Osée 2:1 - UNIMBƆTI NYƆƆBUNDI GBƆŊKU

¹ Ama Isirayeel yab làá dāá nīn wīikí kii tiŋku gbandi bul din baa ŋūǹ kí ŋmàntāaa, kaa ŋūǹ kí kàaǹee ní. Laakin ní Unimbɔti nìn tùkū-bi yii: «Naa ti sá m-nibulee», niin ubaanti ní u làá dāá yíiń-bi yii: «Dimaŋfal Nimbɔtiu biyaamu.»

Osée 2:1 Iomraidhean Croise

Genèse 22:17

m làá bìin̄ a-boon tikpil. M làá bùtī a-maaliŋu ŋú nīn wīikí kii iŋmalbijaa nín kpátì kutaa pu puee, kí nīn wīikí kii tiŋku gbandi bulee. A-naantiibi di làá nīn pée pɔ̄ɔǹ bi-nannanliibi.

Jérémie 31:33

Ti-Dindaan bí yii: «Dipoompɔndi din m làá dāá líí Isirayeel yab ŋwiin gbantee sɔ̀. M làá dāá dū m-marab kí ŋmà kí ŋá bi-landɔkɔyin, kí ŋmà-bi kí ŋá bi-pɔbilin. Man làá dāá nīn sá bi-Nimbɔtiu ní bíǹ ń nīn sá m-nibul.

Jérémie 32:38

Niinee bi làá fàtīí nīn sá man nibul, ní man ń nīn sá bi-Nimbɔtiu.

Jérémie 51:5

Di sá yii ikpiti in bi ŋá Isirayeel circir Nimbɔtiuee gbí bi-tiŋki. Ama Isirayeel nì Juuda Nimbɔtiu un sá ti-Dindaan Mpɔŋkɔdaanee kaa kpíì ki fá-bi.

Ezéchiel 11:20

Án nín làá ŋá pu ní nóó m-bɔkpaaŋi kí nīn ŋúb́ m-koobiliŋ kí ŋá kii ŋi nín bí yii ní ŋá puee. Ni làá nīn sá m-nibul ní man ń nīn sá ni-Nimbɔtiu.

Ezéchiel 36:11

Binib nì tiwaŋkuti làá bùtī. Ni làá nīn wīikí ní kí màal̀ mbiyaamu tikpil. Kitiŋ nee làá fàtīí ká ki-nib kii an nín nìn bí pu dooooyee, ní kí yàntī án bútí-ni kí jītíǹ dooooyee. Niinee ni làá béé yii man di sá ni-Dindaan.

Ezéchiel 36:28

Niinee ni làá ŋmā kí kɔ́ kitiŋ kin ní m tīī ni-naanjabee poon. Ni làá nīn sá m-nibul ní man ń nīn sá ni-Nimbɔtiu.

Ezéchiel 37:27

M làá nīn kóò ni-kansikin. M làá nīn sá ni-Nimbɔtiu ní nimbi ń nīn sá m-nibul.

Osée 2:2

Juuda beel yab nì Isirayeel beel yab làá dāá fàtīí ŋá ubaanti. Bi làá dāá lēē ubɔtibaanti ú nīn kpòotī-bi, ní bí dāá bùtī kí gbí bi-tiŋki kɔkɔ. Di sá yii an dāa sá Jisirayeel wiŋkpaaŋŋu dal ní.

Osée 2:23

Ti-Dindaan nín lī puee sɔ̀. Ŋwiin gbantee, m làá dāá nīn sá Unimbɔti un fòol̄ ŋwimmeemee. M làá dāá tīī kutagbɔŋu kun ku nyàab̀ m-ceeyee, ní kutagbɔŋu mun ń dāá tīī kitiŋ ntaanyim min kì nyàab̀ ku-ceeyee.

Zacharie 13:9

M làá fíntí bin kíǹ kaa kpíì gbantee jɔkɔnti kí cɔ̄ŋkì kí kpèè kii bi nín dù tikúti nì sindaariya kí ŋá ŋŋmin kí cɔ̄ŋkì kí kpèè puee ní. Niinee bi làá dāá yíiń-mi ní man ḿ dāá kíí-bi. M làá dāá lì-bi yii bi sá <m-nibul> ní bi mun ń dāá lì-mi yii: <M-Nimbɔtiu di sá m-Dindaan.>»

2 Corinthiens 4:1

An sá tiŋan ní Unimbɔti ŋá-ti ní ki dū ditundi nee ki ŋúbiǹ-ti. An pu ní ti-wunti kaa yɔ̀tī di-pu.

1 Timothée 1:13

Nì min kɔkɔ m nìn sòoǹ u-pu min kaa kítèe ki sàantí u-yab ki wɔ́b̀-bee, Unimbɔti súń m-saai, kun puee maa nìn fōō Yeesu ki kíí, kaa nìn nyí yii m bíi yìntī.

1 Pierre 2:10

Dooooyee, naa nìn sá Unimbɔti nibul, ama kɔŋkɔnnee ni kpántì u-nibul. Dooooyee, naa nìn nyí yii Unimbɔti sūǹ binib saai, ama kɔŋkɔnnee u súń ni-saai ni béè.