Osée 10:4 - UNIMBƆTI NYƆƆBUNDI GBƆŊKU

⁴ Bi sòoǹ tikpil, ki pùtī fám, bi nì binib ŋáań mpèé, ama bi-baamɔŋyi bí kii ujil nín nyēē adan pu bukpaan puee ní.

Osée 10:4 Iomraidhean Croise

Esaïe 5:7

«Ti-Dindaan Mpɔŋkɔdaan fiinyi kpaabuee di sá Isirayeel tiŋki, isufi in u nìn néeń tikpilee di sá Juuda yab. Ti-Dindaan bàà nìn cɔ́tí yii bi làá nīn nóó deedee saŋŋu, ama ní bi bí ki ŋáań ikpiti. U bàà nìn cɔ́tí yii bi làá nīn sá ibaamɔn dambi, ama ní bi yāntì biwɔfib bí ki gbòoǹ pɔ̀ɔɔɔ.»

Osée 4:2

Bi tòó tɔb mbusu, ki mɔ́ntí inyimɔn, ki kù binib, ki yù bunaayubu, ki ŋáań tilaakpaal, ki ŋáań tipɔmbɔti, ní ki cáá nnikpaakoon.

Osée 6:7

«Ama kii Adamee, ni nyáń m-poondi boon, naa yúl̀ nì mi deedee.

Amos 5:7

Ni yāntì ibaamɔn túŋkì kátí kati, ní kaa dū tin bí deedeeyee ki yíiń tiba!

Amos 6:12

Itaamu sáń ataŋkpajal puɔɔɔ? Inaa kù ataŋkpajal puɔɔɔ? Kin ba ŋá ní ni dū ibaamɔn ki kpántì tilool, ki dū tin bí deedeeyee ki kpántì ntuntun?

Actes 8:23

kun puee m wāĺ a-poon tū kii tiloolee ní ikpiti kusakai bá-si.»

Romains 1:31

Baa cáá iciin. Bi yaa pōoǹee, baa ŋáań tin bi pōoǹee. Baa cáá dineendi, kaa sūǹ bin kíǹee saai.

Deutéronome 29:18

Ubɔ ń taa nyā ni-kansikin, ŋyunti ŋun ní u gbìl̄ dipoondi nyɔɔbuŋŋi ŋin bi sòon̄ ki pūtì nee, boonee kí gāā u-bindi kí lì yii: «Báà m yaa gbíntìi ŋáań min m lèe, m làá nīn pée bí ŋgbansɔŋfin». Yaa sá fám, unikpiti làá kpú kí kpáaǹ maanyiiba.

Deutéronome 31:16

Ní ti-Dindaan bí Mooyiisi yii: «Kpèè, a làá cùú dòon̄ kí ŋàl̄ a-naanjab dee. A-kúm boonee dinibul nee làá cù kí nīn tòotī awaa ŋin bin bí kitiŋ kin bi làá kɔ́ kí fōō kí nīn kíǹ ki yì nee tòotēe. Bi làá dāá dū-mi kí fá ní kí kpìtī dipoondi din m pōoǹ-bee.

Deutéronome 31:17

Ŋyunti gbantee, m làá dāá gíí bi-pu diŋuul, kí dū-bi kí fá ní kí fàtī m-boon kí tīī-bi. Agìń tikpil nì dinimbinaamandi làá dāá jēetí bi-pu kí nàan̄-bi ní bi dāa kíǹ ki bàlifī bi-ba yii: <Agìń nee yaa bíi bàń-tee, mimmee an kaa sá ti-Nimbɔtiu nín kaa ti bí ti-kansikinee di yì-tàaa?>

2 Timothée 3:3

Baa dāa cáá dineendi, kaa dāa sūǹ binib saai, ki dāa kúŋfí binib boon, kaa dāa ŋūǹ kí cúú bi-ba, ki dāa sá bitɔŋfitiibi, ki dāa ná tin ŋān̄ee.

Hébreux 12:15

Ní nīn nyíǹ ni-ba ubɔ ń taa fá diyimɔɔl din Unimbɔti tīī-tee, kí nīn nyíǹ ni-ba ubɔ ń taa kpántí kii kisubiki kin cáá tiloolee kí dū u-lootee kí bīil̀ kunipaau.