Osée 2:2 - UNIMBƆTI NYƆƆBUNDI GBƆŊKU

² Juuda beel yab nì Isirayeel beel yab làá dāá fàtīí ŋá ubaanti. Bi làá dāá lēē ubɔtibaanti ú nīn kpòotī-bi, ní bí dāá bùtī kí gbí bi-tiŋki kɔkɔ. Di sá yii an dāa sá Jisirayeel wiŋkpaaŋŋu dal ní.

Osée 2:2 Iomraidhean Croise

Esaïe 11:12

U làá dāá tīī atimbun kɔkɔ kudaaŋŋu, kí kpāafì-ŋi yii u làá fàtīí kóoǹní Isirayeel yab bin bi cūnnì kuyuŋuee, kí kpāfì Juuda naakookun yab bin kpátìi gbí duulinya jaaŋŋi kɔkɔnee.

Esaïe 50:1

Ti-Dindaan nín lī puee sèé: «Ni lì yii m jìn̄ ni-na Jeerusaleem. Too, dàkàmaan-mi kugbɔŋu kun dàkà yii m jìn̄-uee! Ni gíti lì yii m dū-ni ki nyáfì kii iyumbuee kí ŋmā kí pà m-pɔɔŋŋi. Too, tùkùmaan-mi un ní m dū-ni ki nyáfíǹee? Kpèèmaan, an sá ni-kpitii pu ní bi dū-ni ki nyáfì, an sá ni-yìntitam pu ní bi jìn̄ ni-na ki nyántì!

Esaïe 58:1

Ti-Dindaan di bí-mi yii: Téeń mpɔn, taa mɔ̄tì a-ba pu! Kúuǹ mpɔn kii dikantándee! Tùkù m-nibul di-yìntitam, tùkù Jaakɔb naantiibi bi-kpitii.

Jérémie 19:3

Á dāá lì yii: <Juuda yab bɔtiibi nì Jeerusaleem yab, pīlifìmaan ti-Dindaan nín sòon̄ puee. Ti-Dindaan Mpɔŋkɔdaan, Isirayeel yab Nimbɔtiu nín sòon̄ puee sɔ̀. M làá cáań nnaabukpaan ŋubɔ kí tɔ̄ mpaan nee pu. Bin yaa láa gbìl̄-tèe làá fàŋkì.

Jérémie 2:2

«Cù kí sòoǹ nì Jeerusaleem yab án kɔ́ bi-tafaliŋin. Man bi-Dindaan nín lī puee sɔ̀. M téetí a-pɔntinee, a nín nìn cáá m-pu dineeŋkpaandi diŋyee. Dineendi gbanti nìn bí kii unil nín néeń u-bɔɔn puee ní. A nìn nóó-mi kuteeun laakin tiba nì tiba nìn kpée.

Jérémie 3:1

Ti-Dindaan lī yii: Unil yaa jìn̄ u-nimpuu ní u yīkìi cūtìi mɔ́ǹ ubɔee, udaan gíti cáá nsan kí fàtīí fōoń-uaaa? Aayee! Di sá yii atuun gbanti pu ní kitiŋ kɔ́ tijɔkɔndi. Ama sii Isirayeel, a ŋá tilaakpaal nì bibɔntiibi tikpil ní ki bàà là kí fàtīí gítiń m-cee! Ti-Dindaan di lī míǹ.

Jérémie 3:13

Tin bée di sá yii á béé a-bɔkpil, béé yii a jáń nì man, a-Dindaan a-Nimbɔtiu. A cūtì ilaan kɔkɔ ki nyàab̄ awaa isuboon kɔkɔ taapui, ní kaa pílifì man nyɔkɔ. Ti-Dindaan di lī míǹ.>»

Jérémie 3:18

Ŋyunti gbantee, Juuda yab làá dāá cùú kpāfì nì Isirayeel yab, ní bi-kɔkɔ ń nyānní ŋgan pú tiŋkin dicilpu kí fàtīí gítiń kitiŋ kin m nìn dūu tīī bi-naanjab an nīn sá bi-fakalee poon.»

Ezéchiel 16:20

Jeerusaleem, a dū a-jipɔmbi nì a-bisalib bin a màl̄-mee ki ŋá saraa ki tīī awaa gbanti an kpántì ŋi-jinti. A-laakpaatuuŋŋi ŋin a ŋáańee kaa bàn̄-see,

Ezéchiel 16:25

A máń dikumpool disaŋkaŋkpil kamaa pu ní ki dū a-nyaaŋku ki ŋá ntimbiil tuuŋŋi. A dū a-ba ki tīī usanjitil kamaa ní ki mɔ̄tìi būtì a-laakpaati.

Ezéchiel 20:4

«Sii un sá nisaaleenee, a bɔ́ntì kí sòoǹ bi-bɔtaaa? Māafì-bi bi-baabi nín túń ntimbiil tuuŋŋi ŋiŋyee.

Ezéchiel 23:43

Niinee ní m bí yii: <Ki kpáaǹ un ní alaakpaatuun nùkū waa ti bí tibanee gbíntìi ŋáań tilaakpaal!

Ezéchiel 23:45

Ama deedeedambi làá sòoǹ kí kpɔ̀ binimpoobi gbanti bɔti yii bi nín ŋá tilaakpaal ki kūū binibee pu, di sá yii bi ŋá tilaakpaal ki kūū binib!

Osée 1:2

Ti-Dindaan nín dī Ooseeya pu ki sòon̄ tibɔti tiŋyee sɔ̀. Ti-Dindaan nìn bí Ooseeya yii: «Cùú cáab́ kinimpulaakpaai ú màal̀-si kinimpulaakpaai biyaamu. Di sá yii kitiŋ nee nib cūtìi bíi jáaḿ awaa ki dū man bi-Dindaan ki fá kii kinimpulaakpaai nín féeń u-cal puee.»

Osée 2:1

Ama Isirayeel yab làá dāá nīn wīikí kii tiŋku gbandi bul din baa ŋūǹ kí ŋmàntāaa, kaa ŋūǹ kí kàaǹee ní. Laakin ní Unimbɔti nìn tùkū-bi yii: «Naa ti sá m-nibulee», niin ubaanti ní u làá dāá yíiń-bi yii: «Dimaŋfal Nimbɔtiu biyaamu.»

Osée 2:5

An yaa kaa sá mimmee, m làá lòotī-u dicancaŋgbeel, ú gítí kii u nín nìn bí pu ŋwiin ŋun bi màl̄-uee. M làá yàntī u-tiŋki ń kpántí kii kuteeuee, ní kí dū-kì kí kpántí kitiŋkuliŋŋi. M làá yàntī nnyinnyoo ń kpɔ̀-u.

Osée 4:5

Ni làá dāá gbéetí kuwiŋkaŋu pu, bibɔnaatiliibi mun làá gbéetí kunyeeu kii nimbee, ní ḿ kpɔ̀ ni-na Isirayeel.

Michée 2:13

Un pìitī nsanee làá nīn līī ni-nyɔkɔpu. Ni tɔ́ ni-ba, dīmaan kipunyɔkɔ kí nyā. An sá ti-Dindaan ni-bɔtiu di līī ni-nyɔkɔpu ki kpòotī-ni.»

2 Corinthiens 5:16

An puee taa ti kpèé ubɔ nniyaamin. Ki kpáaǹ dooooyee ti yaa nìn kpèé Kriisitoo nniyaaminaaa, kɔŋkɔnnee taa ti kpèé-u míǹ.