Osée 2:12 - UNIMBƆTI NYƆƆBUNDI GBƆŊKU

¹² Tiŋman, m làá dāá bìitī u-cooi pu kí dàkà u-bɔmbi, ní báà ubɔ mun dāa kpá kí fōō-u m-ŋaan.

Osée 2:12 Iomraidhean Croise

Psaumes 80:12

Bu tɔ́ bu-paŋŋi ki tin bàn̄ Meediiteeranee tiŋkuu, ní bu-pambiyaamu tin bàn̄ Eefiraati mɔɔl.

Esaïe 29:17

An kíǹ fiii nàanyɔkɔ, Leebanɔn bambaŋku làá kpántí asubiŋmɔkaa kpaabu, ní asubiŋmɔkaa kpaabu ń kpántí kubambaŋŋu.

Esaïe 5:5

«Too, m làá tùkù-ni m nín làá ŋá m-kpaabu gbanti puee. M làá bàkatī bu-naabakaku ní tiwaŋkuti ń kɔ́ kí ŋmɔ́ fiinyee faati. M làá téé digundi din māntìi tú-buee kí lúkú ní bisanjitiliibi ń tāā tāā kí bīil̀-i.

Esaïe 7:23

Ŋyunti gbantee, bukpaa bun poon ní bi yaa láa cóoǹ fiinyi sufii kutuku, ní i-daaku sá animbil jitɔmbi kutukuee, ikuŋkum nì abɔjanaakun di dāa jīǹ bu-kɔkɔ.

Jérémie 13:26

An puee ma mun làá kóoǹ a-wɔndoou kí cáá sāā a-nimbiin pu, ní bí wāl̀ a-cooi.

Jérémie 26:18

«Ŋyunti ŋun Eeseekiyaasi nìn sá Juuda bɔtiuee, Unimbɔti bɔnaatiliu ubɔ nìn bí bi yíì-u Miisee, u sá Mooreeseeti tiŋkin. U nín tùkū Juuda nibul kɔkɔ puee sɔ̀. Ti-Dindaan Mpɔŋkɔdaan nín sòon̄ puee sèé: <Siiyɔn tiŋki làá dāá kpántí kii bukpaa bun bi kùn̄ee ní, Jeerusaleem làá dāá kpántí adigbun ŋma, ní kunimbɔtidii gbantaŋki ń kpántí kimɔgbaai.>

Jérémie 5:17

Bi làá dāá jī kí céetí ni-kpaajinti nì ni-jikaati, kí kpɔ̀ ni-jipɔmbi nì ni-bisalib, kí làntì ni-naai nì ni-piii nì ni-ŋoobui, kí nàan̄ ni-fiinyi nì ni-fiigi sufii. Bi làá dāá kpēelikì ni-timmu mun ni máń agun ki tú ki dàkafī yii tiba kaa ŋūǹ kí ŋá-nee kujaau poon.»

Jérémie 8:13

Ti-Dindaan bí yii: «An yaa ŋmāntì ḿ kìtī asubil bi-ceeyee, maa kāntí fiinyi pu abilaaa, kaa kāntí fiigi pu abil. Tifaal gba kūń, m làá dū-bi kí fìtīǹ bisanjitiliibi.»

Osée 13:8

M làá kpìl̄-si kii digbiŋgbil din ní bi cúú di-biyaamuee. M làá yā kí cátí a-bindi. M làá cúú-si kí tɔ̀ntī kii ugbikintinaatee dibɔbil pu niin, ní ipeel ń cúú-si kí tɔ̀ntī tɔ̀ntī.

Osée 2:5

An yaa kaa sá mimmee, m làá lòotī-u dicancaŋgbeel, ú gítí kii u nín nìn bí pu ŋwiin ŋun bi màl̄-uee. M làá yàntī u-tiŋki ń kpántí kii kuteeuee, ní kí dū-kì kí kpántí kitiŋkuliŋŋi. M làá yàntī nnyinnyoo ń kpɔ̀-u.

Osée 5:14

Di sá yii m làá nīn sá kii gbikintee ní Eefiraayiim yab cee, ní kí nīn sá kii digbikintipɔmbilee Juuda beel yab cee. Mama m-ba di làá tɔ̀ntī-ni, ní kí kpáaǹ-ni kí búntí, ní ubɔ mun dāa kpá kí fīī-ni m-ŋaan.»

Osée 9:1

Isirayeel, taa nín̄ fàal̀ kí lákatí mara pu kii atimbun ŋin kíǹee nín ŋáań puee. Di sá yii alaakpaatuun puee, a dū a-Nimbɔtiu ki fá, ki ŋá alaakpaatuun. A néeń kí fōō a-laakpaatuuŋŋi paati laakin kamaa ní bilee naapaaŋi bée.

Michée 3:12

Too, ni-puee, bi làá kpɔ̀ Siiyɔn tiŋki kii bi nín kù bukpaa puee, ní Jeerusaleem tiŋki ń kpántí adigbun ŋma, ní ikuŋkum ń nyā kí múkúǹ dijool din pu bi máń kunimbɔtidii ki tɔ́kɔ́ǹee.