Osée 2:4 - UNIMBƆTI NYƆƆBUNDI GBƆŊKU

⁴ Ní yíiń ni-na ibeeyiin, ní yíiń-u tibuul. Di sá yii waa ti sá m-nimpuu ní ma mun kaa ti sá u-cal. Ú lēē u-laakpaatuuŋŋi daanti u-nimbiin kí fá, ní kí lēē u-laakpaati daanti u-biiŋi kansikin!

Osée 2:4 Iomraidhean Croise

2 Rois 9:22

Ŋyunti ŋun ní Jooram nyáń Jeewuu puee ní u bālifì-u yii: «An mɔ̄ deeee, Jeewuu?» Ní Jeewuu kíí-u yii: «Mana ní a ŋūǹ kí bàlifì-mi míǹ? Sii a-ba nyí yii a-na Jeesabeel gbíntìi tòotī awaa ki ŋáań kukpaŋkpantiiu tuuŋŋi.»

Esaïe 27:11

Tikpaŋkpaal yaa kūń ki kɔ́fì kɔ́fèe, ní binimpoobi ń dāan̄ kí dū ŋŋmi kí sēē. Tiŋman ní, dinibul nee kaa gbìl̀ tibɔti taapu. An pu ní Unimbɔti un náań-bee kaa làá sɔ̄ bi-pu, un di máń-bee kaa làá sɔ̄ bi-saai.

Esaïe 50:1

Ti-Dindaan nín lī puee sèé: «Ni lì yii m jìn̄ ni-na Jeerusaleem. Too, dàkàmaan-mi kugbɔŋu kun dàkà yii m jìn̄-uee! Ni gíti lì yii m dū-ni ki nyáfì kii iyumbuee kí ŋmā kí pà m-pɔɔŋŋi. Too, tùkùmaan-mi un ní m dū-ni ki nyáfíǹee? Kpèèmaan, an sá ni-kpitii pu ní bi dū-ni ki nyáfì, an sá ni-yìntitam pu ní bi jìn̄ ni-na ki nyántì!

Esaïe 57:3

Sútiḿmaan doo nee, nimbi usoopu biyaamu. Ni sá bilaakpaadambi nì nlaakpaamu.

Jérémie 13:14

Man ni-Dindaan di bí yii m làá dū-bi kí yāŋkì tɔb kí kɔ̄fì, bibaatiibi nì mbiyaamu dicilpu. Maa làá tàan̄ báà ubɔ. Maa làá dàkà kulaŋŋaŋfitiiuaaa, kaa làá sɔ̄ isaa mun. Tiba nì tiba kaa làá cúú-mi ḿ taa nàan̄-bi.>»

Jérémie 16:5

Ti-Dindaan gíti bí-mi yii: «Á taa kɔ́ dicindi din poon ní binib kpáfì ki kā dikpoolee, kí taa cù dikpool. Á taa ŋá ubɔ fɔ̀ɔ́, di sá yii m cúú m-saasɔl nì m-ŋanti nì m-poommɔŋŋu ki fōō dinibul nee cee. Man ni-Dindaan di lī míǹ.

Ezéchiel 23:25

M nín gíí a-pu diŋuul diŋyee puee, bi làá jáǹ-si nì diŋuul poon. Bi làá gíí kí gùutī a-maŋfal nì a-tafaliŋ ní kí dū ntàataajimu kí púntí-si. Bi làá yòon̄ a-bininjabiyaamu nì a-nimpubiyaamu ní ŋŋmi ń wà kí céetí bin kíǹ ki bí dimaŋfalinee.

Ezéchiel 8:18

An puee, ma mun làá tɔ̄ m-tundi nì m-ŋuul poon. M làá dàkà-bi nnimbinaakulim kaa làá fīī-bi. Bi làá dāá kúuǹ mpɔn kí yíiń-mi, ama maa làá pīlifiǹ-bi.»

Ezéchiel 9:10

An puee m làá dàkà-bi nnimbinaakulim kaa làá sɔ̄ bi-saai. M làá yàntī kun bi ŋée ń fàtīí lítí bi-yil pu.»

Osée 1:2

Ti-Dindaan nín dī Ooseeya pu ki sòon̄ tibɔti tiŋyee sɔ̀. Ti-Dindaan nìn bí Ooseeya yii: «Cùú cáab́ kinimpulaakpaai ú màal̀-si kinimpulaakpaai biyaamu. Di sá yii kitiŋ nee nib cūtìi bíi jáaḿ awaa ki dū man bi-Dindaan ki fá kii kinimpulaakpaai nín féeń u-cal puee.»

Osée 1:6

Ní Goomeer gíti cáá dipool ní ki màl̄ kibinimpubiki ní ti-Dindaan bí Ooseeya yii: «Pɔ̄ kibikee diyindi yii Loo Ruwama, taapu di sá yii, Baa Là-mi, di sá yii maa ti làá dàkà Isirayeel beel yab dineendi, maa ti làá nīn pée néeń-bi.

Osée 5:7

Bi nyáń ti-Dindaan boon ki màl̄ mbiyaamu mun kaa sá u-yɔmuee. Too, an kaa ti làá bà uŋmal, án làá nàan̄ bi nì bi-tiŋki.

Zacharie 1:12

Ní ti-Dindaan tuuŋŋu bí yii: «Ti-Dindaan Mpɔŋkɔdaan, a nín fōō Jeerusaleem tiŋki nì Juuda timmu mun kíǹee pu diŋuulee, abin imuŋku ita nì saalaa sèé. Mimmee kí tin sāā ŋyunti ŋulɔŋu ní a làá sɔ̄ bi-saai?»

Jean 8:41

Ni-baa nín ŋáań puee, míǹ ní ni ŋáań!» Ní bi kíí-u yii: «Timbi kaa sá nnaayubiyaamu, ti-baa sá ubaanti ní, úǹ di sá Unimbɔti.» Ní Yeesu kíí-bi yii:

Romains 11:22

Nín̄ nyí Unimbɔti ŋanti nì u-tafadaaldi pu! U dáaĺ bin bin lítèe tafal, ní ki ŋá sii tiŋan. Á nīn gbíntìi bí u-ŋanti gbantin, an yaa kaa sá míǹ, see ú dāá gāā-si kí fá.

Romains 9:18

An dàkà yii Unimbɔti yaa là kí fīī binibaaa, u yaa tí là kí nyìŋfì bi-pɔbiliŋaaa, an bí úǹ cee ní.

Jacques 2:13

Sii un kaa súń a-jutiibi saayee, ibɔsoon dalee, Unimbɔti kaa làá dāá sɔ̄ si mun a-saai. A nín súń binib saayee di làá yàntī Unimbɔti ń dāá sɔ̄ si mun saai.