Osée 10:2 - UNIMBƆTI NYƆƆBUNDI GBƆŊKU

² Isirayeel yab sá milimilidambi ní. Too, ŋyunti bāań bí fōō bi-kpitii paati. Ti-Dindaan u-ba di làá wìil̀ bi-saraafaŋyi, ní kí kpēelikì bi-taŋkpacooŋkaaŋi.

Osée 10:2 Iomraidhean Croise

1 Rois 18:21

Eelii nìn sútì ki pìl̄ samaa kɔkɔ ní ki bí-bi yii: «Kí cáá sāā ŋyunti ŋulɔŋu ní ni làá lēē kí nóó nlandɔkɔbaanti ní? Ti-Dindaan di yaa sá Unimbɔti, nín̄ nóómaan-u. Diwaal Baal di yaa tí sá Unimbɔtee, ní nóó-dì!» Ama samaa kansikinee, báà ubɔ kaa nìn wāaǹ kinyɔkɔ ní kaa nín kíí tiba.

Exode 23:24

Ní taa láa pée gbàan̄ bi-waaŋi nimbiin kí jāam̀-ŋi. Ní taa láa fōō bi-bimbim, ama ní dāá gbá kí wīī bi-waaŋi nì bi-taŋkpeeŋi ŋin bi cóoǹ ki jáaḿee.

Proverbes 11:18

Unikpiti tundi kaa cáá tipaal, ama tipaal dɔ̄ ki cí un tūǹ deedee tundee.

Esaïe 44:18

Binib gbanti kaa nyí tibaaa, kaa gbìl̀ tibɔti taapu mun. Di sá yii bi-nimbiliŋ ŋúb́ ní baa ti wāĺ báà tiba, bi-pɔbiliŋ tīlifì ní baa ti gbìl̀ tibɔti taapu.

Jérémie 43:13

Eeliyoopooliisi tiŋkinee, u làá gbá kí wīī ataŋkpee kumpooŋi ní kí tūū Eejipiti yab waadiiŋŋi ŋŋmi.>

Ezéchiel 14:5

M làá ŋá míǹ ní kí gbēē Isirayeel yab bin dū-mi ki fá ki kíǹ ki nóó awaayee pɔbil.

Osée 12:11

M nìn sòon̄ nì bibɔnaatiliibi, ní ki nìn yāntì bi kántì aleedaka tikpil. M làá gíti dī bibɔnaatiliibi pu kí gāā alaŋkpan.

Osée 3:4

Di sá yii Isirayeel yab làá dāá kàl̄ kí yúntí, kaa cáá ubɔtaaa, kaa cáá ukpootilaaa, kaa ti ŋáań saraayaaa, kaa ti cáá ditaŋkpacooŋkaal àá tiwambalifikaal tin bi cáa bàlifī kí béé Unimbɔti lammee mun.

Osée 7:8

«Eefiraayiim dū u-ba ki ŋmālim̀ anibul ŋin kíǹee poon. U náań nì kalaa un bi tɔ́ kaa lábitèe ní.

Lévitique 26:30

M làá dāá gbá kí kpēelikì ni-waadiiŋŋi ŋin bí ŋgbantamu puee, nì ni-saraafaŋyi in pu ni tùutī talaalubee, kí kpɔ̀-ni kí páań awaa ŋin m kpéelikì ki bíl̀ee pu, ní kí dū-ni kí fá.

Michée 5:13

M làá dāá cóotí ni-windɔi, ní kí kúntí ni-timmu.

Sophonie 1:5

M làá kúntí bin tɔ̄kɔntí adibɔ̀bikaa yilpu ki jáaḿ iŋmalbijaayee. M làá kúntí bin gbàantí man bi-Dindaan nimbiin, ní ki gíti pùtī diwaal Mooleeki yindee.

Zacharie 13:2

Ti-Dindaan Mpɔŋkɔdaan bí yii: «M làá dāá kúntí awaa ŋin bí kitiŋ nee poonee, ní bí súntí ŋi-yiŋŋi pu. M làá dāá kúntí bin mɔ́ntí yii bi sá m-bɔnaatiliibee, ní kí lēē diwaatootil landɔkɔŋu bi-ni.

Matthieu 6:24

«Unibaanti kaa ŋūǹ kí nīn sá bikpilib bili tɔntɔnliu: see ú nīn ná ubɔ kí nīn néeń un kíǹee, àá ú dū u-ba kí yā kí nákáǹ ubɔ ní kí nīn kpèé un béeyee fám. Naa ŋūǹ kí nīn sá Unimbɔti tɔntɔnliibi kí nīn sá animbil mun tɔntɔnliibi.»

Luuki 16:13

«Utɔntɔnli ubɔ kaa ŋūǹ kí nīn bí bikpilib bili cee. Asee ú nīn ná ubɔ kí nīn néeń un kíǹee, kí dū u-ba kí tīī ubɔ, kí nīn kpèé un kíǹee fám. Naa ŋūǹ kí kpāfì Unimbɔti nì animbil kí nóó.»

Jacques 1:8

kun puee u cáá ilandɔkɔ ili ili, kaa dìŋfī nsambaanti.

Jacques 4:4

Nimbi bin fá Unimbɔti kii kinimpulaakpaai nín féeń u-cal puee, naa nyí yii un néeń duulinyee sá Unimbɔti pulincɔnti níii? Sii un píí duulinya kubɔɔtiiuee kpántì Unimbɔti pulincɔnti dee.

1 Jean 2:15

Ní taa nín̄ néeń duulinya nì tin u cááyee. Sii un di yaa néeń duulinyee, aa ŋūǹ kí nīn néeń Unimbɔti.

1 Samuel 5:4

Kù tí wúntì kutaafaau pɔ̀lpɔl bi kpēēyee, Daagɔn tí lítì dicincibil ki dɔ̄ kitiŋ Unimbɔti dakaau nimbiin. Diyil nìn cúu tūkutì ní iŋal liitil kɔ́fì ki dɔ̄ nsan pú. An nìn pée kíǹ dimuundi ní ki dɔ̄.