Osée 11:3 - UNIMBƆTI NYƆƆBUNDI GBƆŊKU

³ Min kamaa man di ŋúb́ Eefiraayiim ŋalii, ki dātì-u tàatáa u cōom̀ee, waa béè gba yii man di lōō-u.

Osée 11:3 Iomraidhean Croise

Psaumes 107:20

U nìn dū u-nyɔɔbundi ki cáaǹ-bi ní ki fīī-bi ki nyántì ŋkúm ŋaan.

Exode 15:26

U nìn bí-bi yii: «Ni yaa pílifí man ni-Dindaan ni-Nimbɔtiu nín sòoǹ puee mmɔntiim, ki ŋáań tin bí deedee m-nimbiinee, ki yaa gbìl̄ m-marab ki ŋúb́ akoobil kɔkɔee, maa làá yàntī iween in m nìn dūu tɔ́ Eejipiti yab puee ń gbēē-ni. Di sá yii man di sá ni-Dindaan un cāantí-nee.»

Exode 19:4

<Ni ká tin m ŋá Eejipiti tiŋkee, nì m nín yōoǹ-ni m-feeŋyi pu kii ukaalunee ki cáań-ni m-ceeyee.

Exode 23:25

Man ni-Dindaan ni-Nimbɔtiu baba ní ní dāá nīn jáaḿ. Niinee ní ḿ dāá bìin̄ ni-boon kí tīī-ni tijin nì tinyɔkaal, ní kí wúń ni-pu iween ń taa cúú-ni.

Esaïe 1:2

Kutagbɔŋu, pīlifì! Kitiŋ, kpòon̄ a-tafal kí pīlifì! Ti-Dindaan di bíi sòoǹ nee. «M lōō mbiyaamu, ki kpēē-mu mu cíkitì, ní mu kíǹ ki bíi jáà nì mi.

Esaïe 30:26

Ŋwiin ŋun ti-Dindaan làá dāá póob́ u-nibul buuŋyi kí cáaǹ tiweendi tin bi fōōyee, uŋmal làá dāá nīn wāĺ kii ŋwìińee ní, ní ŋwìiń walifiŋu ń dāá nīn pɔ̄ɔ̄ miluli pu kii iwìiń iluli walifiŋuee.

Esaïe 46:3

Pīlifìmaan-mi, Jaakɔb naantiibi, nimbi bin kíǹ Isirayeel nibul poonee, nimbi bin ní m ŋúb́ doooo ni-na poonee, nimbi bin m ŋúb́ doooo ŋyunti ŋun bi màl̄-nee.

Esaïe 63:9

Bi-nimbinaamandi kamaa poonee, an kaa nìn sá ntuun ŋubɔ di fīī-bi, ama ti-Dindaan u-ba di nìn fīī-bi. U-neendi nì u-saasɔl poonee, u nìn fīī-bi ki líì. U nìn yōoǹ-bi ki túǹ kii iyunti in nìn jítèe poonee.

Jérémie 30:17

Bi yíì-si yii <un bi jìn̄ee>, <Siiyɔn un bɔti kaa ti ká ubɔee>. Ama mama ni-Dindaan, m bí yii: M làá cáaǹ tiweendi tin a fōōyee, m làá yàntī a-buuŋyi ń kpú.

Jérémie 8:22

Isufi in bi cáa cāantí iweenee kaa bí Galaadi tiŋkinaaa? Ucaanli ubɔ kaa bí niinaaa? Kin ba pu ní nì díǹ m-nibul buuŋŋu kaa bíi kúù?

Osée 14:4

Asuur tiŋki kaa ŋūǹ kí fīī-ti. Taa làá ti máĺ kí kàl̄ kujaau taamui pu. Ti-waaŋi sá tiwan tin ti dū ti-ŋalii ki kpítèe ní. Taa làá ti tùkù-ŋi yii ŋi sá ti-Nimbɔtiu, di sá yii sii baba di dàkà ditaŋkpiibil kulaŋŋaŋfitiiu.»

Osée 2:8

«An pu ní m làá dū ikuŋkum kí pìin̄-u nsan, ní kí mā digundi kí màntīí tū-u ú taa ti ká nsan kí nyā.

Osée 7:1

m yaa baa là kí cáaǹ Isirayeelee, ní Eefiraayiim yab kpitii nì Samaarii yab tuŋkpitiŋ ń nyā kí páań mpaampiin pu. Di sá yii bi kíiĺ tɔb, ní binaayub kóò adiinni ki yù, ní digaŋgam daan bí adan pu ki bìlim̄.

Osée 7:15

Man di kpōotì-bi ki tīī-bi mpɔn, ama nì míǹ kɔkɔee, bi dàkafī m-pu ilandɔkɔkpiti ŋma ní.

Actes 13:18

ki jíń bi-pu kimɔtii bi-bimbim pu ki ŋúb́-bi abin imuŋku ili nyɔkɔm kuteeun.

Deutéronome 1:31

ní kuteeunee ni gíti ká míǹ. Kí yòon̄ ŋwiin ŋun ni yíkìń Eejipiti tiŋkin ki dāa bāań mpaan ŋun pu ni bí díǹ neeyee, ti-Dindaan ni-Nimbɔtiu di wúń ni-pu kii unil nín wúǹ u-biki pu miŋyee.»

Deutéronome 33:27

Unimbɔti un bí jaanjaanee di sá a-taŋkpanaakooku. U dàkà u-pɔŋŋu taapu doo baabadal. Úǹ di jìn̄ a-nannanliibi a-nyɔkɔpu, ní ki bí-si yii á kpɔ̀ kí céetí-bi!

Deutéronome 8:2

Ní téetí ti-Dindaan ni-Nimbɔtiu nín yāntì ni cōom̀ disaŋkindi din kuteeun abin imuŋku ilee pu. U nìn yāntì ni ká agìŋ́kpaan kí cɔ̄ŋkì-ni. U nìn ŋá míǹ kí kpèè yii, ni-pɔbiliŋ poonee, ni làá nīn tɔ́ u-marabaaa, naa làá nīn tɔ́-bi.