Osée 12:2 - UNIMBƆTI NYƆƆBUNDI GBƆŊKU

² Eefiraayiim yab jīǹ kubuŋu ní kí díkí, ní ki jì ki bīī ŋwìiń nyalaŋki boon kaa gbèentí. Bi yāntì inyimɔn nì tipɔmbɔti gbóotì. Bi nì Asuur yab ŋá mpèé, ní ki tìì Eejipiti yab ŋkpam.

Osée 12:2 Iomraidhean Croise

2 Rois 17:4

Ama an dāa kúntèe, ní Oosee yíkì kaa kíí u-ba pu. U nìn tú binib Eejipiti bɔtiu Soo cee ní ki yíì yii waa ti làá pà lampoo kí tīī Asuur bɔtiu. Ubɔti Salmanasaar dāa béè mimmee ní ki cúú Oosee ki pīiǹ kudii.

Yoob 15:2

Uciŋfiti un bí kii siiyee kaa kíikí tibɔti kí tɔ̄ kutaa, waa sòoǹ tibɔti an kaa cáá taapu.

Psaumes 78:36

Ama bi nìn cáá bi-nyɔmmu ki ŋmàtíǹ-u, bi nìn cáá bi-limbiliŋ ki mɔ́ntí-u.

Ecclésiaste 5:15

An sá nnaabukpaan ní ki tīī-u. U làá yīkì kitiŋ nee pu kii u nín dɔ́miń puee. U túń ditundi ki tīī kubuŋu dee.

Esaïe 10:12

Ti-Dindaan yaa láa dóò ditundi din u cáá kí tɔ̄ Jeerusaleem tiŋki nì Siiyɔn jool puee, u làá dāá dáaĺ Asuur bɔtiu tafal u nín cáá dilambil ki dàkà u-bee pu.

Esaïe 10:6

M dū-kì ki tú kí cùú já nì ditimbundi din kaa dū Unimbɔti ki yíiń tibee. M tīī-kì ditundi kí cùú já nì dinibul din gbítí m-ŋuulee, kí fūkul̀-kì kí kóoǹ ki-gaajawanti, kí tāā-kì kii didandi pu kpatee.

Esaïe 24:21

Ŋwiin gbantee, ti-Dindaan làá já nì ipɔn in kɔkɔ pée bí yilpuee, nì bibɔtiibi bin bí kitiŋ puee.

Esaïe 3:11

Ama mbusu dɔ̄ ki cí binikpitib, tiba pée kpá kí nīn ŋān̄ ki tīī-bi. Di sá yii bi-tuuŋŋi paati ní bi làá fōō.

Esaïe 30:6

Tiwaŋkuti tú tiwan ki còom̄ ki pùntī Neegeeb teeku. Ku sá kunimbaau nì dinimbinaamandi tiŋki ní. Igbikintinaŋkpil nì ijaa, ikoowaati nì tipeebilindi tin ŋàaǹee kóò niin ní. Mmamu tú bi-gaajawanti mu-booŋyi ní igutaamu tú bi-gaajati i-guliŋ pu, ní bi cáǹ kí tīī dinibul din kaa làá kèetī-bee.

Esaïe 59:18

U làá téeǹ báà ŋma tin u máaǹee. U-ŋuul sá ki tīī u-nannanliibi ní, ní ditafadaaldi sá ki tīī bin kaa là u-bɔtee, ki kpáaǹ gba ntimu mun nnyim māntìi túee.

Jérémie 25:31

Kuwoou kun u ŋáańee bàn̄ kitiŋgbeennyɔkɔ. Ti-Dindaan di bíi sòoǹ anibul bɔti, u yíiń inifunaan kɔkɔ u-bɔsoondiikun. U làá yàntī bí pɔ̀fì bikpitiŋaliibi.» Ti-Dindaan di lī míǹ.

Osée 2:13

M làá dāá kúntí u-faalii, nì u-jiŋaalib nì u-jiŋaalib bin u jīǹ uŋmapɔɔn yaa páaǹee, nì u-wiŋŋuŋfikaai nì u-jiŋaalib bin kɔkɔ pée kíǹ u jīǹee.

Osée 4:1

Isirayeel yab, pīlifìmaan ti-Dindaan bɔti, di sá yii ti-Dindaan bíi sòoǹ bin kóò kitiŋ nee puee bɔti. Kitiŋ nee puee, mbaamɔn gíti kpáaa, dineendi gíti kpáaa, bin nyí Unimbɔtee gíti kpá.

Osée 4:9

Tin dɔ̄ ki cí bisaraaŋaliibee di dɔ̄ ki cí samaa un kíǹee. M làá dáaĺ bi-tafal bi-bimbikpitim pu, ní kí pà-bi bi-tuŋkpitiŋ paati.

Osée 7:1

m yaa baa là kí cáaǹ Isirayeelee, ní Eefiraayiim yab kpitii nì Samaarii yab tuŋkpitiŋ ń nyā kí páań mpaampiin pu. Di sá yii bi kíiĺ tɔb, ní binaayub kóò adiinni ki yù, ní digaŋgam daan bí adan pu ki bìlim̄.

Osée 7:11

Eefiraayiim sá kii dibeenanjil din kaa nyí tiba kaa dàkafēe ní. U yíì Eejipiti tiŋki ń dāá jòoń-u, ní ki sáń ki cá Asuur tiŋkin.

Osée 7:2

Ama an kaa sòoǹ nì bi-pɔbiliŋin yii m téetí bi-kpitii in bi ŋáańee kɔkɔ pu. Kɔŋkɔnnee bi-kpitii gbanti di māntìi tú-bee. I dɔ̄ m-nimbiin ní baabadal.

Osée 8:10

Báà bi yaa yākatì tiwan ki pú atimbun ŋin kíǹee, ŋyunti bāań ḿ kóoǹ-bi kí kpāfì. Án kaa làá ti sūŋkì bi làá jī falaa abɔtibil bɔtiu ŋaan.

Osée 8:13

Bi ŋáań saraabi ki tìì-mi, kun puee tinan ní bi nyàab̀ kí ŋmɔ́. Ama man bi-Dindaan, maa làá fōō saraabi gbanti. Too m làá téetí bi-yìntitam pu, m làá dáaĺ bi-tafal bi-kpitii pu. Bi làá fàtīí gítí Eejipiti tiŋkin.

Osée 8:9

Di sá yii bi yíkìi cūtì Asuur tiŋkin, bi bí kii kumooun maŋki kin tú ki yìiǹ ki-babee ní. Eefiraayiim yab dá bibɔntiibi.

Osée 9:15

Ti-Dindaan gíti bí yii: «Bi-tuŋkpitiŋ kɔkɔ kíĺ Giilgaal ní. Niin ní m kíĺ ki kíǹ ki ná-bi. Ikpiti in ní bi ŋée puee, m làá jà-bi kí nyāntí m-diikun. Maa ti làá nīn néeń-bi. Bi-kpootiliibi kɔkɔ sá pɔɔgaatib ní.

Osée 9:9

Bi pée kɔ́ ikpiti poon poon ní kábu, a lì kii bi nín nìn ŋá pu Giibeeya tiŋkinee. Ama Unimbɔti kpá kí súntí bi-kpitii pu, asee u pée dáaĺ bi-tafal bi-kpitii gbanti pu.

Amos 2:4

Ti-Dindaan nín lī puee sèé: «Juuda yab ŋá ikpiti tikpil, bi gíti ŋá an jítì mara pu. An puee m nín pée síiǹ kí ŋá puee, míǹ ní m làá ŋá. Bi fá m-marab, kaa nóó m-koobiliŋ. Kii bi-naanjab nín nìn nóó awaa ŋi kíil̀-bi puee, míǹ ní bi yāntì awaa gbanti mun kíil̀-bi.

Michée 6:2

Nimbi ajoon nì dinyeel din pu kitiŋ tɔ́kɔ́ kaa cìŋkēe, pīlifìmaan. Ti-Dindaan yíiń u-nibul ibeeyiin, u bíi sòoǹ Isirayeel yab bɔti.

Matthieu 16:27

Man Kinibiki làá dāan̄ nì m-Baa Unimbɔti nyooti, ní m-tuuŋyi dāa nóó-mi, ní ḿ dāá pà báà ŋma nì u-tundi nín sá puee.

Romains 2:6

Yaadal ní u làá pà báà ŋma u-tundi paati.

Galates 6:7

Taa nín̄ kíiĺmaan ni-ba: baa gbíilíǹ Unimbɔti. Di sá yii kun unil yaa búĺee, kúǹ ní u dāa cēē.