Nombres 8:7 - UNIMBƆTI NYƆƆBUNDI GBƆŊKU

⁷ A nín làá ŋá-bi pu ní bí nīn kíǹ ki bí circiree sɔ̀. Á dū nnyim min bi cáa fíntí ki lèekī ikpitee kí yɔ̄kɔfì bi-pu, kí yàntī bí kòol̀ bi-wunti pu kuti kɔkɔ ní kí fíntí bi-wampeeŋkaati. Bi yaa ŋá mimmee, bi kpántì circir dee.

Nombres 8:7 Iomraidhean Croise

Genèse 35:2

Ní Jaakɔb bí u-dicaŋku yab nì bin kɔkɔ bí u-ceeyee yii: «Nyāntímaan awaa ŋin bí ni-ceeyee, kí ŋá ni-ba circir kí kpántí ni-wampeeŋkaati.

Psaumes 51:2

Daafiidi dōoǹ nì Urii nimpuu Batiseeba ní Unimbɔti bɔnaatiliu Naatan cūtì u-cee ki sòon̄ nì u. Ŋyunti gbanti ní u gāā nlan nee.

Psaumes 51:7

Tiŋman, ikpitin ní bi màl̄-mi, m-na nín cáá m-poolee, m sá unikpiti ní.

Exode 19:10

Ní ti-Dindaan bí Mooyiisi yii: «Cù samaa cee kí tùkù-bi yii bí nīn bí circir díǹ nì fool, kí fíntí bi-wampeeŋkaati.

Esaïe 52:15

Míǹ mbaantiim u-puee, án làá ŋá atimbun tikpil bitii, ní bibɔtiibi kaa dāa gíti nyí tin bi làá lèe. Di sá yii bi làá ká tin baa láá máafì-bi ki kée, ní kí dāá wāl̀ tin baa gbìl̄ dalba dalbee.»

Jérémie 4:14

«Jeerusaleem yab, ni yaa là kí ŋmátée, ní fíntí ni-pɔbiliŋ kí nyāntí ntoom kɔkɔ nì mi-bulifi. Ilandɔkɔkpiti làá nīn kā ni-ni ki tin cáá sāā ŋyunti ŋulɔŋu ní?

Ezéchiel 36:25

M làá kpáatí nnyim min bí circiree kí sìtī ni-pu, ní kí ŋá-ni circir. M làá fíntí-ni kí nyāntí ni-jɔkɔntuuŋŋi kɔkɔ poon nì ni-waatootii poon.

Lévitique 15:27

Un di yaa gbēē ndoo àá dijal gbantee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou.

Lévitique 15:6

Un di yaa pée kāl̀ kun pu ní ubatikudaan kāl̀ee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou.

Lévitique 16:28

Unil un dū an wantee ki wùn̄ ŋŋmee ń fíntí u-wampeeŋkaati, kí fàl̀, ní kí nín kɔ́ dinaapaalin.

Lévitique 8:6

Ní Mooyiisi cáań Aarɔn nì u-jipɔmbi nyɔkɔpu ki yāntì bi fùl̄ nnyim kí nyā kí nīn bí circir.

Nombres 19:13

Un di yaa gbēē dinikpil ní baa dū nnyimee ki yɔ́kɔfì udaan puee kɔ́ǹ ti-Dindaan tantiu tijɔkɔndi. Bí nyāntí-u Isirayeel yab kansikin, kun puee bi nín kaa dū nnyim min lèekī tijɔkɔndee ki yɔ́kɔfì u-puee, u-jɔkɔnti pée gbíntìi bí u-pu ní.

Nombres 31:20

Ní ŋá abɔkuti nì igban nì tiŋɔkuti wanti nì idɔ wanti kɔkɔ circir.»

Nombres 8:21

Leefii yab nìn ŋá tin kɔkɔ pée sá bí ŋá kí kpántí circiree, ki fíntì bi-wampeeŋkaati. Boonee ní Aarɔn dū-bi ki sú ti-Dindaan, ní ki ŋá akoobil nín sá puee bí kpántí circir.

Hébreux 9:10

An sá marab bin bi yóoǹ bi sá tijin nì tinyɔkaal nì tiwun difíntilee bɔti ní. An marabee kɔkɔ sá tiwun pu marab ní kí tin sāā ŋyunti ŋun Unimbɔti làá dāá cáań tipɔnee.

Hébreux 9:13

Dikoobil di nìn sá puee di sá bi nìn dū iŋɔjaa nì inajaa fatikuu nì unasal un bi nìn wù ŋŋmi kɔkɔee fantam kí yàaǹ bin ŋá ikpitee pu ní. Bi yaa nìn ŋá mimmee, an lēē ikpiti bi-wunti pu bi kpántì circirdambi dee.

Jacques 4:8

Sútímaan kí pìl̄ Unimbɔti, ní u mun ń sútiń kí pìl̄-ni. Ikpitidambi, fíntímaan ni-ŋalii ikpiti ń nyā, milimilidambi, fíntímaan ni-pɔbiliŋ poon ń nyā circir.

1 Pierre 3:21

Nnyim min nìn fīī binib biniiyee náań nì min ni fùul̀ ki kāntí difiil nan ní. Unimbɔti nyim difaldee kaa sá kí lēē tiwun pu jɔkɔnti, an sá kí mèè Unimbɔti ú fíntí ti-pɔbiliŋ ń nyā circir ní. Yeesu Kriisitoo fìkititam pu ní Unimbɔti nyim difaldi cáá mpɔn kí fīī-ti.

Apocalypse 7:14

Ní m kíí-u yii: «M-Dindaan, sii di nyí-bi.» Ní u fātì ki bí-mi yii: «Bin nyánní falaakpaŋkpaan poonee dee. Bíǹ di fíntì bi-bɔkutiŋ ki dū-ŋi ki ŋá Dipibil fatikuun ŋi píil̀ káŋkaŋ.