Osée 13:8 - UNIMBƆTI NYƆƆBUNDI GBƆŊKU

⁸ M làá kpìl̄-si kii digbiŋgbil din ní bi cúú di-biyaamuee. M làá yā kí cátí a-bindi. M làá cúú-si kí tɔ̀ntī kii ugbikintinaatee dibɔbil pu niin, ní ipeel ń cúú-si kí tɔ̀ntī tɔ̀ntī.

Osée 13:8 Iomraidhean Croise

2 Samuel 17:8

Sii a-ba nyí a-baa nì u-naacimbi pu. Bi sá bibaatandambi ní. Bi fōō mbum kii digbiŋgbil din biki an cúú kupɔɔunee ní. A-baa sá ujanjal ní. Waa làá kíí kí dòon̄ u-yab cee kunyeeu nee.

Psaumes 50:22

Nimbi bin súntí man Unimbɔti puee, ní gbìl̄maan tibɔti gbanti taapu! An yaa kaa sá míǹ, m làá tɔ̀ntī-ni, ní ubɔ dāa kpá kí fīī-ni.

Psaumes 80:13

Ba pu ní a yāntì digundi din māntìi tú-buee bátì bátì ki lítì, ní bisanjitiliibi kɔkɔ kìtī bu-biliŋ?

Proverbes 17:12

Á tū digbiŋgbil din biyaamu bi cúúyee nsanni sɔ́ǹ ugbaan un bí ki tūǹ agbaantuunee.

Esaïe 5:29

Bi mùuǹ kii ugbikintinaatee, ki gà kuwoou kii ŋgbikintibiyaamu nín sūǹ puee. Bi mùuǹ kí cúú bi-jinti kí kpáàá cáá búntí, ní báà ubɔ kpá ki làá cúú-tì kí fōō bi-ŋaan.

Esaïe 56:9

Nimbi ipeel in kɔkɔ kóò tisatinee, nimbi ipeel in kɔkɔ kóò kubambaŋŋunee, dāá jīmaan tijineeee!

Jérémie 12:9

Bin nìn sá man yabee kpántì kii kinɔmbiki kin ŋān̄, ní ikaabu gbáb́ ki bīiǹ ki-puee. Ní cùmaan kí kóoǹ ipeel kí kpāfì, í dāan̄ kí jī jiŋaal.

Jérémie 25:38

Gbikinti nyáń u-mɔgbaakin. Kujaau kun poon baa sūǹ ubɔ saayee nì ti-Dindaan ŋuukpaandi puee, bi-tiŋki kpántì kuteeu.

Osée 2:12

Tiŋman, m làá dāá bìitī u-cooi pu kí dàkà u-bɔmbi, ní báà ubɔ mun dāa kpá kí fōō-u m-ŋaan.

Osée 5:14

Di sá yii m làá nīn sá kii gbikintee ní Eefiraayiim yab cee, ní kí nīn sá kii digbikintipɔmbilee Juuda beel yab cee. Mama m-ba di làá tɔ̀ntī-ni, ní kí kpáaǹ-ni kí búntí, ní ubɔ mun dāa kpá kí fīī-ni m-ŋaan.»