Osée 13:3 - UNIMBƆTI NYƆƆBUNDI GBƆŊKU

³ An pu ní bi làá nīn bí kii ditaafaapɔ̀ńdee, a lì kii ditaafaamalindi nín wáŋkí pu malaayee. Bi làá nīn bí kii tifeel nín yíkí pu kí cù ndandati kí wàatī dibileenaapaal puee ní, àá kii ŋŋminyiim nín nyēē mbùń ŋubɔ poon puee ní.

Osée 13:3 Iomraidhean Croise

Yoob 21:18

Baa bí kii kumoou kun kubuŋu yòontée, kaa tí bí kii kukpɔŋkpɔŋu kun kunaakpaabuŋŋu yòontée!

Yoob 30:15

Dinyoondi kùl̄ ki kāl̀ m-pu, ki ŋātì m-nyooti kii kubuŋuee. M-jajil mákal wáŋkì kii ditagbandee.

Psaumes 1:4

Ama an kaa bútí binikpitib míǹ báà fiii. Bíǹ bí kii tifeel tin kubuŋu yòontí ki féeńee ní.

Psaumes 68:2

Unimbɔti ń yīkì u-nannanliibi ń yàl̄, bin ná-uee ń sāǹ u-nimbiin.

Esaïe 17:13

Atimbun gbanti wooku náań nì nnyiŋkpaam wooku ní. Ti-Dindaan kpìl̄-mì ní mì sáǹ ki nín cá ndandati, a lì kii dijool pu buŋku nín yòontí timɔkulindi ki féeń puee, kii kubuŋu nín yòontí kikuŋkumbɔŋ biliŋ puee, a lì kii kubuŋkpaaŋŋu nín yòontí kukpɔŋkpɔŋu puee.

Daniel (hébreu) 2:35

Dicilpu niinee ní dì nàn̄ tikúti nì kuyɔkɔu nì tasa kúti nì animbil kúti nì sindaariyee dúsi dusi ní kubuŋu yōoǹ, a lì kii dipeel pu bi nín yaa bíi càatī idi dinaapaal pu kubuŋu yòontí tifeel puee, kaa yāntì báà tiba nì tiba. Ama ditaŋkpal din yá kunaŋuee díǹ kpántì dijookpaŋkpaandi ní ki jíń mpaan kitiŋ kɔkɔ pu.

Osée 6:4

Ama ní ti-Dindaan kíí yii: «Ḿ ŋá-si mana ní, Eefiraayiim? A là ḿ ŋá-si mana ní, Juuda? Dineendi din ni cáá m-puee bí kii ditaafaapɔ̀ńdee ní, a lì kii ditaafaamalindee, an kaa pée súŋkí ní kí wāŋkì.

Sophonie 2:2

kí wàatī ní ní nín kpántí kii timool tin kubuŋu yòontí ki féeń ŋwimbaantee. Ti-Dindaan bum làá dāá jēetí ni-pu. Ti-Dindaan ŋuukpaandi wiiŋŋu làá dāá jēetí ni-pu.

Zacharie 8:12

Di sá yii bi làá dāá kpɔ̀ kí bɔ̄l̀ ŋgbansɔŋfin. Fiinyib làá dāá lòoǹ fiinyi biliŋ, ní kitiŋ ń dāá lòoǹ tikpaajin, ní kutagbɔŋu ń dāá tīī ntaanyim. M làá dāá dū tin bí nee kɔkɔ kí tīī m-nibul din kíǹ nee.