Osée 13:2 - UNIMBƆTI NYƆƆBUNDI GBƆŊKU

² Díǹ pu nee, bi dáá gbíntìi nìkì ki ŋáań ikpiti. Bi dūntì bi-nimbiliŋ ki dūu mɔ́ɔ́ awaa, awaa ŋin ní bíǹ bi-ba dākafì ki mɔ́ɔ́yee. An sá uwammɔ́ɔl tuuŋŋi aba ní, awaa gbanti pu ní bi lì yii: «Tí ŋámaan saraabi kí tīī-ŋi!» Binib móotí anabil ki ŋáań saraabi.

Osée 13:2 Iomraidhean Croise

1 Rois 19:18

Ama m làá kíń Isirayeel tiŋkin binib kutukub biluli, an dàkà yii bin kɔkɔ tabiŋyiliŋ kaa gbāaǹ diwaal Baal nimbiin kaa móotì-dèe.»

2 Chroniques 28:13

Bi nìn bí-bi yii: «Ní taa cáań bisarkadambi nee doo! An yaa kaa sá míǹ, ni làá yàntī tí ŋá ikpitikpaan ti-Dindaan nimbiin. Ni là kí gíti kūtì ti-kpitii nì ti-yìntitam pu níii? Di sá yii ti-kpitii náaǹ ti-Dindaan nimbiin ní u-ŋuul dàn̄ Isirayeel yab pu.»

2 Chroniques 33:23

Ama úǹ kaa nìn sīntiǹ u-ba taapu ti-Dindaan nimbiin kii u-baa Manasee nín nìn sīntiǹ u-ba taapu puee. Úǹ nìn gíti ŋá ikpiti ki jítiǹ u-baa gba.

Psaumes 2:12

Ní gbàam̄maan u-nimbiin, an yaa kaa sá míǹ u làá gíí diŋuul, ní kí nàan̄-ni dicilpu niin! Ama bin kɔkɔ sáǹ ki kɔ́-uee bí mmɔnneeee!

Esaïe 1:5

Ni nín gbíntìi jáà nì u nee, ni-la ní u làá gíti fáá ní? Diyil kɔkɔ fōō tiweendi, dipɔbil kɔkɔ gīī ki yúl̀.

Esaïe 30:1

Ti-Dindaan di lī yii: «Mbusu dɔ̄ ki cí nimbi pɔɔgaatib. Ni bɔ́ntí kí ŋá tin kaa nyánní m-ceeyee. Ni ŋáań ipèé in kaa kā m-naŋki puee, ní ki ŋáań ikpiti ki kútí ikpiti pu.

Esaïe 44:11

Kpèè, icoo làá cúú bin kɔkɔ nóó diwaal gbantee. Bin máń diwaal gbantee mun pée sá binib ní. Bi-kɔkɔ ń kóoǹní kí kpāfì kí dāan̄: dinyoondi làá kɔ́-bi ní icoo ń cúú bi-kɔkɔ!

Esaïe 45:20

Ní kpāfìmaan kí dāan̄, nimbi bin ŋmátì ki nyáń atimbunee. Ní sútí kí pìl̄maan dicilpu. Binib bin tú bi-waakpitikaaŋi, ki mèé unimbɔti un kaa ŋūǹ kí fīī-bee, bidambi kaa nyí tiba.

Esaïe 46:6

Binib fùtīń sindaariya bi-lɔtin. Bi ŋmàntī animbil kúti saniya pu. Bi cáa tìì goosimiiti yii ú mɔ́ɔ́-bi diwaal. Boonee ní bi gbàantí di-nimbiin ki jáaḿ-dì.

Esaïe 46:8

Téetímaan tin bí nee pu kí ká kunyannyaau! Pɔɔgaatib, ní kɔ́maan ni-ban kí dàkafì!

Jérémie 10:4

U dù animbil kúti nì sindaariya kí nyɔ̀kɔntì-dì, ní kí dū dikújal nì mpiin kí kpáá-dì kí nákań, dí nīn pɔ̄ɔ̄ kí taa nín̄ cìŋkī.

Jérémie 10:8

Bi-kɔkɔ nín bí pu nee, ugàntil kpá, bi sá bigbaambi kaa nyí tiba. Bi-waaŋi kaa ŋūǹ kí dàkà-bi tiba, di sá yii ŋì sá idɔ ní.

Jérémie 8:5

Ama ba pu ní Jeerusaleem yab yīntì nsan, ní ki gbíntìi nìkì ki fàtī bi-boon ki tìì man ní? Binib gbanti dū bi-ba ki yá ki nákáǹ awaa ní ki yíì kaa là kí fàtīí gítiń m-cee.

Osée 10:1

Isirayeel beel nìn sá bufiinyisubu bun nìn lòoǹ abil tikpilee ní. U yaa nìn lòon̄ abil tikpilee, míǹ ní u nìn māā isaraafan mun tikpil. An yaa nìn bútì u-tiŋkee, míǹ ní u nìn nyāantí u-taŋkpacooŋkaaŋi.

Osée 10:5

Samaarii yab fàŋkí tin làá bàń Beeti-Aween nabil puee. Dinabilee nibul nì di-saraaŋaliibi bíi ŋáań di-kpool. Bi nìn fàal̀ di-nyaaŋku pu, too, bi yōoǹ-dì ki cáa búntì.

Osée 11:2

Ama míǹ boonee, m yaa gíti yíiń-uee, u kíǹ ki sáń-mi ní. Bi ŋáań saraabi ki tìì awaa ŋin bi yíì Baalee, ní ki tùutī talaalub ki tìì awaakpitikaa.

Osée 11:6

An pu ní kujaau tùm̀ bi-timmun dàii, ku bíiĺ bi-timmu punyɔmmu, ki làá kpɔ̀ kí céetí bin kóò mu-nee bi-saŋkpitii pu.

Osée 14:3

Gítiḿmaan ti-Dindaan cee kí kpáaǹ anyɔɔbun nee kí tin tùkù-u yii: «Dū ti-kpitii kí pɔ̄-ti, ní kí fōō tin ŋān̄ ti cáa ŋáań-si saraayee. An nín bàà sá tí dū anabil kí ŋá-si saraayee, ti làá dū ti-nyɔmmu poon nyɔɔbuŋŋi ní kí ŋá-si saraa.

Osée 2:8

«An pu ní m làá dū ikuŋkum kí pìin̄-u nsan, ní kí mā digundi kí màntīí tū-u ú taa ti ká nsan kí nyā.

Osée 4:17

Eefiraayiim yab nì awaa ŋá mpèé. Yàntī-bi.

Osée 8:4

Bi kāaǹ bi-bɔtiibi kaa bālifì m-pu. Bi lēē bi-kpilib kaa tùkū-mi. Bi dū bi-nimbiliŋ nì bi-sindaariyab ki mɔ́ɔ́ awaa ŋin làá nàan̄-bee.

Osée 8:5

Samaarii yab, maa là m-nimbil ń ká ni-nabil. Ni yāntì m gíí ni-pu diŋuul. Kí cáá sāā ŋyunti ŋulɔŋu ní m làá ká yii naa ti bí ikpitin?

Osée 8:6

Ni-nabil gbantee nyánní Isirayeel beelin ní. Unil di máń-dì, dàa sá Unimbɔti. Tiŋman, Samaarii nabil gbanti làá nà ní dúsi dusi.

Nombres 32:14

Nimbi binikpitib nee làá nóó ni-baabi tabɔbiliŋ kí gbítí ti-Dindaan ŋuul Isirayeel yab puɔɔɔ?

Romains 11:4

Unimbɔti nìn kíí-u yii ba ní? U nìn bí yii: «M kpáafì binib kutukub biluli, bi sá m-yab. Bidambi tabiŋyiliŋ kaa gbāaǹ diwaal Baal nimbiin.»

Romains 2:5

Di sá yii a nín pɔ́ɔkí a-pɔbil pu ki yíití, kaa là kí kpántí a-bimbimee, a mɔ̀tīi kútí a-ba ditafadaaldi din a làá fōō Unimbɔti ŋuul dalee, ŋwiin ŋun Unimbɔti làá dāá dū ibaamɔn kí sòoǹ binib bɔtee ní.

2 Timothée 3:13

Ama bitɔŋfitiibi nì bikiililiibee làá nīn mɔ̀tīi múl̀ ki kóò tin kaa ŋān̄ee poon ní baabadal. Bi wáŋkì, ní ki bíi kíiĺ bi-jutiibi mun ń wāŋkì.

1 Samuel 10:1

Samiyeel nìn ŋúb́ kikpalbabiki ŋkpam kā poon, ní u bātì ki sītì Saayuul yil pu ki kpàl̄-u ní ki bí-u yii: «Ti-Dindaan u-ba di lēē-si á nīn sá u-nibul bɔtiu.»