nimbee, ní ḿ kpɔ̀ ni-na Isirayeel.

Osée 8:9

Di sá yii bi yíkìi cūtì Asuur tiŋkin, bi bí kii kumooun maŋki kin tú ki yìiǹ ki-babee ní. Eefiraayiim yab dá bibɔntiibi.

Osée 9:10

Ti-Dindaan lī yii: «Dooooyee, m nìn ká Isirayeel yab kii ɔliifi biliŋ ŋin bi kītì kuteeunee nín mɔ̄ puee ní. M nìn ká ni-naanjab kii difiigibipeepeekaal din bi kāntí bufiigisubu puee ní. Ama ni-naanjab nín nìn bāań Beeti-Peewɔɔree, bi nìn dū bi-ba ki líiǹ ticoobɔti. Bi ŋá mimmee ní m kíǹ ki ná-bi kii m nín ná diwaal din bi néeńee puee.

Amos 8:13

«Ŋwiin gbantee, bisapɔnnyaambi nì binaacimpɔmbi làá dāá kpú nnyinnyoo.

Juges 16:23

Dalbee, Fiiliistii yab bɔtiibee kpáfì ki ŋá saraakpaan ki tīī bi-waal Daagɔn. Bi nìn bí ki fàal̀ ki lì yii: «Ti-waal dū ti-nannanliu Samsɔn ki ŋá ti-ŋaan!»