Osée 13:9 - UNIMBƆTI NYƆƆBUNDI GBƆŊKU

⁹ Kɔŋkɔnnee Isirayeel, an nāaǹ-si! Too, man baba di bàà ŋūǹ kí jòoń-si?

Osée 13:9 Iomraidhean Croise

2 Chroniques 28:23

U nìn ŋá saraabi ki tīī Damaasi waaŋi ŋin nìn jáń ki pɔ́ɔkiǹ-uee. Di sá yii u nìn lī yii: «Asuur yab waaŋi nín tútúǹ Asuur bɔtiibi puee, m làá ŋá saraa kí tīī-ŋi ŋí tūtuǹ ma mun.» Ama awaa gbanti di nìn mɔ̄tìi nāaǹ u nì Isirayeel yab kɔkɔ.

Psaumes 146:5

Un jòońliu sá Jaakɔb Nimbɔtiu ní udaan máká ti-Dindaan u-Nimbɔtiu puee bí mmɔnneeee!

Psaumes 33:20

Timbee, ti máká ti-Dindaan pu ní. Úǹ di tútúǹ-ti ní ki sá-ti digbampɔɔl.

Psaumes 46:1

Koora dicaŋkun yab laŋgaakpiliu laŋŋu, bi gà-ŋu nì kineejaka ní.

Proverbes 6:32

Uninja un di yaa ŋá tilaakpaal nì ubɔ nimpuuee kaa cáá diyil. Un di ŋáań mimmee bíiĺ u-ba ní.

Proverbes 8:36

Ama unil un yaa kaa ká-mee tìì u-ba ní tiweendi. Bin kɔkɔ ná-mee néeń ŋkúm ní.»

Esaïe 3:11

Ama mbusu dɔ̄ ki cí binikpitib, tiba pée kpá kí nīn ŋān̄ ki tīī-bi. Di sá yii bi-tuuŋŋi paati ní bi làá fōō.

Esaïe 3:9

Bi-nimbikpeeŋu di sòoǹ ki kù bi-bɔti. Bi sòoǹ bi-kpitii pu mpaampiin pu kii Soodoom tiŋki yab nín nìn ŋáań puee, baa bāal̀ i-pu binib cee. Bíǹ bi-ba naabuŋu ní bi bíi bɔ́ntí!

Jérémie 2:17

Isirayeel, tíǹ gbanti kɔkɔ kaa nyánní a-ceeee? Man a-Dindaan a-Nimbɔtiu nìn ŋúb́-si ní ti còom̄, ama ní a dū-mi ki fá.

Jérémie 2:19

Fōō ikpiti in a ŋée tafadaaldi! A nín kaa yúl̀ nì mi deedeeyee kpuulool ń gítí a-pu! Ŋyunti gbantee, a làá wāl̀ kí béé yii unil yaa dū man u-Dindaan u-Nimbɔtiu ki fée, u jīǹ falaa ní án píĺ-u fíŋfiŋfiŋ. Tiŋman, aa ti kpáàa fàŋkí-mi.

Jérémie 4:18

Jeerusaleem, a-bimbim pu ní tin bí nee kɔkɔ bāań-si. Tiŋman, a-naabuŋuee lafun pɔ̄ɔ̄. Ŋu kɔ́-si fíŋfiŋ.»

Jérémie 5:25

An sá ni-kpitii di pìkil̄ tin Unimbɔti bɔ́ntì ki síiǹee, ni-yìntitam di pìintí tiŋan gbanti nsan.

Osée 13:4

Doooo Eejipiti tiŋkin ní man sá a-Dindaan a-Nimbɔtiu. Aa ti nyí Unimbɔti ubɔ ki kútì man pu, ufiil ubɔ mun kaa ti bí laaba, asee man baba.

Osée 14:1

Samaarii yab fōō dibɔkpil ní ki máaǹ ditafadaaldi, kun puee bi jáń nì man bi-Nimbɔtiu. Kujaaun ní bi làá tin kpúnní, ní bí tāā kí mátí bi-bipɔmmu ní kí pùtī bi-pɔdambi.

Osée 7:14

Baa kūuntí ki yíì-mi mbaamɔm, ama ní bi dɔ̄ bi-dooŋu pu ki yáliŋkí. Bi cáá njimu ki gífí bi-ba kí ŋmā kí ká tijin nì ndaam. Baa nyí yii bi yaa bíi ŋáań mimmee, bi bíi jáà nì man dee.

Osée 7:15

Man di kpōotì-bi ki tīī-bi mpɔn, ama nì míǹ kɔkɔee, bi dàkafī m-pu ilandɔkɔkpiti ŋma ní.

Malachie 1:12

Ama nimbi di kpèé diyindi gbanti fám ŋyunti ŋun ní ni lì yii: <Ti-Dindaan saraafaŋŋu kɔ́ tijɔkɔndi, ní tijin tin bi pāantí ŋu-puee kaa náaǹ.>

Malachie 1:13

Ni lì gba yii: <An ŋman sá faalaa tundi ní!> Ni kpèé ki sìŋkīǹ man ni-Dindaan Mpɔŋkɔdaan. Ni cāabìń tiwaŋkuti tin ni yùn̄ee nì tin laaba wɔ̀b̄ee nì tin būǹee ki ŋáań-mi saraa. Mana ní m ŋūǹ kí fōō an saraabee?

Malachie 1:9

Ni yaa ŋá míǹ ki dóòyee ní ni dòoń ki gbàam̄ man Unimbɔti yii ḿ sɔ̄ ni-saai! Ni dàkafī yii m làá fōō-ni tiŋanaaa?> Ti-Dindaan Mpɔŋkɔdaan di bàlifī-ni míǹ.

Deutéronome 33:26

Ní Mooyiisi nìkī ki lī yii: «Yeesurun Nimbɔtiu kaa cáá juti. Úǹ di sá ukpaan ki kāń atagban pu ki jàkàń ki pùntī kutaa kí dāá jòoń-si.

Deutéronome 33:29

«A bí mmɔnneeee Isirayeel! Ŋma di bí kii sii dinibul din ní ti-Dindaan fīīyee? Ti-Dindaan di sá a-gbampɔɔl, ki sá un tútúǹ-see. U sá kitàataajiki kin tìì-si dijajilee. A-nannanliibi làá dāá gbàan̄ a-nimbiin ní á dāá tāā bi-waapaaŋyi pùb.»