Osée 10:1 - UNIMBƆTI NYƆƆBUNDI GBƆŊKU

¹ Isirayeel beel nìn sá bufiinyisubu bun nìn lòoǹ abil tikpilee ní. U yaa nìn lòon̄ abil tikpilee, míǹ ní u nìn māā isaraafan mun tikpil. An yaa nìn bútì u-tiŋkee, míǹ ní u nìn nyāantí u-taŋkpacooŋkaaŋi.

Osée 10:1 Iomraidhean Croise

1 Rois 14:23

Bi mun nìn máń awaadiin ŋgbantamu pu, ki cóoǹ ataŋkpee nì idɔ in pu bi cɔ̀b̀ ticɔbikaalee ŋgbantamu pu nì isuboon kɔkɔ taapu.

Jérémie 11:13

Juuda yab timmu nín wīikí puee, míǹ ní bi-waaŋi mun wīikí. Jeerusaleem daŋŋi nín wīikí puee, míǹ ní ki-saraafaŋyi mun wīikí. Bi tùutī i-pu saraabi ki tìì diwaal Baal din sá-bi icooyee.>

Jérémie 11:17

An sá ti-Dindaan Mpɔŋkɔdaan di cóoǹ-si. Ama kɔŋkɔnnee, u bíi tùkù-si yii u làá cáań nnaabu kí tɔ̄ a-pu Isirayeel nì Juuda yab kpitii pu. Di sá yii bi tūutì talaalub ki tīī diwaal Baal ki gbítì ti-Dindaan ŋuul.

Jérémie 2:28

Awaa ŋin ni kpítèe bi la? Ŋí yīkì tí kpèè ŋi yaa ŋūǹ kí fīī-ni kí nyāntí-ni ni-nimbinaamandi poon! Di sá yii nimbi Juuda yab waaŋi wīikí ki jítiǹ ni-timmu nyɔkɔm.

Osée 12:11

M nìn sòon̄ nì bibɔnaatiliibi, ní ki nìn yāntì bi kántì aleedaka tikpil. M làá gíti dī bibɔnaatiliibi pu kí gāā alaŋkpan.

Osée 12:8

«Kii Kanaan yab nín bí puee, míǹ ní sii Eefiraayiim mun bí, a ŋúb́ saniya un kaa sá umɔntee. A néeń ki mùul̄ binib

Osée 13:15

Min kamaa an bútì Eefiraayiim yab bi-nabiyaamu kansikinee, ŋwìiń nyalaŋki pú buŋku dòoń, ti-Dindaan buŋku làá nyānní kuteeu pú. Ku làá fáá nnyimbul pu ní ŋú fóotí ní dinyimbɔbil ń kpā, ní bí fūkul̀ laakin bi dū bi-gaajawammɔntiiti ki kpáafèe.

Osée 13:2

Díǹ pu nee, bi dáá gbíntìi nìkì ki ŋáań ikpiti. Bi dūntì bi-nimbiliŋ ki dūu mɔ́ɔ́ awaa, awaa ŋin ní bíǹ bi-ba dākafì ki mɔ́ɔ́yee. An sá uwammɔ́ɔl tuuŋŋi aba ní, awaa gbanti pu ní bi lì yii: «Tí ŋámaan saraabi kí tīī-ŋi!» Binib móotí anabil ki ŋáań saraabi.

Osée 13:6

A pée bàn̄ kunaakpaapɔɔunee ní a jíń ki díkí. Ama ŋyunti ŋun a jíń ki díkée ní a kɔ́ dilambilin. An pu ní a súntì man pu.

Osée 2:10

«Waa nìn béè yii an sá man di nìn tìì-u bilee nì ndaam nì ŋkpam. Man di nìn tìì-u animbil nì sindaariya, ama ní u dūu ŋá saraabi ki tīī diwaal Baal.

Osée 2:8

«An pu ní m làá dū ikuŋkum kí pìin̄-u nsan, ní kí mā digundi kí màntīí tū-u ú taa ti ká nsan kí nyā.

Osée 3:4

Di sá yii Isirayeel yab làá dāá kàl̄ kí yúntí, kaa cáá ubɔtaaa, kaa cáá ukpootilaaa, kaa ti ŋáań saraayaaa, kaa ti cáá ditaŋkpacooŋkaal àá tiwambalifikaal tin bi cáa bàlifī kí béé Unimbɔti lammee mun.

Osée 4:7

Kii bisaraaŋaliibi nín būtì tikpil tikpil puee, míǹ ní bi yīntiǹ-mi mun. M làá yàntī tin nìn tìì-bi tinyoolee ń kpántí-bi ticoobɔti

Osée 8:11

Eefiraayiim yab máń isaraafan tikpil kí nīn ŋáań ikpiti pɔ̄tam saraabi. - Ama isaraafan gbanti di yàntī bi mɔ̀tīi ŋáań ikpiti. -

Osée 8:4

Bi kāaǹ bi-bɔtiibi kaa bālifì m-pu. Bi lēē bi-kpilib kaa tùkū-mi. Bi dū bi-nimbiliŋ nì bi-sindaariyab ki mɔ́ɔ́ awaa ŋin làá nàan̄-bee.

Lévitique 26:1

«Ní taa náań awaa, kí taa mā akumpoo, kí taa cóoń ditaŋkpal kí nīn tòotī, kí taa kpítí ataŋkpee kí nántíǹ tiba ni-tiŋkin laaba ki jáaḿ-ŋi. Di sá yii man di sá ni-Dindaan ni-Nimbɔtiu.

Nahoum 2:2

Niiniifi, bi dòoń kí jáǹ-si dee. Bijanjaliibi, jɔ̄m̀maan sintil difɔkɔŋi pu kí nīn cí, nín̄ cɔ́ŋkímaan adan pu ki kpèé, yòom̄maan ni-gbajab kí gbìn̄, kámaan kunyannyaau kí pɔ́ɔǹ ni-ba.

2 Corinthiens 5:16

An puee taa ti kpèé ubɔ nniyaamin. Ki kpáaǹ dooooyee ti yaa nìn kpèé Kriisitoo nniyaaminaaa, kɔŋkɔnnee taa ti kpèé-u míǹ.

Philippiens 2:21

Bin kɔkɔ kíǹee dàkafī bíǹ bi-ba bɔti pu ní kaa fātìi tɔ́ Yeesu Kriisitoo yati.