Osée 13:6 - UNIMBƆTI NYƆƆBUNDI GBƆŊKU

⁶ A pée bàn̄ kunaakpaapɔɔunee ní a jíń ki díkí. Ama ŋyunti ŋun a jíń ki díkée ní a kɔ́ dilambilin. An pu ní a súntì man pu.

Osée 13:6 Iomraidhean Croise

Néhémie 9:35

Bíǹ bin nìn kā bi-beelin, ki cáá tiwammɔntiil tin kɔkɔ a nìn tīī-bee, nì kitiŋ kin wāā ki cáá ntiŋkpam a nìn cáá-bi ki kɔ́ǹ poonee, baa nìn nóó-si, kaa nìn fātì bi-boon ki tīī bi-tuŋkpitiŋ.

Psaumes 10:4

Ukpitiŋal nín yòontí u-ba yilpu puee, waa dū Unimbɔti ki yíiń tiba. U nín dàkafī puee di sá yii: «Unimbɔti kaa cáá mpɔn ŋubɔ.»

Proverbes 30:9

Di sá yii m yaa sá ugaajee, m fàtī m-boon kí tīī-si ní kí lì yii: «Ŋma di sá ti-Dindaan ní?» M yaa tí sá usoodaanee, m ŋūǹ kí cùú yɔ̀ ní kí bīil̀ sii m-Nimbɔtiu yindi.

Esaïe 17:10

Isirayeel, a súntì Unimbɔti un fīī-see pu. Aa ti téetí ditaŋkpal din a sáǹ ki kɔ́ee pu. An pu ní a cóoǹ isufi in cáá kunyaaŋŋuee, ní ki búĺ asubil ŋin di nyánní ntincamunee.

Jérémie 5:7

«Jeerusaleem, mana ní m ŋūǹ kí dū a-kpitii kí pɔ̄-si? A-jipɔmbi dū-mi ki fá, ki pùtī awaa ŋin kaa sá Unimbɔtee. M tīī-bi tin kɔkɔ máaǹee, ama ní bi ŋá tilaakpaal, ní ki kpákà kinimpulaakpaai pu.

Ezéchiel 23:35

An puee man a-Dindaan Unimbɔti nín sòon̄ puee sɔ̀. A nín súntì m-pu ki fātì a-boon ki tīī-mee puee, a làá fōō a-jɔkɔntuuŋŋi nì a-laakpaatuuŋŋi paati.>»

Ezéchiel 28:5

A nín nyí dibàntil tundi tikpil puee, a kútì a-gaajati pu ní an yōoǹ-si.

Osée 10:1

Isirayeel beel nìn sá bufiinyisubu bun nìn lòoǹ abil tikpilee ní. U yaa nìn lòon̄ abil tikpilee, míǹ ní u nìn māā isaraafan mun tikpil. An yaa nìn bútì u-tiŋkee, míǹ ní u nìn nyāantí u-taŋkpacooŋkaaŋi.

Osée 12:8

«Kii Kanaan yab nín bí puee, míǹ ní sii Eefiraayiim mun bí, a ŋúb́ saniya un kaa sá umɔntee. A néeń ki mùul̄ binib

Osée 2:13

M làá dāá kúntí u-faalii, nì u-jiŋaalib nì u-jiŋaalib bin u jīǹ uŋmapɔɔn yaa páaǹee, nì u-wiŋŋuŋfikaai nì u-jiŋaalib bin kɔkɔ pée kíǹ u jīǹee.

Osée 2:7

Tiŋman, mu-na dū u-ba ki líì nì alaakpaatuun. Un di màl̄-muee ŋá ticoobɔti. Di sá u lī yii: «M làá nóó m-bɔmbi bin tìì-mi m-jinti nì m-nyɔkaati, nì ipii kuti nì gulfamɔnti wampeeŋkaati nì m-kpam nì m-daamee.»

Osée 4:6

M-nibul kúù kun puee di lóò dinyil. Kii ni nín fātì ni-boon ki tīī dinyilee puee, ma mun làá fàtī m-boon kí tīī-ni ní naa ti làá nīn sá m-saraaŋaliibi. Ni súntì mama, ni-Nimbɔtiu marau puɔɔ! Ma mun làá súntí ni-jipɔmbi pu.

Osée 4:7

Kii bisaraaŋaliibi nín būtì tikpil tikpil puee, míǹ ní bi yīntiǹ-mi mun. M làá yàntī tin nìn tìì-bi tinyoolee ń kpántí-bi ticoobɔti

Osée 5:14

Di sá yii m làá nīn sá kii gbikintee ní Eefiraayiim yab cee, ní kí nīn sá kii digbikintipɔmbilee Juuda beel yab cee. Mama m-ba di làá tɔ̀ntī-ni, ní kí kpáaǹ-ni kí búntí, ní ubɔ mun dāa kpá kí fīī-ni m-ŋaan.»

Osée 7:14

Baa kūuntí ki yíì-mi mbaamɔm, ama ní bi dɔ̄ bi-dooŋu pu ki yáliŋkí. Bi cáá njimu ki gífí bi-ba kí ŋmā kí ká tijin nì ndaam. Baa nyí yii bi yaa bíi ŋáań mimmee, bi bíi jáà nì man dee.

Osée 8:14

«Isirayeel beel yab máń adinyaan ní ki súntì bi-náanliu pu. Juuda beel yabee, bíǹ máń agun ní ki tú bi-timmu. Ama m làá yàntī ŋŋmi ń wà bi-timmu gbanti, ní kí wà bi-dinyaaŋŋi mun.»

Osée 8:4

Bi kāaǹ bi-bɔtiibi kaa bālifì m-pu. Bi lēē bi-kpilib kaa tùkū-mi. Bi dū bi-nimbiliŋ nì bi-sindaariyab ki mɔ́ɔ́ awaa ŋin làá nàan̄-bee.

Deutéronome 32:18

«Isirayeel, a súntì a-taŋkpanaakooku pu, a súntì un màl̄-see pu, kaa ti dū Unimbɔti un tīī-si dimaŋfalee ki yíiń tiba.»