Nnyinnyoo nìn gbìl̄ Isirayeel yab ní bi bíi wòoǹ Mooyiisi yii: «Ba pu ní a yōoǹní-ti Eejipiti tiŋkin ní? A là nnyinnyoo ń kpɔ̀ ti nì ti-biyaamu nì ti-waŋkuti níii?»
Kitiŋ kɔ́ kunimbaaun ki bí ki kōō. Leebanɔn jool sufii bíi yɔ́l̀, ní icoo kɔ́-dì. Saarɔn tiŋki kpántì kii kuteeuee. Baasan tiŋki nì Kaarmeel jool kaa ti cáá isufi.
Niinee, a làá dāá bàlifì yii: <Ba di yì-tì ní nnaabu nee bāań-mi míǹ?> Too, bi yaa láa kóoǹ a-wɔndoou, ki bíi ŋáań-si tipɔmbɔtee, an sá a-kpitii nín wīikée pu.
Akpambal tú bi-tɔntɔnliibi bí cùú nyàabìń nnyim. Bi bàn̄ dinyimbɔbilinee, nnyim fóotì. Bi fātìi gítìń nì abɔkulim. Bi-wunti yɔ̄tì kunimbaau kɔ́-bi ní bi kíǹ ki tīī bi-yil.
U bí kii kisubiki kin cɔ́ kitiŋkuliŋŋi puee ní, kì pée kpá kí ká mmɔn. Kì làá nīn cɔ́ kuteeu taŋkpeeŋi kansikin, kitiŋ kin cáá ŋyaam ubɔ kaa kóò ki-puee ní.
«Nimbi waanee nib, ní pīlifìmaan tin ti-Dindaan sòon̄ nee tiŋan. M kpántì kuteeu ní ki tīī Isirayeel yabaaa, dibɔmbɔndi tiŋki ní? Kin ba pu ní m-nibul yab lì yii: <Ti làá cù laakin ti yaa lèe, taa làá fàtīí gítiń a-cee?>
Baa bālifì yii: <Ti-Dindaan un nyántìń-ti Eejipiti tiŋkinee, úǹ un kpōotì-ti kuteeun laakin kūń ki sá mbuŋgalimuee, ŋweel nì dibɔmbɔndi tiŋkee, kitiŋ kin báà ubɔ kaa kóòyee bí la?>
Ŋyunti ŋun a nìn bíi ŋáań ntimbiil nì alaakpaatuun gbantee, aa dākafì ki téetì a-sapɔnti yuntiŋu, ŋyunti ŋun ní a nìn bí dicancaŋgbeel ki dēē a-fatikuunee.
Min kamaa an bútì Eefiraayiim yab bi-nabiyaamu kansikinee, ŋwìiń nyalaŋki pú buŋku dòoń, ti-Dindaan buŋku làá nyānní kuteeu pú. Ku làá fáá nnyimbul pu ní ŋú fóotí ní dinyimbɔbil ń kpā, ní bí fūkul̀ laakin bi dū bi-gaajawammɔntiiti ki kpáafèe.
Iyin saalaa in a kée nì upeelee làá nīn ná kilaakpaayee ní. Bi làá dāá gbākal̀ tiwan tin kɔkɔ kā ki-wunti puee ní kí kíń dicancaŋgbeel, ní kí dāá ŋmɔ́ ki-nanti ní kí dū-kì kí wà ŋŋmi.
Ŋyunti gbantee nnyinnyoo nìn bàn̄-u tikpil, ní u tíminsì ki yíiń ti-Dindaan ki lī yii: «Sii di yāntì ní man a-tɔntɔnliu ká dijajikpaandi din bí nee. Mimmee kɔŋkɔnnee nnyinnyoo làá kpɔ̀-mi, ḿ kɔ́ bin kaa gífí nee ŋaanaaa?»