Osée 1:2 - UNIMBƆTI NYƆƆBUNDI GBƆŊKU

² Ti-Dindaan nín dī Ooseeya pu ki sòon̄ tibɔti tiŋyee sɔ̀. Ti-Dindaan nìn bí Ooseeya yii: «Cùú cáab́ kinimpulaakpaai ú màal̀-si kinimpulaakpaai biyaamu. Di sá yii kitiŋ nee nib cūtìi bíi jáaḿ awaa ki dū man bi-Dindaan ki fá kii kinimpulaakpaai nín féeń u-cal puee.»

Osée 1:2 Iomraidhean Croise

2 Chroniques 21:13

Ama a dī Isirayeel yab bɔtiibi saŋŋu ki yāntì Jeerusaleem yab nì Juuda yab bíi tòotī awaa kii Akaab dicaŋkun yab nín ŋáań puee. Áli gba a kūū a-naalib bin nìn sɔ́ǹ-see.

Psaumes 106:39

Bi-tuuŋŋi gbanti kɔ́ǹ-bi tijɔkɔndin, bi-bimbim yāntì bi kpántì kii kinimpulaakpaayee.

Psaumes 73:27

Di sá yii bin kɔkɔ fātì bi-boon ki tīī-see làá kpú kí céetí, a làá nàan̄ bin kaa yú nì si deedeeyee.

Jérémie 2:13

M-nibul ŋá ikpiti mili pu: bi dū man un sá nnyimbul ŋun tìì dimaŋfalee ki fá, ki cūtìi gbìn̄ anyimbɔbil ŋin tátì nnyim kaa ŋūǹ kí dòon̄ poonee.»

Jérémie 2:20

Ti-Dindaan bí yii: «Isirayeel, dooooyee ní a yíkì kaa kíí a-ba pu. A kpītì mpèé ŋun nìn bí man nì si kansikinee ní ki bí yii: <Maa ti là kí nīn sá uyumbu>. Di sá yii ŋgbantamu mun fɔ̀kɔ̀ee kɔkɔ pu nì isufi in cáá tifaasɔnee taapu ní sii dɔ̀ ki ŋáań a-laakpaatuuŋŋi.

Jérémie 2:23

Mana ní a ŋūǹ kí lì yii: <Maa kɔ́ tijɔkɔndi, maa tōotì diwaal Baal>? Kpèè kun a ŋá ditantakalinee! Béé tin a ŋée. A náań nì ugutansal un sáń ajan kɔkɔ puee ní.

Jérémie 3:9

Bi ŋá tilaakpaal nì awaa ŋin sá ataŋkpee nì isufee. An nín kaa ŋá-bi nyàaa bí ŋá tilaakpaalee, bi kɔ́ǹ kitiŋ tijɔkɔndi.

Ezéchiel 6:9

Bin ŋmátì gbantee làá dāá téetí m-pu bin cúú-bi kuyuŋuee kansikin. Bi làá dāá téetí m nín nāaǹ-bi miŋyee pu. Di sá yii bi nyáń m-boon: bi fātì bi-boon ki tīī-mi ní ki dū bi-nimbikpeeŋu ki báaǹ awaa pu. Niinee bi-naŋki làá dāá nyā nì bi-ba ntimbiil tuuŋŋi ŋin bi ŋée pu.

Osée 2:7

Tiŋman, mu-na dū u-ba ki líì nì alaakpaatuun. Un di màl̄-muee ŋá ticoobɔti. Di sá u lī yii: «M làá nóó m-bɔmbi bin tìì-mi m-jinti nì m-nyɔkaati, nì ipii kuti nì gulfamɔnti wampeeŋkaati nì m-kpam nì m-daamee.»

Osée 3:1

Ní ti-Dindaan tùkū-mi yii: «Nín̄ gbíntìi néeń unimpu un nyáń a-boon ki cáá bɔɔnee. Nín̄ néeń-u kii man ni-Dindaan nín néeń Isirayeel yab puee, nì min kɔkɔ bi dū bi-ba ki tīī awaa ki néeń fiinyi biliŋ kalaabee.»

Osée 5:3

«Mamee, m nyí Eefiraayiim naakookun yab tiŋan, Isirayeel beel yab mun kaa lìkī m-nimbiin. Eefiraayiim yab kɔ́ alaakpaatuun poon, ní ki yāntì Isirayeel beel yab kɔkɔ kɔ́ tijɔkɔndin.»

Marc 1:1

Tibɔmɔntiil tin sòoǹ Yeesu Kriisitoo Unimbɔti Jipɔɔn puee kílilaŋki sèé.

Deutéronome 31:16

Ní ti-Dindaan bí Mooyiisi yii: «Kpèè, a làá cùú dòon̄ kí ŋàl̄ a-naanjab dee. A-kúm boonee dinibul nee làá cù kí nīn tòotī awaa ŋin bin bí kitiŋ kin bi làá kɔ́ kí fōō kí nīn kíǹ ki yì nee tòotēe. Bi làá dāá dū-mi kí fá ní kí kpìtī dipoondi din m pōoǹ-bee.

2 Pierre 2:14

Ní bi-nimbiliŋ máǹ bí ŋá tijɔkɔndi. Baa gì nì ikpiti diŋál, ní ki pīil̀ ki sàtī binib bin pɔ̀fì nnimbɔtisan poonee. Bi-landɔkɔŋu di pée sá yii bí ká animbil. Bi sá mbusudambi ní.

Apocalypse 17:5

Ní dimaamaaciyindi diba ŋmàn̄ ki náká u-yigbeel pu yii: «Babiloon kitiŋkpaaŋŋi, tilaakpaal dambi nì bitiŋwiiliibi na.»